zulu.240.bake
BONA – January 2008
Abawinile...
ULerato Mogale, Victoria Maseko noRaynor Damons.
U-Judith Masisi nama- cupcakes akhe.
IFAYINELI yoweBake with your Soul eyayinabahlanu abafinyelele kowamanqamu yayiseHTA School Of Culinary Art eRandburg ngoNovember.
Kwakungelula neze njengoba kwakudingeka ukuba umuntu ngamunye kwabafinyelela kowamanqamu enze izidlo ezintathu ezihlukahlukene. Amajaji akhethwa kubaxhasi bakwa-Ellerines, Sasko Flour, BONA nabeHTA School Of Culinary Art.
Amajaji ayekhipha amaphuzu ngokugcinwa kwesikhathi, ukuhlanzeka kwendawo abasebenzela kuyona, ukunambitheka kokudla nangendlela okuphakwe ngayo.
Abawinile bamenyezelwa emcimbini owawuseMoyo Restaurant eMelrose Arch.
Owaphuma phambili wawina imiklomelo ka-R80 000 nguMonica Ndaba waseWestonaria.
Owalala isibili nguThomas Lebakeng Simon waseBloemfontein owawina imiklomelo ka-R42 000 yakwa-Ellerines, kanye nefriji, i-microwave nesitofu esingu-4-plate.
Walandelwa nguJudith Masisi, naye ongowaseBloemfontein, owawina imiklomelo ka-R28 000, kanye nesitofu esingu-4-plate nefriji.
U-Victoria Maseko waseKudumane walala isine wawina imiklomelo yakwa-Ellerines ka-R20 000 kanye ne-freezer nesitofu.
Owesihlanu nguLuyanda Tshaka waseGrahamstown, owawina imiklomelo ka-R14 000 ne-223L freezer/fridge unit.
Ukukhuthala kwabafundi bakaBONA nempumelelo yalo mncintiswano kwenze abaxhasi bakwa-Ellerines nabakwaSasko Flour – bathembise ukuthi umcimbi wangalo nyaka uzoba ngcono kakhulu ngakho qala manje ulungise iresiphi yakho! [z]
ULuyanda Tshaka ne-date cake yakhe.
U-Monica Ndaba owawina (owesine ukusuka kwesobunxele) nabaxhasi: U-Karen Breytenbach (Ellerines), Cathy van Heerden (Ellerines), Nonhlanhla Ndaba, Christine Marot (Bona) noLisanne Bower (Sasko Flour).
BONA ZULU – January 2008
U-Monica Ndaba owawina.
U-Victoria Maseko exova inhlama yakhe.
Umfanele lo msebenzi uThomas Simon.
