zulu.2745.sepp
Sikwethulela uMnuz. Blatter
U-JOSEPH “Sepp” Blatter ongumongameli weFIFA wesishiyagalombili ophethe lesi sikhundla njengamanje wazalwa ngomhlaka 10 March 1936 eVisp eSwirtzerland. Wazisebenzisa kahle iziqu zakhe zeBachelor in Administration and Economics enza umsebenzi wezokuxhumana nomphakathi.
Emva kokusebenza njengonobhala kwiSwiss Ice Hockey Federation, waba ngumqondisi wezokuxhumana enkampanini yakwaLongines eyenza amawashi.
Wayengomunye wabagqugquzeli bama-Olympic Games ngo-1972 nango-1976.
Ngo-1975 kuya ku-1981, uBlatter wayengumqondisi wezobuchwepheshe kwiFIFA. Emva kwalokho waba ngunobhala jikelele ngaphambi kokuqokwa njengomongameli wayo ngo-1998.
Wabuye waqokwa kabusha njengomongameli weFIFA ngo-2002 nangoMay 2007, phezu kokuba ngaleso sikhathi wayekhethwe amalungu eFIFA angu-66 kuphela emazweni angu-207 angamalungu.
Izinkulumo
Zikhona izinkulumo eziqubuke kuphethe uBlatter. Ukuqokwa kwakhe kulesi sikhundla ngo-1998 ehlula uLennart Johansson ongumongameli we-UEFA nokufakwa kwakhe ohlwini lwababezovotelwa ngo-2002 kwahambisana namahlebezi okungaphathwa kahle kwezimali nenkohlakalo.
U-Farra Ado owayeyisekela likamongameli weCAF wakhipha umbiko wokuthi wathengwa ngo-$ 100 000 ukuze avotele uBlatter.
Ngawo futhi u-2002, uMichael Zen-Ruffinen owayengunobhala jikelele weFIFA wakhipha umbiko wokungaphathwa kahle kwezimali kule nhlangano. U-Blatter wamkhipha esikhundleni ngaphambi kweWorld Cup ka-2002.
Ukungabonakali kwakhe ngesikhathi kukhishwa imiklomelo kwiWorld Cup ka-2006 kwagxekwa kakhulu abezindaba ngoba kwakungezwakali kahle ukuthi umuntu ongumongameli weFIFA angabi khona ngosuku olwalubalulekile kule nhlangano.
Kwabuye kwahlatshwa nenkulumo yakhe ayenza emva komdlalo womjikelo wesibili wePortugal neNertherlands lapho uValentin Ivanov owayengunompempe akhipha khona amakhadi aphuzi angu-16 nabomvu angu-4.
Wathi u-Ivanov kwakufanele azihlawulise yena ngekhadi eliphuzi ngenxa yokungawuphathi kwakhe kahle lowo mdlalo. Kodwa uBlatter wabuye waxolisa ku-Ivanov.
U-Blatter wabuye wathukuthelisa abadlali bebhola besifazane emhlabeni wonke ngo-2004 ngesikhathi ethi kufanele bagqoke izikhindi ezibampintshayo. [z]
Indlela ebheke ku-2010
BONA ZULU – February 2008
Kukhona izinkulumo ezizwakalayo ngaye njengoba ephethe isikhundla sakhe kodwa ulixhase kakhulu elaseSouth Africa…
Izinguquko
Izinguquko ezenziwe ebholeni njengoba sekuphethe uBlatter…
l Ukumiswa kwabadlali: Izinhlangano zebhola kuzwelonke kumele ziqinisekise ukuthi bonke abadlali abakhishwa ngamakhadi abomvu kudlalwa bayamiswa ngisho noma ngabe iTV ingaveza ukuthi lowo mdlali ubengenzanga lutho. U-Blatter uthi isinqumo sikanompempe singujuqu ngisho noma ngabe naye enze iphutha.
l Ukuziphatha kwabadlali: Miningi imithetho eshaywe njengoba sekuphethe uBlatter ukuze kuphuculwe indlela yokuphathwa komdlalo webhola. Ezibonelweni esinazo singabala ukubhalwa kwabadlali abakhumula amajezi abo emva kokufaka amagoli nalabo abajabula kuze “kweqe”.
l Ukushisa: Uguquko uBlatter asanda kulwenza ngoJune 2007 oluthi akukho midlalo ezodlalwa ezindaweni eziphakeme ngaphezulu kuka-3 000m.
Lokhu kuzowathinta amazwe anjengeBolivia nePeru anezinkundla eziphakeme ngaphezulu kuka-3 000m kubuye kugweme neqembu lesizwe laseBolivia ukuba lidlalele ekhaya.
