zulu.164.chicken
Sweet And Spicy Malay Chicken Curry.
Inkukhu eyehla esiphundu
BONA ZULU – March 2008
amaresiphi nezindlela zokuhlela ngabeGEMINI FOOD PROMOTIONS
izithombe nguKIM THUNDER
Inkukhu iyohlale yehla esiphundu ngisho ngabe uyidla njengama-snack noma njengesidlo esikhulu. Zama enye yalawa maresiphi alandelayo okulula ukuwenza nangathakaselwa wumndeni wonke
Sweet And Spicy Malay Chicken Curry
3 izipuni (45ml) uwoyela
1 u-anyanisi oqotshiwe
1 uphepha obomvu noma oluhlaza oqotshiwe
1 isipuni (15ml) ingxube ye-ginger nogaligi
1-2 upelepele oluhlaza noma obomvu okhishwe izinhlamvu waqotshwa
2 izipuni (30ml) u-curry powder
1 inkukhu esikwe izingcezu
1 isipuni (15ml) i-chicken spice
1 x 410g utamatisi osethinini oqotshiwe
1/2 inkomishi (125ml) ujamu i-apricot
3 izinkomishi (750ml) i-butternut ecwecwiwe yasikwa izikwedlana
usawoti nophepha
1/2 inkomishi (125ml) i-dhania eqotshiwe (ngokuthanda kwakho)
1. Epanini shisa uwoyela uthose u-anyanisi, i-ginger, ugaligi nopelepele kuze kuthambe.
2. Faka u-curry powder uthose umzuzu. Faka izingcezu zenkukhu, i-spice, utamatisi, ujamu ne-butternut bese ukunonga.
3. Kugovuze ukumboze ukuyeke kugxabhe imizuzu engu-45-60 noma inkukhu ize iphekeke. Bondela phakathi i-dhania. Kuseve nepapa.
Kubiza: R42,78
Kwanela abangu-6
Tasty Chicken Drumsticks
12 ama-drumstick enkukhu
1/4 inkomishi (60ml) i-lemon juice
1/2 inkomishi (125ml) ujamu we-apricot
3 izipuni (45ml) i-sweet chilli sauce
3 izipuni (45ml) i-chutney
1 isipuni (15ml) i-soy sauce
2 izigaxa zikagaligi ezigayiwe
1 u-anyanisi oqotshiwe wathoswa
1. Beka ama-drumstick kwi-ovenproof dish.
2. Kujeke hlanganisa ndawonye izithako ezisele, uzithele phezu kwenkukhu bese ukuyeka isikhathi esingangehora ukuze kunongeke.
3. Kubhake kuhhavini ongu-180oC imizuzu engu-45-60 noma kuze kube nsunjwana.
Kubiza: R34,89
Kwanela abangu-6
Lezi yizidlo ezehla esiphundu ongazisebenzisa zibanda ohambweni olude noma zibe wumphako welantshi.
Peri-peri Portuguese Chicken
1 inkukhu
2 izipuni (30ml) uwoyela
2 izipuni (30ml) i-mustard
1/4 inkomishi (60ml) i-peri-peri noma i-braai sauce
3 izipuni (45ml) i-chutney
2 upelepele okhishwe izinhlamvu waqotshwa
usawoti nophepha
1. Inkukhu evulwe ngaphakathi yanongwa. Yicindezele ngezandla bese uphushela phakathi i-skewer.
2. Kujeke hlanganisa ndawonye uwoyela, i-mustard, i-peri-peri, i-chutney, upelepele bese ukunonga. Khuhla le ngxube enkukhwini.
3. Kubhake kungamboziwe kuhhavini ongu-180oC imizuzu engu-35-40 noma inkukhu ize ithambe.
Kubiza: R38,67
Kwanela abangu-6
Chicken And Mushroom Hotpot
1/4 inkomishi (60ml) imajarini
1 inkukhu esikwe izingcezu
2 u-anyanisi osikwe izingcezu
3 izinkomishi (750ml) i-chicken stock
1 i-teaspoon (5ml) ama-dried mixed herbs
1 isipuni (15ml) i-tomato paste
usawoti nophepha
1 i-punnet (250g) ama-button mushrooms
4 izipuni (60ml) ufulawa
1. Epanini ncibilikisa uhhafu wemajarini, uthose inkukhu ibe nsunjwana. Faka u-anyanisi ukupheke imizuzu engu-2-3. Faka i-stock, ama-mixed herbs ne-tomato paste bese ukunonga.
2. Kumboze ukubilise. Yehlisa umlilo ukuyeke kugxabhe imizuzu engu-30. Faka ama-mushroom ukupheke inkukhu ize ithambe (cishe imizuzu engu-30).
3. Enkomishini hlanganisa ndawonye imajarini esele kanye nofulawa ukwenza i-paste. Bondela phakathi kancane kancane kuze kushube uketshezi. Kuyeke kugxabhe imizuzu emihlanu.
Kubiza: R46,89
Kwanela abangu-6
Quick And Easy Chicken Savoury Tart
4 amaqanda
1 u-anyanisi oqotshiwe
2 izinkomishi (500ml) ubisi
usawoti nophepha
1 inkomishi (250ml) inyama yenkukhu ephekiwe noma efuthuziwe yaqotshwa
2 izipuni (30ml) i-cake flour
2 izinkomishi (500ml) ushizi ogreythiwe
1. Endishini shaya amaqanda ufake izithako eziseleyo.
2. Kuthele kwi-ovenproof dish egcotshiwe bese ukubhaka kuhhavini ongu-180oC imizuzu engu-45. Kuseve nesinkwa nosaladi.
Kubiza: R18,78
Kwanela abangu-6
Tropical Chicken
2/3 inkomishi (165ml) ufulawa
2 ama-teaspoon (10ml) i-Aromat
1/4 i-teaspoon (1ml) uphepha omnyama
1,5kg izingcezu zenkukhu
3 izipuni (45ml) uwoyela
1/4 inkomishi (60ml) i-chutney
2 izipuni (30ml) ujamu i-apricot
1 inkomishi (250ml) i-tropical fruit juice
1. Endishini hlanganisa ndawonye ufulawa, i-Aromat nophepha omnyama bese ugcoba ngakho izingcezu zenkukhu.
2. Epanini shisa uwoyela uthose inkukhu ize ibe nsunjwana uyihlele kahle kwi-casserole dish.
3. Kujeke hlanganisa ndawonye i-chutney, ujamu nojusi. Kuthele enkukhwini ukubhake kuhhavini ongu-180oC imizuzu engu-45. Kuseve no-peas nepapa.
Kubiza: R38,15
Kwanela abangu-6 [z]
Tasty Chicken Drumsticks.
BONA ZULU – March 2008
u
t
Inkukhu eyehla esiphundu
BONA ZULU – March 2008
