zulu.1573.freeze
Chicken Casserole
Izithako
3 izipuni (45ml) i-chicken spice noma i-Aromat
3 izipuni (45ml) uwoyela
10-12 izingcezu zenkukhu
1 u-anyanisi oqotshiwe
1 uphepha oluhlaza oqotshiwe
6 utamatisi owebulwe isikhumba
2 ukherothi osikwe izingcezu
1 inkomishi (250ml) i-tomato purée
1 inkomishi (250ml) umhluzu wenkukhu
1 isipuni (15ml) i-mixed dried herbs
2 izipuni (30ml) ushukela
usawoti nophepha
Indlela yokwenza
1. Nonga inkukhu nge-chicken spice.
2. Epanini shisa uwoyela uthose inkukhu ngokuyihlukanisa izikhawu ize ibe nsunjwana uyicwenge amafutha ephepheni elimunca amafutha bese uyibeka kwi-ovenproof dish.
3. Kulo lelo pani, thosa u-anyanisi nophepha oluhlaza. Cwenga amafutha amaningi bese ukubeka eceleni nenkukhu.
4. Beka zonke izithako ezisele epanini bese ukubilisa. Yehlisa umlilo ukuyeke kugxabhe imizuzu elishumi.
5. Kuthele phezu kwenkukhu ukubhake kuhhavini ongu-180oC imizuzu engu-35-40 inkukhu ize ithambe.
6. Kuyeke kuphole ngaphambi kokukuqandisa. Ukuze uphinde ukushise, kugudluze kwi-freezer ukuyeke kuphume iqhwa ngokuphelele. Kufudumeze kwi-microwave, noma kuhhavini oqale washisiswa ngezinga elingu-180oC.
Kubiza: R44,60
Kwanela abangu-6
Curried Cottage Pie
Izithako
2 izipuni (30ml) uwoyela
1 u-anyanisi oqotshiwe
500g i-minced meat
1 iphakethe le-vegetable soup
1 i-teaspoon (5ml) u-curry powder
1 inkomishi (250ml) amanzi
1 uphepha oluhlaza oqotshiwe
1 x 410g ithini lama-baked beans
usawoti nophepha
3 izinkomishi (750ml) i-mashed potatoes
3 izipuni (45ml) imajarini encibilikisiwe
Indlela yokwenza
1. Epanini shisa uwoyela bese uthosa u-anyanisi umzuzu owodwa. Faka i-mince ukuthose kuze kube nsunjwana.
2. Kujeke hlanganisa ndawonye isobho, u-curry powder namanzi. Kubondele phakathi enyameni. Faka uphepha oluhlaza, ukubilise bese ufaka ama-baked beans. Kunonge ngosawoti nophepha.
3. Kumboze ukugxabhise imizuzu engu-30-35 bese ukufaka kwi-ovenproof dish. Ngaphezulu beka amazambane bese ukubrasha ngemajarini. Kubhake kuhhavini oqale washisiswa ngezinga elingu-180oC imizuzu engu-20-30 kuze kube nsunjwana.
4. Kuyeke kuphole ngaphambi kokukuqandisa. Ukuze uphinde ukushise, kukhiphe kwi-freezer ukuyeke kuphume iqhwa ngokuphelele. Kufudumeze kwi-microwave noma kuhhavini oqale washisiswa ngezinga elingu-180oC.
Kubiza: R38,99
Kwanela abangu-6
Lasagne
Izithako
2 izipuni (30ml) uwoyela
1 u-anyanisi oqotshiwe
500g i-minced meat
1 i-teaspoon (5ml) i-mixed dried herbs
1 ukherothi ogreythiwe
1 x 410g ithini le-whole tomatoes
usawoti nophepha
250g ama-lasagne sheets
Ushizi iCheddar ogreythiwe (wokuvuvuzela)
Sauce
1/4 inkomishi (60ml) imajarini
1/4 inkomishi (60ml) ufulawa
2 1/2 izinkomishi (625ml) ubisi
usawoti nophepha
1 inkomishi (250ml) ushizi ogreythiwe iCheddar
1 iqanda elishayiwe
Indlela yokwenza
1. Mince. Epanini shisa uwoyela uthose u-anyanisi. Faka i-mince, ama-herbs, ukherothi notamatisi bese ukubondisisa. Kushise kancane inyama ize iphekeke (cishe imizuzu engu-15). Kunonge ngosawoti nophepha.
