zulu.2720.pasta
BONA – August 2005
Amaresiphi nezindlela zokuhlela ngabeGEMINI FOOD PROMOTIONS
isithombe nguKIM THUNDER
BONA ZULU – December 2005
Mince And Pasta Bake
Kubiza: R48,04
Kwanela abangu-6
Izithako
250g (1/2 iphakethe) i-macaroni
1/2 i-teaspoon (2,5ml) usawoti
I-White sauce
1/4 inkomishi (60ml) imajarini
1/2 inkomishi (125ml) ufulawa
2 izinkomishi (500ml) ubisi
usawoti nophepha
1/2 inkomishi (125ml) ushizi ogreythiwe
I-Mince
1 isipuni (15ml) uwoyela
1 u-anyanisi ocwecwiwe waqotshwa
650g i-mince
1 x 410g ithini le-creamed sweetcorn
1 x 410g ithini le-tomato soup
1/2 inkomishi (125ml) ushizi ogreythiwe
Indlela yokwenza
1. Pheka i-macaroni ngokulandela imithetho esephaketheni.
2. Usosi. Epanini ncibilikisa imajarini. Bondela phakathi ufulawa ukugudluze emlilweni. Kancane faka ubisi ugovuze zikhathi zonke. Buyisela ipani emlilweni. Kugovuze kuze kushube usosi ukugudluze emlilweni. Kunonge ngosawoti no-pepper. Bondela phakathi ushizi.
3. I-mince. Epanini shisa uwoyela. Thosa u-anyanisi ne-mince ndawonye, i-mince ize ibe nsundu u-anyanisi uthambe. Bondela phakathi i-sweetcorn nesobho.
4. Endishini hlanganisa ndawonye i-macaroni ecwengiwe, uhhafu kasosi nayo yonke i-mince. Kubeke kwi-oven-proof dish egcotshiwe. Thela phezulu usosi osele. Kuvuvuzele ngoshizi. Kubhake kuhhavini oshisiswe ngezinga elingu-180oC imizuzu engu-20-25 ushizi uze uncibilike.
Pasta With Tinned Sardines And Tomato
Kubiza: R23,64
Kwanela abane
Izithako
250g (1/2 iphakethe) i-macaroni
1/2 i-teaspoon (2,5ml) usawoti
1 isipuni (15ml) uwoyela
1 u-anyanisi oqotshiwe
1 isigaxa sikagaligi ocwecwiwe waqotshwa
1 x 410g ithini lika-sardines
1 utamatisi owebulwe isikhumba waqotshwa
amacembe e-coriander noma e-parsley (aqotshisisiwe)
1 i-teaspoon (5ml) u-curry powder
1 iqhuzu lesobho lenyama yenkomo noma yemvu
1/2 inkomishi (125ml) ushizi ogreythiwe
Indlela yokwenza
1. Pheka i-macaroni ngokwemithetho esephaketheni.
2. Epanini, shisa uwoyela uthose u-anyanisi uze ube nsunjwana. Faka ugaligi. Gudluza ipani emlilweni.
3. Endishini venga u-sardines uwufake epanini. Faka utamatisi, i-coriander, u-curry powder neqhuzu lesobho. Kupheke imizuzu elishumi.
4. Endishini hlanganisa ndawonye i-macaroni ecwengiwe nengxube katamatisi no-sardines. Vuvuzela ngoshizi ukuphake ngokushesha.
Pasta With Chilli Beef And Beans
Kubiza: R33,55
Kwanela abangu-6
Izithako
250g (1/2 iphakethe) i-spaghetti
1/2 i-teaspoon (2,5ml) usawoti
1 isipuni (15ml) uwoyela
1 u-anyanisi oqotshiwe
1 isigaxa sikagaligi oqotshiwe
1kg i-mince yenyama yenkomo
1 i-teaspoon (5ml) u-curry powder
1 i-teaspoon (5ml) u-chilli powder
usawoti nophepha
1 x 410g ithini le-whole tomatoes
1 x 410g ithini le-baked beans in tomato sauce
Indlela yokwenza
1. Pheka i-spaghetti ngokwemithetho esephaketheni.
2. Epanini, shisa uwoyela uthose u-anyanisi nogaligi kuze kube nsunjwana. Faka i-mince, ukupheke inyama ize ibe nsunjwana.
3. Faka ezinye izithako eziseleyo ukuhlanganise kahle. Kumboze kugxabhe imizuzu engu-15-20 kuze kushube usosi.
4. Kuphake ngokushesha kwi-spaghetti esilungisiwe sacwengwa.[z]
Pasta With Tomato And Boerewors Mince
Kubiza: R43,15
Kwanela abangu-6
Izithako
250g (1/2 iphakethe) i-spaghetti
1/2 i-teaspoon (2,5ml) usawoti
1kg ama-boerewors
1 isipuni (15ml) uwoyela
1 u-anyanisi, oqotshiwe
1 isigaxa sikagaligi esiqotshiwe (kusekuthandeni kwakho)
1 i-teaspoon (5ml) u-curry powder
1 utamatisi owebulwe isikhumba waqotshwa
1 iqhuzu lesobho lenyama yenkomo noma yemvu
1/2 inkomishi (125ml) izimvuthu zesinkwa
usawoti nophepha
Indlela yokwenza
1. Pheka i-spaghetti ngokwemithetho esephaketheni.
2. I-Boerewors mince. Endishini khama i-boerewors iphume esikhwanyaneni sayo. (Yisike ngobude bayo.) Ihlakaze ngemfoloko.
3. Epanini shisa uwoyela. Thosa u-anyanisi, ugaligi no-curry powder kuze kube nsundu. Faka i-boerewors, utamatisi, iqhuzu lesobho nezimvuthu zesinkwa. Kumboze ukupheke imizuzu engu-30-35. Kunonge ngosawoti no-pepper.
4. Endishini hlanganisa ndawonye i-spaghetti esicwengiwe ne-boerewors mince. Kuphake ngokushesha.
Mince And Pasta Bake.
Uthando lwe- pasta
I-pasta iyanambitheka inomsoco, yonga imali kanti iyasuthisa ikongele nesikhathi. Ungafaka okuncane noma okuningi ukwenza izidlo ezehla esiphundu...
