zulu.2073.yourfood_howto
I-iced tea
Enza ilitha yetiye elishubile elishisayo. Faka amakhasi olamula ababili no-3/4 wenkomishi (185ml) kashukela. Kuhlanganise kuncibilike ushukela, itiye liphole. Hlephula i-mint engu-10 ufake iqhwa. Kugovuze ukuseve.
ONGAKWENZA usizakale
Enza amazambane ahlofozelayo
Cwecwa amazambane uwabilise imizuzu engu-10-15. Asike phakathi nendawo uwavuvuzele ngosawoti, uwathose emafutheni amancane aze abe nsunjwana ezinhlangothini zonke. (Ilokhu ukugovuza kuze kube nsundu.)
OKUMNANDI
Ongaze-nzela kona ngosizo lukaBONA
Enza i-white sauce
Epanini hlanganisa ama-teaspoon angu-5 (25ml) imajarini nangu-5 (25ml) kafulawa. Kancane kancane faka inkomishi eyodwa (250ml) yobisi ulokhu ugovuza. Pheka usosi uze ushube. Faka usawoti nophepha.
Uma wenza i-cheese sauce faka 1/2 inkomishi (125ml) ushizi ogreythiwe. Ukwenza i-mushroom sauce, bondela phakathi ithini lama-mushroom noketshezi ukushisise.
Enza inkukhu ehlofozelayo
Emanzini bilisa 1,5-2kg izingcezu zenkukhu imizuzu engu 10-15, uzicwenge ziphole. Zibhuqe kufulawa onongiwe. Endishini shaya amaqanda amabili ucwilise inkukhu phakathi. Bhuqa inkukhu ezimvuthwini zesinkwa uyithose emafutheni amancane zize zibe nsunjwana ziphekeke. Uma uzothosa emafutheni amaningi, sebenzisa isipuni sokukhipha inkukhu uma isipholile.[z]
Ungayimosi imali uthengana nemikhiqizo esemathinini noma eqandisiwe uma ukwazi ukuzenzela ngokwakho ukuze wonge.
I-Batter fish
Hlanganisa inkomishi eyodwa (250ml) kafulawa, 1/2 i-teaspoon (2,5ml) usawoti, 1/2 i-teaspoon (2,5ml) u-baking powder nenkomishi eyodwa (250ml) amanzi noma ubisi ukwenza inhlama encane. Cwilisa ophisi benhlanzi baze babe nsunjwana bahlofozele.
