zulu.1514.fishspread
t
Idili lamakhekhe
Mini Vetkoek
Kubiza: R9,25
Kuphuma angu-20
Izithako
2 izinkomishi (500ml) ufulawa
2 ama-teaspoon (10ml) i-baking powder
ibinzana likasawoti
1 inkomishi (250ml) ubisi
2 amaqanda
1 inkomishi (250ml) uwoyela
Indlela yokwenza
1. Hlanganisa ufulawa, i-baking powder nosawoti endishini. Beka eceleni.
2. Kwenye indishi, shaya ubisi namaqanda. Faka ezithakweni ezomile. Hlanganisa kushelele.
3. Shisa uwoyela epanini. Yikha ingxube ngesipuni uyifake epanini. Thosa kuhlofozele. Cwenga kwi-paper towel.
Iseluleko: Ungawaseva ne-syrup noma i-apricot jam.
10-Minute Doughnuts
Kuphuma angu-12
Kubiza: R7,50
Izithako
4/5 inkomishi (200ml) i-self-raising flour
5 ama-teaspoon (25ml) i-caster sugar
1 iqanda elishayiwe
ibinzana likasawoti
1/2 inkomishi (125ml) ubisi
uwoyela wokuthosa
i-caster sugar yokumboza
Indlela yokwenza
1. Sefa ufulawa noshukela endishini. Faka iqanda, usawoti nobisi. Hlanganisa.
2. Shisa uwoyela epanini. Yikha inhlama ngesipuni ufake epanini. Uma sekuvuthiwe, kukhiphe ngesipuni.
3. Vuvuzela ngoshukela. [z]
BONA ZULU – February 2006
Exotic Pilchard Curry
Kubiza: R23,90
Kwanela abangu- 6
Izithako
4 izipuni (60ml) amafutha
1 u-anyanisi
2 utamatisi owebulwe isikhumba waqotshwa
2 ama-teaspoon (10ml) ugaligi ne-ginger paste
1 i-teaspoon (5ml) i-curry powder
1 inkomishi (250ml) amanzi
1 i-teaspoon (5ml) usawoti
3 upelepele oluhlaza okhishwe izinhlavu waqotshwa
1 uphepha oluhlaza oqotshiwe
1 izambane elicwecwiwe lasikwa izikwedlana
2 x 410g amathini enhlanzi ekwi-tomato sauce
Indlela yokwenza
1. Epanini thosa u-anyanisi. Faka utamatisi, ugaligi ne-ginger paste, i-curry powder namanzi. Faka usawoti nopelepele.
2. Kugxabhise imizuzu emihlanu. Faka uphepha oluhlaza nezambane. Uma izambane seliphekekile, faka inhlanzi. Govuza ucophelele inhlanzi ingahlephuki.
3. Kupheke eminye imizuzu emine. Kuseve kushisa nerayisi, ama-sambals ne-mixed salad.
AmaFish Patties
Kubiza: R15,98
Kwanela abangu-6
Izithako
1 x 410g ithini lenhlanzi ebhuciwe
3 amazambane, abilisiwe abhucwa
1 isipuni (15ml) i-Aromat
1 i-teaspoon (5ml) i-curry powder
1 i-teaspoon (5ml) i-parsley eqotshiwe
ibinzana likasawoti
2 amaqanda ashayiwe
1 inkomishi (250ml) i-self-raising flour
1/2 inkomishi (125ml) amafutha
Indlela yokwenza
1. Endishini hlanganisa inhlanzi namazambane.
2. Faka ezinye izithako ezisele ngaphandle kwamafutha.
3. Epanini shisa amafutha amancane. Faka phakathi ngesipuni ingxube. Kuthose (Ungakuseva kushisa noma kubanda).
Tuna Wheels
Kubiza: R19,45
Kwanela abangu-6
Izithako
Pastry
2 izinkomishi (500ml) ufulawa
2 ama-teaspoon (10ml) i-baking powder
1 i-teaspoon (5ml) ushukela
ibinzana likasawoti
1/2 inkomishi (125ml) ushizi ogreythiwe
1/2 inkomishi (125ml) amafutha
1/2 inkomishi (125ml) ubisi
Filling
1 x 170g ithini inhlanzi ecwengiwe yavengwa
2 amaqanda abilisiwe aqotshwa
1/2 u-anyanisi oqotshiwe
usawoti nophepha
i-mayonnaise yokuhlanganisa
ubisi lokucwebezelisa
2 izipuni (30ml) ze-parsley eqotshiwe
Indlela yokwenza
1. I-Pastry. Endishini sefa ufulawa, i-baking powder, ushukela nosawoti. Faka ushizi ukuhlanganisise.
2. Kujeke hlanganisa amafutha nobisi. Kufake ezithakweni ezomile. Kuhlanganisise ukwenze inhlama ukuqandise.
3. I-Filling. Endishini hlanganisa inhlanzi, amaqanda, u-anyanisi, usawoti, uphepha ne-mayonnaise.
4. Ebhodini elibhuqiwe, ndlala inhlama ibe namakhona amane ibe ngu-40cm x 30cm.
5. Kuthele ngengxube yenhlanzi ugoqe inhlama. Kubeke kwi-baking sheet egcotshiwe ukusike izingcezu ukusikeka kungaphumeli ngale.
6. Kugcobe ngobisi ukuvuvuzele nge-parsley. Kubhake kuhhavini ongu-180oC imizuzu engu-20-30.
Pilchard Noodles
Kubiza: R25,89
Kwanela abangu-6
Izithako
1 iphakethe (500g) i-spaghetti
3 izipuni (45ml) amafutha
1 u-anyanisi oqotshiwe
2 uphepha oluhlaza oqotshiwe
3 izigaxa zikagaligi ogxotshiwe
1 x 410g ithini lenhlanzi ebhucuziwe ene-tomato sauce
2 izinkomishi (500ml) i-mayonnaise
usawoti nophepha
1 inkomishi (250ml) ushizi ogreythiwe
Indlela yokwenza
1. Pheka i-spaghetti usicwenge usibeke eceleni.
2. Epanini thosa u-anyanisi, uphepha oluhlaza nogaligi. Faka inhlanzi ukuthose imizuzu engu-10. Kubeke eceleni kuphole.
3. Faka i-mayonnaise, usawoti nophepha.
4. Kuhlanganise nama-noodles nohhafu kashizi. Kufake kwi-ovenproof dish egcotshiwe. Kuvuvuzele ngoshizi osele.
5. Kubhake kuhhavini ongu-180oC imizuzu engu-20 ushizi uze uncibilike.[z]
AmaPilchard Noodles.
amaresiphi nezindlela zokuhlela: GEMINI FOOD PROMOTIONS
isithombe nguKIM THUNDER
Akukho okwedlula inhlanzi!
BONA ZULU – February 2006
Ukondla umndeni akudingeki kuphazamise ibhajethi yakho. Inhlanzi ayibizi kanti inomsoco, ngakhoke zama nanka amaresiphi ethu ehla esiphundu
