zulu.2548.harvard
Abashayela izindiza eSouth Africa basikhombisa okwenza babalwe kwabaphuma phambili emhlabeni…
Okuyisitayela saseSA
indaba ngu-ISAAC KWELA
izithombe nguFRANS DELY/AVIATIONDIMENSION.COM
BHEKA lezi zithombe ezimangalisayo! KuseKlipdrif Dam eGoli lapha kanti yizikhathi zasekuseni… Abadobi ababekule ndawo ngaleso sikhathi babona into yamehlo…
Babona izindiza ezine zeT6 Harvard ezisetshenziswa emanzini!
Lezi zindiza ezeFlying Lions Aerobatic Team. Zazishayelwa nguScully Levin ohola leli thimba, u-Arnie Meneghelli, uStewart Lithgow no-Ellis Levin.
Lo mbukiso owawuzokwenziwa lapha wawugunyazwe abeSouth African Civil Aviation Authority. Wawuxhaswe abeCastrol Aviation wahlelwa ngobuchule kanti wawenziwa ngaphansi kweso elibukhali labatshuzi nabosizo lokuqala ababekule ndawo.
“Esikwenze namuhla kuyaqala ngqa emhlabeni. Kukhombisa ukuthi eSouth Africa sinabashayeli bezindiza abaphuma phambili emhlabeni,” kusho u-Arnie Meneghelli we-Academy Brushware ongumnikazi wendiza.[z]
BONA ZULU – July 2006
Ungakwenzi lokhu ekhaya!
KWESOBU-NXELE: Ziyangena… zincenga kancane!
NGENHLA: Sezisemanzini!
Nakuba ama-Harvard emadala, asabukeka kahle.
BONA ZULU – July 2006
