zulu.276.lunch
t
Ama-supper amnandi
vegetable soup
2 izinkomishi (500ml) amanzi
Indlela yokwenza
1. Bilisa i-macaroni ngokwemithetho esephaketheni.
2. Epanini thosa u-anyanisi, utamatisi, uphepha no-curry powder. Faka upholoni, uthose eminye imizuzu emibili.
3. Faka isobho elinamanzi ne-macaroni. Gxabhisa imizuzu engu-10 ukuphake
Tasty Meaty Stew
Kubiza: R26,85
Kwanela abangu-6
Izithako
1/4 inkomishi (60ml) uwoyela
1kg amathambo
3 u-anyanisi osikwe izingcezu
2 utamatisi oqotshiwe
8 amazambane ayizingcezu
1 beef stock cube encibilikiswe ku-1 1/2 izinkomishi (375ml) amanzi abilayo
1 inkomishi (250ml) i-mixed frozen vegetables
1 x 410g ithini i-baked beans in tomato sauce
1 isipuni (15ml) i-cake flour
Indlela yokwenza
1. Epanini, shisa uwoyela uthose amathambo ukubeke eceleni. Thosa u-anyanisi, ubuyisele amathambo epanini.
2. Faka utamatisi, amazambane nomhluzi.
3. Kumboze kugxabhe amahora angu-1 1/2. Faka ama-vegetable nobhontshisi.
4. Xuba ufulawa namanzi ubondele esitshulini usosi oshubile.
5. Kufake phezu kophuthu noma irayisi.
Baked Liver
Kubiza: R30,45
Kwanela abangu-6
Izithako
600g izibindi zesiklabhu noma zenkonyane, ukhiphe untwentwesi nemisipha
usawoti nophepha
1/2 inkomishi (125ml) i-cake flour
3 izipuni (45ml) uwoyela
1 u-anyanisi osikwe izingcezu
2 izigaxa zikagaligi ogxotshiwe
3 ukherothi ocwecwe wasikwa izingcezu (ngokuthanda kwakho)
4 amazambane, acwecwe asikwa izingcezu
1 i-teaspoon (5ml) i-dried mixed herbs
1/2 inkomishi (125ml) ubisi uncibilikise kulo iqhuzu lesobho lenkukhu
Indlela yokwenza
1. Shisisa uhhavini ube ngu-160oC. Gcobisa i-oven-proof dish.
2. Sika izibindi uzinonge ngosawoti nophepha. Zibhuqe kufulawa. Epanini thosa ucezu lwesibindi ngalunye zize zibe nsunjwana kodwa zibe hlaza ngaphakathi. Zihlele kahle kwenye indishi elungisiwe.
3. Thosa u-anyanisi nogaligi kuthambe. Kufake ngesipuni phezu kwesibindi. Hlela ukherothi phezulu ulandelise ngamazambane uvuvuzele ngama-herbs. Thela ubisi phezulu. Ngebhulashi gcoba amazambane ngowoyela.
4. Kubhake imizuzu engu-40-60 isibindi sivuthwe namazambane ahlofozele. (Gudluza isivalo emva kwemizuzu engu-30 ukuze amazambane ahlofozele kahle.)[z]
BONA ZULU – January 2006
Ngabe awunasikhathi...Ngeke ube nankinga uma wenza lawa maresiphi asheshayo?
Pancakes
Kubiza: R7,85
Kuphuma angu-12
Izithako
1 inkomishi (250ml) i-cake flour
ibinzana likasawoti
2 amaqanda
1 inkomishi (250ml) ubisi
1/2 inkomishi (125ml) amanzi
1 i-teaspoon (5ml) ujusi kalamula
2 izipuni (30ml) imajarini encibilikisiwe
uwoyela wokuthosa
Indlela yokwenza
1. Sefa ufulawa nosawoti.
2. Kujeke shaya amaqanda nengxenye yobisi.
3. Thela ubisi olusele namanzi ukushaye kube sakhilimu.
4. Faka ujusi kalamula nemajarini. Kuyeke imizuzu engu-30.
5. Shisa uwoyela epanini ufake inhlama eyanele. Kuthose umzuzu owodwa kuqine kahle. Thosa olunye uhlangothi.
6. Susa epanini, kugoqe useve.
Ama-Filling
Vuvuzela ushukela ne-cinnamon noma uhlanganise i-ham eqotshiwe nopholoni ne-cottage cheese. Ungahlanganisa noshizi ogreythiwe ne-chutney.
Banana Muffins
Kubiza: R12,20
Kuphuma angu-9
Izithako
1 ubhanana
1 inkomishi (250ml) ubisi
1 iqanda
1/4 inkomishi (60ml) imajarini encibilikisiwe
1 1/2 izinkomishi (375ml) ufulawa i-self-raising
1/2 inkomishi (125ml) i-castor sugar
Indlela yokwenza
1. Bonda ubhanana ufake ubisi, iqanda nemajarini.
2. Faka ufulawa noshukela ukuhlanganise. Kukhe ngesipuni ukufake ethinini eligcotshiwe.
3. Kubhake kuhhavini ongu-190oC imizuzu engu-20. Kuseve kufudumele noma kubanda.
Quick ’n easy vetkoek
Kubiza: R8,90
Kuphuma angu-20
Izithako
2 izinkomishi (500ml) ufulawa
4 ama-teaspoon (20ml) i-baking powder
1 i-teaspoon (5ml) usawoti
2 izipuni (30ml) uwoyela
1 iqanda
1 inkomishi (250ml) amasi
uwoyela wokuthosa
Indlela yokwenza
1. Sefela izithako ezomile endishini.
2. Kujeke, shaya uwoyela, iqanda namasi. Thela ezithakweni ezomile.
3. Bumba inhlama amabhola angu-12 uwandlale.
4. Epanini, fudumeza uwoyela ongu-2cm. Thosa amagwinya. Acwenge kwi-paper towel. Seva ne-mince, imajarini nojamu.
Marmite Biscuits
Kubiza: R12,50
Kuphuma angu-40
Izithako
3 izinkomishi (750ml) ufulawa
1 i-teaspoon (5ml) usawoti
1 inkomishi (250ml) imajarini
2 okweqanda okuphuzi
iMarmite
Indlela yokwenza
1. Sefa ufulawa nosawoti. Faka imajarini ngeminwe.
2. Faka okweqanda okuphuzi. Kuhlanganise ukubumbe amabholana. Beka ethreyini lokubhaka eligcotshisiwe.
3. Bhaka kuhhavini ongu-200oC imizuzu engu-10.
4. Kupholise ugcobe iMarmite.
Grilled Cheese Fingers
Kubiza: R4,20
Kwanela umuntu oyedwa
Izithako
1/3 inkomishi (85ml) ushizi iCheddar egreythiwe
1 i-teaspoon (5ml) i-tomato sauce
1/2 i-teaspoon (2,5ml) i-dried mixed herbs
i-Aromat
2 izingcezu zesinkwa
Indlela yokwenza
1. Endishini hlanganisa ushizi, i-sauce nama-herbs. Vuvuzela nge-Aromat.
2. Kwi-grill yenza isinkwa sibe wuthosi ohlangothini olulodwa. Ndlala ingxube ohlangothini olungenziwe uthosi. Grila umzuzu owodwa kuze kuncibilike ushizi.
3. Kusike kumise okweminwe. Kudle kushisa noma kubanda.[z]
Izibiliboco zomndeni
amaresiphi nezindlela zokuhlela ngabeGEMINI FOOD PROMOTIONS isithombe nguKIM THUNDER
BONA ZULU – January 2006
Banana Muffins with custard.
