zulu.2758.bec feedback
I-BONA Empowerment eMogale City
UKUBANDA akuzange nakancane kuvimbele amalungu eBONA Empowerment Club ukuba ahambele umcimbi owawubanjelwe eMisty Hills eMuldersdrift. Ababehambele lo mcimbi bayithokozela indlela le ndawo eyayihleleke ngayo kanjalo nokudla okumnandi ngesikhathi belalele inkulumo eyayithulwa yiMeya yaseMogale City uCalvin Koketso Seerane ekhuluma ngamathuba ezolimo, ezobuciko, awomsebenzi wezandla kanjalo nezindawo zezamagugu ezihanjelwa abavakashi njengeCradle of Humankind namaSterkfontein Caves.
Njengenqubo yethu kwaBONA, uMhleli wethu oMkhulu wavula lo mcimbi ngomkhuleko. UPresss wodumo lwe-ensemble 101 nguye owayesithokozisa ngomculo. Umculo wakhe ohlanganise oweR&B noweGospel washiya ababehambele lo mcimbi besafuna impinda.
Phakathi kwezikhulumi singabala uVicky Kubheka, okunguyena osiphathela iBake & Cook yeBONA noPeter Tlholoe oyiNew Business Development Director yabe-Aranda Textiles.
Sithanda ukubonga futhi abaxhasi bakwaSasko Flour, abenhlanzi esemathinini iGlenryck, Aranda Textiles, Mageu Number One, SavellsFairdeal nabeWoodlands Dairy ngokuxhasa izinhlelo zikaBONA zentuthuko.[z]
BONA ZULU – November 2007
1. UCalvin Koketso Seerane oyiMeya yaseMogale City ekhuluma ngamathuba amaningi aseMogale City.
2. Osanda kuwina kwiMageu Number 1 Start-up awards nguGladys Jonas osesithombeni noDorah Ditshwene wakwaMageu Number One.
3. Kwakukuningi ukudla okuconsisa amathe abantu ababezitenda ngakho kanjalo bezithokozela nabangani.
4. UPresss ongumculi nguye owayesithokozisa ngomculo.
5. Bathokozela ukuqhubeka kwezinto emcimbini eMogale City.
6. Bathokoza kufanele laba abathathu abaziwinela obhulankethi be-Aranda njengoba lalishubisa umnkantsha ngalobo busuku. Lapha bakanye no-Peter Tlholoe wabe-Aranda Textiles.
BONA – August 2007
