zulu.1840.preserves
OKUMNANDI
BONA ZULU July 2008
Ngicela impinda!
Yonga imali ngalezi zidlo ongazenzela zona ekhaya... esinye sinoshukela, esinye sinezinongo. Amaresiphi nezindlela zokuhlela ngabeGemini Food Promotions, isithombe nguKim Thunder
Chilli And Dhania Jam
□ 10 utamatisi
□ 2/3 inkomishi (165ml) uwoyela
□ 10 izigaxa ugaligi ogxotshiwe
□ 1 isipuni (15ml) u-ginger ogreythiwe
□ 6 upelepele obomvu
□ 2 izipuni (30ml) i-cumin seeds
□ 3/4 inkomishi (185ml) u-vinegar
□ 1/4 inkomishi (60ml) i-soy sauce
□ 1 1/4 izinkomishi (310ml) ushukela
□ 1 isipuni (15ml) i-ground cumin
□ 1/2 inkomishi (125ml) amahlamvu e-dhania neziqu, ukuqobe
1. Cwilisa utamatisi kuwoyela uwubeke epanini lokurosta ubhake kuhhavini oshisiswe ngo-180oC imizuzu engu-25.
2. Hlanganisa ugaligi, u-ginger, upelepele i-cumin seeds.
3. Thela ingxube epanini. Faka utamatisi, u-vinegar, i-soy sauce, ushukela ne-ground cumin. Gxabhisa amahora amabili ungakumbozi noma kuze kushube.
4. Faka i-dhania.
5. Kukhe ngesipuni ukufake kujeke uvale kusashisa.
Kubiza: R18,90
Kuphuma 500ml (ujeke owodwa omkhulu)
Iseluleko: Khipha izinhlamvu kupelepele ukuze ungababi kakhulu. Ungasebenzisa upelepele ombalwa.
Chakalaka
□ 3 izipuni (45ml) uwoyela
□ 2 izipuni (30ml) u-curry powder
□ 1 i-teaspoon (5ml) i-turmeric
□ 1 u-anyanisi oqotshiwe
□ 1 u-green pepper oqotshiwe
□ 1 i-teaspoon (5ml) ugaligi ogxotshiwe
□ 1 1/2 izinkomishi (375ml) ukherothi oqotshiwe
□ 1 inkomishi (250ml) u-green beans oqotshiwe
□ 6 utamatisi oqotshiwe
□ 2 izipuni (30ml) ushukela
□ 1/4 inkomishi (60ml) i-tomato sauce
□ 1 iqhuzu lesobho lenkukhu noma lama-veg
□ 3 izinkomishi (750ml) iklabishi eligreythiwe
□ 2 x 410g amathini i-baked beans in tomato sauce
□ 1 isipuni (15ml) u-vinegar
□ 1/2 inkomishi (125ml) i-chutney
1. Epanini, shisa uwoyela ufake u-curry powder, i-turmeric, u-anyanisi, u-green pepper nogaligi kuze kuthambe u-anyanisi.
2. Faka ukherothi, u-green beans, utamatisi, ushukela ne-tomato sauce. Gxabhisa upheke imizuzu engu-5.
3. Faka izithako ezisele upheke imizuzu engu-5-10.
4. Yikha ngesipuni ufake kojeke uvale kusashisa. Kubeke efrijini ukukhiphe uma usukudinga.
Kubiza: R24,89
Kuphuma ojeke abangu-6 x 250ml
Amacebo amahle ngeChakalaka
□ Yifake kuma-sandwiches kunakwi-mayonnaise.
□ Faka ama-Vienna kwi-chakalaka ukuze inambitheke.
□ Faka izipuni ezimbalwa kwi-coleslaw ukuze ibe mnandi.
□ Yifake kwi-scrambled eggs ukuze lesi sidlo sinambitheke ngendlela ehlukile. [z]
