zulu.1655.yourfood_puddings
U-PUDDING WOQOBO
Ayikho into edlula u-pudding oshisayo ofuthuziwe ngobusuku baseBusika emva kwesidlo
DATE STEAMED PUDDING
* 2 izipuni (30ml) ibhotela noma imajarini
* 2 izipuni(30ml) ushukela
* 2 amaqanda ashayiwe
* 1 x 250g iphakethe ama-dates aqotshiwe
* 5 izipuni (75ml) ufulawa
* 1 i-teaspoon (5ml) i-bicarbonate of soda
* 1 isipuni (15ml) ubisi
* 1 isipuni (15ml) i-syrup
1. Endishini hlanganisa ibhotela noshukela. Faka amaqanda, ama-dates nofulawa.
2. Kujeke hlanganisa i-bicarbonate of soda nobisi. Faka ingxube yebhotela, i-syrup ukuhlanganise.
3. Bheka imithetho yokufuthuza.
4. Kufuthuze ihora u-pudding ukhukhumale uzwakale uqinile uma uwuthinta. Uphendulele epuletini uwuseve ushisa no-custard.
CHOCOLATE PUDDING
* 250g ushokoleti
* 1/2 inkomishi (125ml) ubisi
* 5 amaqanda ahlukanisiwe
* 5 izipuni (75ml) ushukela
* 2 izipuni (30ml) i-corn flour
* 1/4 inkomishi (60ml) izimvuthu zesinkwa
* 1/2 i-teaspoon (2,5ml) i-baking powder
* 1/2 i-teaspoon (2,5ml) usawoti
1. Ebhodweni ncibilikisa ushokoleti obisini ukuhlanganise. Kugudluze emlilweni.
2. Kujeke hlanganisa okwamaqanda okuphuzi noshukela. Kufake engxubeni kashokoleti. Faka i-corn flour, izimvuthu zesinkwa no-baking powder.
3. Kujeke shaya okweqanda okumhlophe ukushutheke engxubeni kashokoleti. Faka usawoti.
4. Bheka imithetho yokufuthuza.
5. Kufuthuze imizuzu engu-30-45 u-pudding ukhukhumale uzwakale uqinile lapho uwuthinta. Kuphendulele epuletini ukuseve no-custard oshisayo.
STEAMED BREAD PUDDING
* 6 izingcezu zesinkwa ezisikwe izikwedlana
* 1 inkomishi (250ml) ubisi
* 1 1/4 izinkomishi (310ml) ushukela
* 125g ibhotela noma imajarini
* 3 amaqanda ahlukanisiwe
* ikhasi likalamula owodwa
* 1/2 inkomishi (125ml) ama-raisins
* 1/4 inkomishi (60ml) amakinati
1. Endishini cwilisa isinkwa obisini lwenkomishi engu-3/4 ukubeke eceleni.
2. Kwenye indishi, hlanganisa ibhotela noshukela kuze kube lula. Faka okwamaqanda okuphuzi, ikhasi likalamula, ama-raisins namakinati. Faka isinkwa esicwilisiwe, ukuhlanganisise.
3. Endishini shaya okwamaqanda okumhlophe, ukushutheke kule ngxube.
4. Bheka imithetho yokufuthuza.
5. Kufuthuze imizuzu engu-45-60 u-pudding ukhukhumale uzwakale uqinile lapho uwuthinta. Uphendulele epuletini.
OKUMNANDI
STEAMED SAGO PUDDING
* 2 izipuni (30ml) i-sago
* 3/4 inkomishi (180ml) ubisi
* 1 ucezu lwesinkwa esinokukhunta
* 3/4 inkomishi (180ml) ama-raisins
* 1/2 inkomishi (125ml) ushukela
* 1 i-teaspoon (5ml) i-bicarbonate of soda
* 1/2 inkomishi (125ml) ubisi
* 1 iqanda elishayiwe
* 1 isipuni (15ml) ibhotela noma imajarini encibilikisiwe
1. Endishini cwilisa i-sago obisini ubusuku bonke.
2. Faka isinkwa, ama-raisins noshukela.
3. Kujeke hlanganisa i-bicarbonate of soda nobisi. Kufake kwingxube ye-sago. Faka iqanda nemajarini.
4. Bheka imithetho yokufuthuza.
5. Kufuthuze imizuzu engu-45-60 u-pudding ukhukhumale uqine lapho uwuthinta. Kuphendulele epuletini, ukuseve ne-fresh cream. [z]
Amaresiphi: Gemini Food Promotions
Izithombe: Kim Thunder
OKUFUTHUZIWE
Imithetho yokufuthuza u-pudding iyefana. Okwenza umehluko yisikhathi eside osithathayo nokuncika ezithakweni.
Imithetho yokuwufuthuza: Faka ingxube endishini yengilazi noma yensimbi egcotshiwe. (Ingxube kufanele igcwalise 1/2 kuya ku-2/3.) Vala ngeziqephu ezimbili ze-waxed noma ze-greaseproof paper. Bopha ngesihlilingi noma intambo.
Beka indwangu yetiye esongiwe ebhodweni, ubeke indishi ka-pudding endwangini. Faka amanzi awuhhafu abilayo, umboze ukufuthuze.
