zulu.1485.triviaoct
Okumele ukwazi...
nge-cheetah
lIgama elithi "cheetah" lisuselwe kwelesiHindu elisho "okunamabala."
lI-cheetah iyinzalo yamakati azingela ngokusebenzisa ijubane kunokunyonyoba noma ukuzingela eyimihlambi.
lIgijima ngaphezulu kwazo zonke izilwane kanti ibanga elingu-457m ingaligijima ngesivinini esingu-100km ngehora.
lInekhanda elincane elinamehlo aphezulu. Amabala amnyama asuka eceleni ebusweni aye ekhaleni avikela amehlo elangeni ayisize uma izingela noma ibuka kude.
lIsisindo se-cheetah esindala singu-40 kuya ku-65kg. Eyeduna inkudlwana kuneyensikazi kanti inekhanda elikhulu kodwa akulula ukuhlukanisa eyeduna neyensikazi ngokuyibuka nje kuphela.
lUboya be-cheetah buphuzi bunamabala amnyama.
lIyona kuphela engakwazi ukuzifihla kahle izidladla zayo. Zihlala zibonakala kanti yizona ezimelela ngazo uma igijima.
lI-cheetah yisilwane esilimala kalula. Kulolu hlobo lwamakati, iyona kuphela ekwazi ukujwayela indawo entsha.
UTHI UBUWAZI" Ama-cheetah andonda uma edonsa umoya kodwa awabhongi. Amabhubesi, izingwe nama-jaguar ayabhonga andonde uma ekhipha umoya.
BONA ZULU - October 2006
Amakhasi kaBONA Athokozisayo
AmaMulti-Game
Hlola ulwazi lwakho lolimi. Isithombe sikunika umkhondo. Yini igama lale nto"
Indoda eyayikhonze ukufunda
U-Abdul Kassem Ismael owayengumbusi wasePersia nge-10th Century wayengahlukani nezincwadi zakhe.Izincwadi zakhe
ezingu-117 000 zazithwalwa amakameli angu-400 ayeqeqeshelwe ukuhamba ngama-alphabet.
Zingu-556 izizwe zamaRed Indians eMelika
Kuqedwa amagundane!
UHULUMENI waseMalaysia wathatha isinqumo sokuxazulula inkinga yo-mosquito abathwala izifo ngokufutha ngeDDT.
Lelo khambi lasebenza kodwa kwanda amaphela ayedla o-mosquito ababefile.
Emva kwalokho, kwanda izigcilikisha ezazidla amaphela.
Ushevu owawusale emapheleni awuzibulalanga izigcilikisha kodwa wathikameza imisipha yazo zangabe zisahamba ngokushesha.
Amakati adla izigcilikisha ezazingasakwazi ukushesha afa ubuthaphuthaphu ngenxa yeDDT eyayisezigcilikisheni.
Ukuncipha kwamakati kwandisa amagundane asabalala kakhulu.
Ngenxa yalokho, iWorld Health Organisation yathatha isinyathelo sokumisa ukusetshenziswa kweDDT. Kwalandwa inqwaba yamakati ayezobulala amagundane.
Funa igama
Thola amagama ezilwane ngokufunda uya phambili, emumva, phezulu, phansi, uvundle. Ungalokothi emgqeni weqe uhlamvu lwegama. Dweba ukekelezele igama ngalinye bese ulicisha ohlwini oluseceleni.
BONA ZULU - October 2006
Ukuphalala kwegazi!
UNGAKABI khona umjovo osetshenziswa odokotela uma behlinza iziguli, kwakudingeka ukuba basheshe lapho bezihlinza. Babeshesha ngoba isiguli sasihlinzwa sizwa sisezinhlungwini!
UDokotela uRobert Liston waseLondon wayengomunye wodokotela ababesheshisa uma behlinza iziguli. Kodwa nalokho kuyabulala...
Ekupheleni kweminyaka yo-1800, uListon wabulala abantu abathathu. Babephila emva kokuhlinzwa kodwa bagcine beshonile ngenxa yokuphathwa yizilonda ezingapholi.
UListon wake wanquma iminwe yomsizi wakhe ngephutha. Lowo msizi wakhe naye washona ngenxa yezilonda ezazingapholi. Lo dokotela wabuye wanquma ngephutha i-coat kazakwabo owayebukela ngesikhathi kuhlinzwa - wafa ngenxa yokushaywa wuvalo!
