zulu.268.family meals
okuyisipesheli
Okumnandi
Fish And Egg Bake
Izithako
2 izipuni (30ml) uwoyela
4 u-anyanisi oqotshiwe
3 izigaxa zikagaligi ogxotshiwe
6 ama-baby marrow ayizindukwana
2 x 425g amathini enhlanzi emanzini nosawoti
1 inkomishi (250ml) ushizi ogreythiwe iCheddar
4 amaqanda ashayiwe
1 inkomishi (250ml) ubisi
usawoti nophepha
Indlela yokwenza
1. Epanini thosa u-anyanisi nogaligi kuze kuthambe, ufake i-baby marrow ukupheke imizuzu emihlanu.
2. Kwi-ovenproof dish faka ingxenye yengxube bese ngaphezulu ufake inhlanzi nohhafu kashizi.
Beka ingxube esele ngaphezulu.
3. Kujeke hlanganisa amaqanda nobisi ukunonge ngosawoti nophepha.
4. Kuthele endishini. Vuvuzela ushizi osele ngaphezulu. Kubhake kuhhavini ongu-180oC imizuzu engu-25-35 kuze kube nsunjwana.
Kwanela abangu-6
Kubiza: R27,80
Savoury Pie With Potato Topping
Izithako
2 izipuni (30ml) uwoyela
1kg i-minced beef
2 x 60g amaphakethe e-brown onion soup
1 inkomishi (250ml) u-peas oqandisiwe
2 izinkomishi (500ml) amanzi
ibinzana leWorcester sauce
I-Topping
1kg amazambane aqotshiwe
2 izipuni imajarini
ibinzana lobisi
Indlela yokwenza
1. Inyama. Epanini thosa i-mince.
2. Faka isobho eliyimpuphu no-peas ulokhu ufaka amanzi, ukugovuze zikhathi zonke.
3. Kugxabhise imizuzu elishumi. Govuzela phakathi iWorcester sauce. Kuthele kwi-ovenproof dish.
4. I-Topping. Epanini, pheka amazambane emanzini abilayo uwacwenge. Abhucuze nemajarini nobisi. Kuthele phezu kwenyama. Kugrile kuze kube nsunjwana.
Kubiza: R36,26
Kwanela abangu-6
Maas Pancakes
Izithako
2 1/2 izinkomishi (625ml) i-self-raising flour
2 ama-teaspoon (10ml) i-bicarbonate of soda
1/2 inkomishi (125ml) ushukela
1 x 410g ithini lamapetshisi elicwengiwe
4 izipuni (60ml) i-golden syrup
ujusi kalamula owodwa
30g imajarini
2 amaqanda ashayiwe
2 3/4 izinkomishi (685ml) amasi
uwoyela
1 x 250ml i-carton cream (ngokuthanda kwakho)
Indlela yokwenza
1. Endishini hlanganisa ufulawa, i-bicarbonate of soda noshukela.
2. Epanini shisa i-syrup nojusi kalamula upheke amapetshisi aze athambe. Kugudluze ukubeke eceleni.
3. Kulo lelo pani ncibilikisa imajarini.
4. Kujeke shaya ndawonye amaqanda namasi. Kufake ezithakweni ezomile, nemajarini ukwenza inhlama.
5. Epanini elihlanzekile, shisa uwoyela omncane ufake ngesipuni amabhola enhlama. Kupheke imizuzu emithathu kuze kuvele amabhamuza. Phendula ama-pancakes uwapheke omunye umzuzu.
6. Aseve namapetshisi no-cream ngaphezulu.
Kubiza: R24,70
Kuphuma angu-24
BONA ZULU – June 2006
Okonga imali kokubamba umoya kuyathandeka kwabancane abalambile. Kuyanambitheka futhi kuconsisa amathe
amaresiphi nezindlela zokuhlela ngabeGEMINI FOOD PROMOTIONS
isithombe nguKIM THUNDER
Wickey Wackey Cake
Izithako
3 izinkomishi (750ml) ufulawa
5 izipuni (75ml) ukhokho oyimpuphu
1 i-teaspoon (5ml) i-bicarbonate of soda
1/2 i-teaspoon (2,5ml) usawoti
2 izinkomishi (500ml) ushukela
12 izipuni (180ml) uwoyela
2 izipuni (30ml) uvinika
1 isipuni (15ml) i-vanilla essence
2 izinkomishi (500ml) amanzi
Indlela yokwenza
1. Kwi-ovenproof dish sefela phakathi ufulawa, ukhokho oyimpuphu, i-bicarbonate of soda nosawoti ufake ushukela.
2. Enza izimbobo ezintathu ezithakweni ezomile.
Embobeni yokuqala thela uwoyela. Kweyesibili thela uvinika. Kweyesithathu thela i-vanilla essence. Kuhlanganise.
3. Thela amanzi kule ngxube. Kuhlanganise ngemfoloko.
4. Kubhake kuhhavini ongu-180oC imizuzu engu-20-25.
Kubiza: R18,60 [z]
BONA ZULU – June 2006
Wickey Wackey Cake.
