zulu.1822.yourfood_stars
I-Chicken And Mushroom Pasta
Waziwa ngoSenzo kwiGenerations. Uma engasekho phambi kwamakhamera, uThami Mngqolo uyefana nabanye abantu. Lapha usicobelela iresiphi yakhe exoxisana nentatheli yethu yezokudla
uNtwenhle Mpanza
SIPHEKA NEZIHLABANI
kaThami
UTHAMI EKUDLENI
■ Ngiseyingane ukudla engangingakuthandisisi - yiklabishi
■ Owesimame angangithokozisa ekhishini - ngokwenza i-lasagne emnandi.
■ Ukudla engikuthandayo okuyi-takeaway - yiSchwarma.
■ Efrijini lami njengamanje uzothola - amanzi, i-fruit elincane, ushizi, amaqanda, ukhastadi nezifuba zenkukhu.
■ Ukudla kusuke kungaphelele ngaphandle - kwechilli sauce!
OKUDINGAYO
□ 2 izipuni (30ml) uwoyela
□ 1 u-anyanisi osikwe izingcezu
□ 1 i-teaspoon (5ml) ugaligi ne-ginger mix
□ 2 izifuba zenkukhu ezikhishwe amathambo zaqotshwa
□ 1 uphepha oluhlaza osikwe izingcezu
□ 1 uphepha obomvu osikwe izingcezu
□ 1 uphepha ophuzi osikwe izingcezu
□ 1 inkomishi (250ml) ama-mushroom asikwe izingcezu
□ 1/2 inkomishi (125ml) i-chicken tikka sauce
□ usawoti nophepha
□ 4 izinkomishi (1 litre) amanzi
□ 1 i-teaspoon (5ml) uwoyela
□ 2 izinkomishi (500ml) i-macaroni
INDLELA YOKUYENZA
1. Epanini thosa u-nyanisi, ugaligi ne-ginger mix imizuzu emithathu.
2. Faka inkukhu upheke imizuzu emihlanu.
3. Faka ama-veg asele, upheke imizuzu emithathu.
4. Faka usosi, usawoti no-pepper. Kumboze ukupheke imizuzu elishumi.
5. Faka amanzi ebhodweni, i-teaspoon kawoyela ukubilise.
6. Faka i-macaroni, ukupheke imizuzu engu-10 noma i-macaroni ize ithambe.
7. Faka i-pasta esisefweni uyigeze empompini. Iphake ngesipuni kwi-serving dish, ufake inkukhu nososi.[z]
