zulu.1760.BEC RECIPES-TIPS FP
Bake & Cook for Profit
Iresiphi yokuphekela iningi
MENU 1
AFRICAN COTTAGE PIE
Kwanela abangu-4-6 (ungakuphindaphinda kwanele abangu-12, 24, noma ngaphezulu)
Crust
5-6 amazambane, acwecwiwe aqotshwa izikwedlana
ibinzana likasawoti
3 izipuni imajarini
3 izipuni iPlain Mageu Number 1
usawoti nophepha
Filling
1 u-anyanisi, ocwecwiwe waqotshwa
2 izigaxa zikagaligi ezigayiwe
1/2 u-green pepper oqotshiwe
1 isipuni uwoyela
1 i-teaspoon Illovo Sugar
1 i-teaspoon u-curry powder
1/2 upelepele oluhlaza oqotshiwe (ngokuthanda kwakho)
2 utamatisi owebuliwe waqotshwa (noma 1 x 400g ithini likatamatisi owebuliwe wasikwa izikwedlana)
1 x 425g ithini leGlenryck Pilchards In Tomato Sauce (noma 500g
i-beef mince)
usawoti nophepha
Topping
1/2 inkomishi izimvuthu zesinkwa
ushizi ogreythiwe (ngokuthanda kwakho)
Indlela yokwenza
1. Shisa uhhavini ngezinga elingu-200oC. Gcobisa i-oven-proof dish.
2. Crust: Epanini pheka amazambane emanzini abilayo anosawoti aze athambe. Acwenge uwabhucuze nemajarini neMageu Number 1. Nonga ngosawoti, uphepha no-chilli powder.
3. Filling: Epanini thosa u-anyanisi, ugaligi nophepha kuze kuthambe. Faka ushukela, u-curry powder no-chilli. Govuza imizuzu emibili. Faka utamatisi, inhlanzi ukuhlanganisise. Faka usawoti nophepha.
4. Hlanganisa uphayi. Thela inhlanzi noma ingxube ye-mince endishini. Phezulu faka izambane. Vuvuzela ngezimvuthu zesinkwa noshizi, ukubhake imizuzu engu-30.
NB: Uma usebenzisa i-mince, thosa no-anyanisi, ushukela nophepha kuze kube nsunjwana. Faka utamatisi.[z]
I-BUSINESS PLAN
AMAGAMA athi “business plan” avame ukwethusa abantu. Kodwa kulula ukuhlanganisa i-‘plan’ yakho ngosizo lukaBONA nabaxhasi bakhe.
UDINGA I-BUSINESS PLAN UKUZE:
•Ufake isicelo sosizo lwezimali.
•Ukhombise abantu ukuthi umqondo wakho webhizinisi ubalulekile.
•Usizakale ekuthatheni izinqumo.
•Uyisebenzise njengomhlahlandlela webhizinisi lakho.
IYINI I-BUSINESS PLAN?
I-business plan wuhlaka olubhaliwe oluchaza ibhizinisi lakho lusho nokuthi uzolithuthukisa kanjani.
PART 1
1. Chaza umkhiqizo wakho noma usizo onalo. Yini oyithengisayo noma oyikhiqizayo noma oweluleka ngayo abantu?
2. Ngabe liyinhloboni yebhizinisi? Ngabe elokuhamba udayisa, elokupheka, elokukhiqiza okuthile, elokuhwebelana namanye amazwe noma lomsebenzi wezandla?
3. Ubani ozophatha leli bhizinisi, obani obambisene nabo uma bekhona?
Bhala uhlu lwamagama abo bonke abantu, amaID abo, izinombolo zamaposi abo nesipiliyoni abanaso. (Ungakhohlwa ukuchaza ngesipiliyoni sakho nokuqeqeshwa onakho).
4. Ngabe ibhizinisi lakho uzolikhangisa ulimakethe kanjani? (Bheka uBONA kaFebruary 2006 ukuze uthole izeluleko).
5. Ngabe leli bhizinisi lizosebenza kanjani? Ngabe uzothenga udayise, noma uzokhiqiza udayise, noma uzosebenza njenge-agent, njalo njalo?
6. Ngabe unayo enye imali noma ezinye izimpahla ongakusebenzisa ekuqaleni ibhizinisi lakho?
7. Ngabe libhaliswe njengelinabantu abaningi noma ngokubambisana nabanye noma mhlawumbe usacabanga ukuthi yinhloboni yebhizinisi elizokufanela? (Bheka ushicilelo lukaMarch 2006 lweBONA ukuze ubone izinhlobo zamabhizinisi).
Bheka uPart 2 wama-business plan oshicilelweni lwenyanga ezayo lukaBONA
BONA ZULU – December 2005
BONA – August 2005
