zulu.209.meat
Izidlo zansuku zonke
Sweet-and-sour Chicken
Izithako
uwoyela wokuthosa
1,5kg ophisi benkukhu
1 x 410g ithini i-pineapple rings, ehlukaniswe phakathi kwachithwa ijusi
1 iphakethe i-onion soup
1 inkomishi (250ml) amanzi ashisayo
3/4 inkomishi (185ml) i-orange juice
Indlela yokwenza
1. Shisa uwoyela epanini uthose ophisi benkukhu baze babe nsunjwana.
Bakhiphe epanini ubabeke endishini. Beka uphayinaphu ngaphezulu.
2. Ncibilikisa isobho emanzini ashisayo. Thela i-orange juice ugovuze. Thela ingxube enkukhwini.
3. Bhaka kuhhavini ongu-180oC imizuzu engu-50.
Kubiza: R56,89
Kwanela abangu-6
Meatballs In Gravy
Izithako
750g i-lean beef mince
1/2 inkomishi (125ml) ufulawa
1 iqanda elishayiwe
usawoti nophepha wokunonga
1 iphakethe i-gravy eyimpuphu
Indlela yokwenza
1. Hlanganisa i-mince, ufulawa neqanda. Faka isinongo. Hlanganisa kahle.
2. Kwenze kube amabhola ukubeke endaweni evuvuzelwe ngofulawa. Beka kwi-casserole dish.
3. Bhaka kuhhavini ongu-180oC imizuzu engu-20.
4. Yenza i-gravy ulandele imithetho ebhalwe ephaketheni. Thela kuma-meatballs. Bhaka eminye imizuzu engu-10.
5. Seva ne-savoury rice.
Kubiza: R40,60
Kwanela abangu-6
Chicken Livers
Izithako
uwoyela wokuthosa
1 u-anyanisi ocwecwe waqotshwa
2 ama-teaspoon (10ml) i-hot curry powder
1 iqhuzu lesobho lenkukhu
500g ama-chicken liver
Indlela yokwenza
1. Shisa uwoyela. Thosa u-anyanisi uthambe.
2. Faka u-curry powder neqhuzu lesobho.
3. Faka ama-chicken liver uthose.
4. Seva nepapa noshatini.
Kubiza: R24,78
Kwanela abane
Easy Tomato Chicken
Izithako
uwoyela wokuthosa
10-12 ophisi benkukhu
1 u-green pepper oqotshiwe
1 iphakethe i-tomato soup
1 x 25g ithini i-tomato paste
Indlela yokwenza
1. Shisa uwoyela uthose inkukhu, ufake u-green pepper ukuthose kuthambe.
2. Ncibilikisa isobho ku-1 1/2 wezinkomishi (375ml) zamanzi ashisayo. Faka i-tomato paste ugovuze.
3. Thela enkukhwini. Mboza upheke imizuzu engu-30.
Kubiza: R48,90
Kwanela abangu-6
Italian Chicken And Rice
Izithako
uwoyela wokuthosa
12 ophisi benkukhu
2 amaqhuzu esobho lenkukhu
2 izinkomishi (500ml) irayisi elingaphekiwe
1/2 inkomishi (125ml) ushizi ogreythiwe
Indlela yokwenza
1. Shisa uwoyela epanini. Thosa inkukhu.
2. Ncibilikisa amaqhuzu esobho ezinkomishini ezintathu (750ml) zamanzi abilayo. Thela epanini ugxabhise. Faka irayisi kugxabhe imizuzu engu-10.
3. Kubeke kwi-casserole dish. Bhaka kuhhavini oshisiswe ngo-180oC kuze kuvuthwe inkukhu nerayisi (cishe imizuzu engu-45. Thela amanye amanzi uma kunesidingo.)
4. Thela ushizi ngaphezulu. Phindisela kuhhavini kuncibilike ushizi. Seva ngokushesha.
Kubiza: R47,56
Kwanela abangu-6
Meat And Potato Stew
Izithako
1kg i-stewing beef eqotshiwe
4 amazambane acwecwe aqotshwa
2 ukherothi ocwecwe waqotshwa
1 iphakethe i-onion soup
Indlela yokwenza
1. Pheka inyama uthele izinkomishi ezingu-2 (500ml) zamanzi ihora elilodwa.
2. Faka amazambane, ukherothi nesobho.
3. Gxabhisa ugovuze njalo. Yehlisa umlilo upheke eminye imizuzu engu-30 ukuseve ngokushesha.
Kubiza: R57,89
Kwanela abangu-6
Minced Rice
Izithako
uwoyela wokuthosa
750g i-minced beef
2 izinkomishi (500ml) irayisi elingaphekiwe
1 iqhuzu lesobho lenkomo
1 iphakethe i-oxtail soup
3/4 inkomishi (185ml) amanzi afudumele
Indlela yokwenza
1. Shisa uwoyela uthose i-mince uyibeke eceleni.
2. Ncibilikisa iqhuzu lesobho ku-1 1/2 wezinkomishi (375ml) zamanzi abilayo. Thela epanini.
3. Ncibilikisa isobho eliyimpuphu ku-3/4 wenkomishi (185ml) yamanzi afudumele. Thela epanini. Faka irayisi upheke kuvuthwe.
4. Phindisela i-mince epanini ugovuze.
Kubiza: R39,32
Kwanela abangu-6 [z]
Ngabe awufuni ukuchitha isikhathi upheka? Zama amaresiphi esonto lonke – uzoba yintandokazi emndenini wakho uma uwuphekela lezi zidlo!
amaresiphi nezindlela zokuhlela abeGEMINI FOOD PROMOTIONS
izithombe nguKIM THUNDER
BONA ZULU – January 2007
Sweet-and-sour Chicken.
Meatballs In Gravy.
BONA ZULU – January 2007