2. Sauce. Epanini ncibilikisa imajarini ubondele phakathi ufulawa. Kancane kancane faka ubisi ulokhu ugovuza usosi uze ushube. Kunonge ukugudluze emlilweni.
3. Faka ushizi ukuyeke kuphole kancane bese ubondela phakathi iqanda.
4. Kwi-ovenproof dish egcotshiwe ndlala weleke imicu yenyama, ama-lasagne sheets nososi. Kuphindaphinde lokhu kuze kube uzisebenzise zonke izithako uphethe nge-layer kasosi. Kuvuvuzele ngoshizi.
5. Kubhake kuhhavini oqale washisiswa ngezinga elingu-200oC imizuzu engu-20.
6. Kuyeke kuphole ngaphambi kokukuqandisa. Ukuze uphinde ukushise, kugudluze kwi-freezer ukuyeke kuphume iqhwa ngokuphelele. Kufudumeze kwi-microwave noma kuhhavini oqale washisiswa ngezinga elingu-180oC.
Kubiza: R58,10
Kwanela abangu-6
Iseluleko: Ama-Lasagne sheets ayabiza. Kule resiphi, esikhundleni sawo ungasebenzisa i-macaroni ephekiwe. Uzodinga cishe izinkomishi ezintathu (750ml).
Beef And Onion Pie With Scone-dough Topping
Izithako
1 isipuni (15ml) uwoyela
750g isigaxa sesiteki esenziwe izikwedlana
2 u-anyanisi oqotshiwe
2 izipuni (30ml) u-curry powder
1 x 410g ithini likatamatisi oqotshiwe
1/2 inkomishi (125ml) ufulawa
1/4 inkomishi (60ml) amanzi
Topping
2 izinkomishi (500ml) ufulawa
1 isipuni (15ml) i-baking powder
ibinzana likasawoti
1/4 inkomishi (60ml) imajarini, esikwe izingcezu
3/4 inkomishi (180ml) ubisi
1 okweqanda okuphuzi okushayiwe
Indlela yokwenza
1. Pie. Epanini shisa uwoyela uthose inyama ize ibe nsunjwana uyigudluze uyibeke eceleni. Faka u-anyanisi no-curry powder epanini. Kupheke kuze kuthambe u-anyanisi.
2. Buyisela inyama epanini, ufake utamatisi nomhluzu. Kumboze ukuyeke kugxabhe cishe isikhathi esingu-1 1/2 hours inyama ize ithambe.
3. Bondela phakathi ufulawa ohlanganiswe namanzi. Kugovuze ingxube ibile ize ishube. Kuyeke kuphole bese ukufaka kwi-ovenproof dish.
4. Topping. Endishini sefela ndawonye ufulawa, u-baking powder nosawoti.
Usebenzisa iminwe, khuhlela imajarini kufulawa ingxube ize ifane nezimvuthu zesinkwa.
5. Faka ubisi olwanele ukuze kwakheke inhlama ethambile. Kuhlanganise ngespatula.
6. Ebhodini elibhuqwe ngofulawa, ndlala inhlama yama-scone ibe lugqinsi olungu-1cm. Usebenzisa i-biscuit-cutter (noma umlomo wengilazi) sika kube yizindilinga. Kubeke engxubeni yenyama ukubrashe ngeqanda.
7. Kubhake kuhhavini oqale washisiswa ngezinga elingu-180oC imizuzu engu-30 i-topping ize ibe nsunjwana nenyama ishe kahle.
8. Kuyeke kuphole ngaphambi kokukuqandisa. Ukuze ukushise futhi, kukhiphe kwi-freezer ukuyeke kuphume iqhwa ngokuphelele. Kufudumeze kwi-microwave noma kuhhavini oshisiswe ngezinga elingu-180oC.
Kubiza: R54,45
Kwanela
abangu-6. [z]
BONA ZULU – March 2007
Lungiselela izivakashi obungazilindele
Uma kwenzeka
Ngalezi zidlo ezingabizi okulula ukuzilungisa
nongazigcina kwi-freezer
amaresiphi nezindlela zokuhlela
ngabeGEMINI FOOD PROMOTIONS
isithombe nguKIM THUNDER
Beef And Onion Pie With Scone-dough Topping.
BONA ZULU – March 2007