Itshe elihle
I-Uluru, ebuye ibizwe nge-Ayers Rock, iyindunduma yetshe elimaphakathi ne-Australia - ibalwa kulezo zindawo eziyindida emhlabeni.
Ukuphakama kwe-Uluru kungu-346m kanti indawo eyizungezile ingu-8km. Emaceleni iqinile nokwenza amatshe angagingqiki ekubeni indawo iyehlela. Umbala waleli litshe uyashintsha uma lithola ukukhanya ngezikhathi ezithile zosuku nezonyaka kanti libukeka kahle uma ilanga lishona. Isizwe samaPitjantjatjara Aborigines siyithatha njengendawo engcwele i-Uluru.
BONA ZULU - October 2006
Amakhasi kaBONA
IPuzzle Yezithombe
Athokozisayo
Isithombe ngasinye sikutshela okumele ukubhale ezikweleni ezingenalutho.
Iya olwandle
Noma yikuphi e-Australia, ulwandle lusondele ngaphansi kuka-
1 000km.
I-BANK Of Vernal, eseVernal e-Utah, iyona kuphela eyakhiwa ngezitini ezathunyelwa ngeposi.
Kunjalo! Ngo-1919 abakhi bathola ukuthi kushibhile ukuthumela izitini nge-US Postal System (kwakufakwa izitini eziyisikhombisa ebhokisini) kunokuzithumela ngomkhumbi eSalt Lake City, enhloko-dolobha yaleli lizwe.
Iculo lesizwe laseGreece linamavesi angu-158 verses
Beka ngokuyikho
Indlovukazi yeRock & Roll
YINTOKAZI enemilenze emide, izinwele ezinde nephimbo elihoshozelayo eligqamile. Lowo nguTina Turner ingqalabutho kwezeRock.
Igama lakhe langempela ngu-Anna Mae Bullock kanti wazalwa ngoNovember 26, 1939 eTennessee eMelika.
Eseneminyaka engu-16, wathuthela eSt. Louis, eMissouri wazakhela igama ngomdlandla ayeba nawo uma ecula ne-Ike And Tina Turner Revue ngeminyaka yo-1960 no-1970.
Wayenza ezibukwayo esteji ngaleso sikhathi.
Imicu abaduma ngayo efana nethi A Fool In Love, River Deep, Mountain High and I Want to Take You Higher yaba yimbangela yokuthi izingoma zabo zidlalwe kakhulu emisakazweni emhlabeni wonkana.
U-Ike noTina bashada ngo-1962 kodwa umshado wabo waqala ukuthikamezeka ngeminyaka yo-1970.
Bahlukana kanti emva kweminyaka embalwa uTina ebulawa yindlala, waqala ukucula yedwa.
Ngo-1984, wakhipha i-albhamu ethi Private Dancer. Yaba yimpumelelo enkulu yaqinisekisa ukuthi uTina akasophinde ahlupheke.
NgoDecember 2005, uTina Turner wathola iKennedy Center Honors emva kokwenza ezibukwayo eJohn F. Kennedy Center For The Performing Arts eWashington, DC. Ngokuthola lowo mklomelo wajoyina abaculi abanjengo-Aretha Franklin, Michael Jackson, Ray Charles, Little Richard noChuck Berry.
Ikhonsathi lakhe lokugcina elaba nesasasa elikhulu lalingo-2000 eNorth America. Nakuba esathatha umhlalaphansi ekuhambeleni amazwe ngamazwe, uTina usabonakala ecula.
UTHI UBUWAZI" U-Tina wazama ukudaya izinwele zakhe nge-bleach esemusha zaqothuka. Amawigi wawagqoka kusukela ngaleso sikhathi.
Hlela lawa magama ngendlela efanele
BONA ZULU - October 2006
KUPHAMBANA nesikucabangayo ukuzwa ukuthi izindlovu aziwesabi amagundane. Uma uya kunoma iyiphi i-zoo uthola amagundane ehleli ndawonye nezindlovu. Amagundane adla ukolo ahlale otshanini obomile lapho kuhlala khona izindlovu.
Amagundane ehlukile!
