zulu.1708.fashion week
Khetha kule feshini enhle yasehlobo ukuze ube nezimpahla ezihlelekile zalesi sikhathi. Indaba nguLeana Schoeman, izithombe abeSanlam SA Fashion Week
ZAZENZEKA!
BONA ZULU November 2008
IFESHINI
YIZIMPAHLA zabesifazane okwakukhangiswa ngazo – kwakukhona ongazigqoka ebusuku namashethi amahle ahlotshisiwe enziwe ngendwangu ecwebezelayo ongawagqoka emsebenzi.
Kwakubukiswa ngale feshini kwiSanlam SA Fashion Week yokugcina ka-2008/9. Indwangu yale ngqephu yayithambile, kungeyemvelo iphole kahle. Kwakukhona nezimpahla ezenziwe nge-satin...
Imibala egqamile yayisetshenziswe ezimpahleni eziningi ezineminye imibala. Kuningi owawungakhetha kukona – oku-pink ngokuzothile noma oku-pink ngokugqamile; okumnyama noma oku-grey; oku-mauve noku-royal purple; okusagolide, oku-brown noma oku-beige; okunsundu nokumhlophe. Kwakukhona nokubomvu, okumhlophe noku-blue.
Okuhlotshisiwe kwakuheha – kwakukhona okwakunezimbali nezinkanyezi, okunemigqa namachashazi kule feshini.
Okokuhloba kuyindlela elula yokuqhakazisa i-wardrobe yakho ngalezi zitayela ezintsha, ungahloba ngezikhwama, amabhande nezicathulo. Yizicathulo ezingenazithende ezaziyintandokazi kanti ezikhwameni kwakuyi-clutch.[z]
▲Ingubo elekaniswe kahle yakwaColleen Eitzen.
◄Ingubo enhle enemigqa yakwaBlack Coffee.
►Uma ugqoke okunombala ogqamile, yiba nokuzethemba – lowo ngumlayezo weSanlam SA Fashion Week kanti le ngubo ngeyeSanche Frolich.
◄◄Isishwe-shwe esihle sakwaBlack Coffee.
◄Ingubo enemi-hlobiso yakwa-Sanche Frolich.
