zulu.2285.fruit
BONA – August 2005
Okumnandi kwe-fruit
amaresiphi nokuhlelwa ngabeGEMINI FOOD PROMOTIONS
isithombe nguKIM THUNDER
Tenda umndeni wakho ngokumnandi okwehla esiphundu. Faka ama-fruit ezidlweni zenyama...
Fruity Oriental Stir-fry
Kubiza: R54,89
Kwanela abangu-6
Izithako
3 izipuni (45ml) uwoyela
1kg inkukhu noma inyama yenkomo esikwe imicu
1 u-anyanisi ocwecwiwe wasikwa izingcezu
2 ukherothi osikwe imicu
1 uphepha oluhlaza osikwe izingcezu
200g i-mushroom esikwe izingcezu
3 izinkomishi (750ml) isitambu esiphekiwe
1 x 440g ithini lezingcezu zikaphayinaphu (noma owodwa ofreshi)
1 i-beef stock cube
4 ama-teaspoon (20ml) i-cornflour
usawoti nophepha
Indlela yokwenza
1. Epanini, shisa uwoyela uthose inyama ize ibe nsunjwana.
2. Faka u-anyanisi, uwuthose uze uthambe. Faka ukherothi, uphepha oluhlaza, i-mushroom nesitambu.
3. Kujeke hlanganisa 4/5 inkomishi (200ml) uju lukaphayinaphu ne-beef stock cube ne-cornflour. Faka ndawonye nezingcezu zikaphayinaphu engxubeni yenyama. (Uma usebenzisa uphayinaphu ofreshi, esikhundleni sikajusi wakhona sebenzisa amanzi.)
4. Kunonge, ukuthose ingxube ize ishube ukuseve ngokushesha.
Apricot Lamb Casserole
Kubiza: R62,34
Kwanela abangu-6
Izithako
2 izipuni (30ml) uwoyela
1 u-anyanisi ocwecwiwe wasikwa izingcezu
1 uphepha oluhlaza oqotshiwe
1kg inyama yemvu esikwe izikwedlana
1 i-teaspoon (5ml) usawoti
3/4 inkomishi (185ml) i-beef noma i-mutton stock
2 izinkomishi (500ml) isitambu esiphekiwe
1 x 410g ithini le-apricot ehhafuliwe, yacwengwa yaqotshwa yaba mahhadla
Indlela yokwenza
1. Epanini shisa uwoyela uthose u-anyanisi nophepha oluhlaza kuze kuthambe.
2. Faka inyama nosawoti ukuthose kuze kube nsunjwana.
3. Bondela phakathi i-stock. Kuyeke kugxabhe imizuzu engu-45.
4. Faka isitambu nama-apricot. Kugxabhise imizuzu engu-20 inyama ize ithambe.
Peach Chicken
Kubiza: R34,89
Kwanela abane
Izithako
8-12 izingcezu zenkukhu
1 inkomishi (250ml) i-chutney
2 ama-teaspoon (10ml) u-curry powder
1 i-teaspoon (5ml) usawoti
1/2 inkomishi (125ml) i-mayonnaise
1 x 410g ithini lamapetshisi asikwe izingcezu acwengwa
Indlela yokwenza
1. Faka izingcezu zenkukhu kwi-oven-proof dish.
2. Kujeke, hlanganisa ndawonye i-chutney, u-curry powder, usawoti ne-mayonnaise ukuthele phezu kwenkukhu.
3. Kumboze ukubhake kuhhavini oshisiswe ngezinga elingu-180oC imizuzu engu-45.
4. Kugudluze kuhhavini bese ufaka izingcezu zepetshisi. Kubhake kungamboziwe imizuzu engu-30.[z]
BONA ZULU – November 2005
Peach Chicken.
