zulu.2323.yourfood_star
OKUDINGAYO
I-Mutton Curry
* 2 izipuni (15ml) uwoyela
* 1 u-anyanisi oqotshiwe
* 1 iqhuzu ugaligi ogxotshiwe
* 1 utamatisi oqotshiwe
* 1 i-teaspoon (5ml) u-curry powder
* 1 upelepele obomvu noma oluhlaza okhishwe izinhlamvu waqotshwa
* 2 ama-teaspoon (10ml) i-ground cumin
* 1 i-teaspoon (5ml) ushukela
* 200g i-mutton eqotshwe amaqatha
* 1 iqhuzu lesobho lenkomo elincibilikiswe ku-2 izinkomishi (500ml) amanzi ashisayo
* i-coriander yokuhlobisa
Lentil Rice
* 1 inkomishi (250ml) irayisi
* 2 izinkomishi (500ml) amanzi abilayo
* 1 i-teaspoon (5ml) i-turmeric
* 1/2 i-teaspoon (2,5ml) usawoti
* 1/2 inkomishi (125ml) ama-lentils
* 2 izinkomishi (500ml) amanzi abilayo
INDLELA YOKUKWENZA
1. I-Mutton Curry. Epanini, shisa uwoyela, thosa u-anyanisi nogaligi imizuzu engu-3.
2. Faka utamatisi, pheka imizuzu engu-2, faka izinongo noshukela. Pheka eminye imizuzu engu-2 ugovuze.
3. Faka inyama, govuza wehlise umlilo kuze kuphume ujusi enyameni.
4. Faka isobho, govuza. Pheka imizuzu engu-30-35 kuthambe inyama.
5. Kususe emlilweni.
6. I-Lentil Rice. Faka irayisi esisefweni, uligeze. Lifake ebhodweni. Thela amanzi abilayo, i-turmeric nosawoti, pheka imizuzu engu-20 kuthambe irayisi kushe namanzi.
7. Faka i-lentils kwelinye ibhodwe, faka amanzi abilayo, pheka imizuzu engu-25 kuze kuthambe. Cwenga ufake erayisini.
8. Seva iMutton Curry neLentil Rice.
Hlobisa nge-coriander.
Kwanela abangu-2
Izeluleko
■ Ungakuseva nepapa noma nesitambu.
■ Ungasebenzisa inkukhu esikhundleni senyama yesiklabhu.
■ Ungafaka ukherothi noma amazambane ku-curry. [z]
Izithombe: Peter Whitfield
SIPHEKA NEZIHLABANI
I-Mutton Curry neLentil Rice
kaTshedi
UTshedi Mholo weMalaika usicobelele iresiphi yakhe ekanye nentatheli yethu yezokudla uNtwenhle Mpanza
UTSHEDI EKUDLENI
■ Inyama engiyithandayo – eyesiklabhu.
■ Inyama engingasoze ngayilokotha – eyengulube.
■ Ukudla engingafisa ukukuzwa - okudliwa eZambia.
■ Manje senginamandla okuthenga – ama-prawns.
