zulu.2748.yourfood_star
I-crumbed fish
kaSechaba
U-Sechaba womculo woKholo usicobelele
iresiphi yakhe ekanye noNtwenhle Mpanza intatheli yethu yezokudla
SIPHEKA NEZIHLABANI
I-CRUMBED FISH
OKUDINGAYO
* 1 i-teaspoon (5ml) usawoti
* 1 i-teaspoon (5ml) i-ground pepper
* 4 izipuni (60ml) izimvuthu zesinkwa
* 2 izingcezu zenhlanzi emhlophe
* 1/2 i-teaspoon (2,5ml) ujusi kalamula
* 1 iqanda elishayiwe
* 1/2 inkomishi (125ml) uwoyela wokuthosa
INDLELA YOKUKWENZA
1. Hlanganisa usawoti, u-pepper nezimvuthu zesinkwa.
2. Brasha ucezu ngalunye ngojusi kalamula.
3. Cwilisa inhlanzi eqandeni, yibhuqe ngezimvuthu ezinongiwe.
4. Epanini, shisa uwoyela uthose inhlanzi imizuzu engu-7 nhlangothi zombili. Seva nerayisi noma nesaladi. [z]
Izithombe: Peter Whitfield
U-SECHABA EKUDLENI
■ Okusekhishini engingeke ngiphile ngaphandle kwako – okokwenza i-juice.
■ I-dessert engiyithandayo – noma yini enoshokoledi!
■ Isidlo sasekuseni engingasidla – yi-toast, amaqanda, ubhekeni nokunye.
■ Umpheki engimaziyo opheka kahle ukwedlula bonke – yisithandwa sami.
■ Njengomuntu onakekela impilo yakhe ngithanda ukudla – inhlanzi eningi, izithelo nemifino.
