Ukukhokhela intela yesikhashana yesibili ekhokhwa ngaleso sikhathi
Ulwazi ngoHulumeni www.gov.za
Izinkonzo Kubantu
Izinkonzo ezinhlanganweni
Izinkonzo kubantu bamazwe angaphandle
Khetha ulwimi
Isicelo sokubhalisa njengomkhokhi wentela
Isicelo sokubhalisa njengomkhokhi wentela wesikhas
Isicelo sokubhalisela sokurejistela intela yabaseb
Ukufakela amafomu okukhokhela intela ngendlela yeE
Ukunikeza ulwazi ngokukhokhela intela yesikhashana
Ukukhokhela intela yesikhashana yesibili ekhokhwa
Ukukhokhela intela yengeniso lezimali ezitshaliwe
Ukugcwalisa amafomu olwazi lwentela ngokunabile
Ukukhokhela intela yesikhashana
Ukwenza amalungiselelo okukhokhela intela ekweledw
Isicelo sokukhishwa ngaphansi kwesibopho sentela y
Isicelo somyalelo wentela amaphesenti angaguquki
Isicelo sokuthola umyalelo osemthethweni maqondana
Isicelo somyalelo wentela amaphesenti angaguquki
Isicelo sokuthola umyalelo osemthethweni maqondana
Isicelo sokuthola umyalelo osemthethweni maqondana
Ukunikeza ulwazi ngokukhokhela intela yesikhashana
Izinto ongekhetha kuzo
Printa leli khasi
Thumela leli khasi nge-E-mail
Ngezela kuzinto ozithanda kakhulu (favourites)
Xhumana nathi
Imephu yendawo
Ikhasi lokuqala
Izinkonzo ezinhlanganweni
Ukukhokhela intela yesikhashana yesibili ekhokhwa
Ukukhokhela intela yesikhashana yesibili ekhokhwa ngaleso sikhathi
Izincazelo
Izinyathelo okumele zilandelwe
Umthetho osetshenziswayo
Amazinga afanele okwenziwa komsebenzi
Izindleko
Amafomu okumele agcwaliswe
Indawo nendlela yokuxhumana
Izincazelo
Lapho umuntu ohola imali okumele idonswe intela kodwa ongaweli ngaphansi kwemithetho yokudonswa kwentela ye-SITE ne-PAYE. (isibonelo, inzalo yemali, irente, noma ingeniso lebhizinisi), kumele akhokhele intela yesikhashana yaleli ngeniso. Ukukhokhela intela yesikhashana (provisional tax), kwenziwa njalo ezinyangeni eziyisithupha.
Intela yesikhashana (provisional tax), inenhloso yokusiza abakhokhi-ntela ukuhlangabezana nezibopho zabo zentela, njalo kunokuthi balindele ukukhokha kanye ngonyaka lapho sekuhlolwe isimo sabo sezentela. Intela yesikhashana, ekhokhwayo isiza ukuphungula isamba sentela okumele sikhokhelwe ekupheleni konyaka wentela lapho sekuhlolwe ingeniso (ngesikhathi esivamile sentela), okumele ikhokhwe ngumuntu kulowo nyaka.
Umuntu okumele akhokhele intela yesikhashana, kumele kuthi kungapheli izinsuku ezingu-30 ngemuva kokufaneleka ukukhokha, enze isicelo ngokubhala, ukuthi abhaliswe egatsheni eliseduzane naye lophiko lwabezentela iSouth African Revenue Services (SARS). Ukuhluleka ukubhalisa, kuzobangela ukuthi ukhokhiswe inzalo yentela kanye nama-penalty (ukujeziswa), lapho ukhokhe ngemuva kwesikhathi, kanye nenye intela ngenxa yokukhokha ngemuva kwesikhathi.
Usuku lokukhokha intela yesikhashana yesibili ngeke lwaba semuva kakhulu nosuku lokugcina lokwenzwa uhlolo lwezimali noma usuku oluvunyelwe lokuphela konyaka wezimali.
Qaphela: (kusebenza kubantu ziqu kanye nakuma-trust kuphela)
Lapho ukuphela konyaka wezimali ngoFebruwari kubanga ubunzima kwezezimali, nakhona kutholwe imvume evela kwa-SARS, ukufakela izitatimende zezimali ngosuku olwehlukile nolukaFebruwari, abantu abanjalo bangacela imvume yokufakela imibiko yentela yesikhashana ngokuhambisana nokuphela konyaka wezimali okwamukelekile. Zonke ezinye izimali ezingenayo kusafanele zibe sesikhathini sokuphela konyaka wohlolo lwezimali oluphela ngomhlaka-28/29 Februwari.
Balela ukukhokhelwa kwentela yesikhashana kwesibili ngendlela elandelayo:
inani eliphelele lentela kunyaka ogcwele ususe intela ekhokhelwa abasebenzi ekhokhelwe unyaka ogcwele ususe umkhawulo ovunyelwe wezimali zentela yangaphandle yonyaka ogcwele kususwe inani elikhokhiwe lesikhathi sokuqala sonyaka.
Phezulu
Izinyathelo okumele zilandelwe
Khokha ngokugcwalisa ifomu le-IRP 6 lenothisi yokukhokha, ngaphambi kosuku noma ngalolo suku okumele ukhokhe ngalo.
E-SARS kukhona izindlela ezilandelayo zokukhokha:
Khokha noma kuliphi ihhovisi legatsha le-SARS, NgoMsombuluko ukufikela kuLwesihlanu, phakathi kwesikhathi sika-08h00 ekuseni ukufikela ku-15h30 ntambama, ngaphandle kwezinsuku zamaholidi.
Lapho ukhokha ngeposi, noma ngokusebenzisa i-ATM, kumele ukhokhe kuseyisikhathi ukuze ifomu lakho lifike kusenesikhathi emahhovisi e-SARS.
Uma ukhokha ngendlela ye-elektroniki (ngamakhompyutha nezingcingo), kumele lokhu ukwenze ngesikhathi ukuze unike ibhangi lakho ithuba lokudlisela lemali kuseyisikhathi, kanye nesikhathi sokubheka ukuthi ngabe kunemali eyanele kwi-akhawunti yakho, ngoba lokhu kungathatha cishe izinsuku ezimbili ukuya kwezinhlanu.
Imininingwane yaseBhange
inombolo yomthelo ethi uma iphelele ibe nezinombolwana eziyishumi neshiyagalolunye inombolo okuzokuthi uma lemali ingena iye kuyona, loku kusho iakhawunti ezokwemukela lemali engenayo.
Yonke imali ekhokhwayo ingavumelani noma ingahambelani naloku okulotshiwe ngaphezulu, ngokwenombolo yomthelo kanye nenombolo yeakhawunti emukelayo, ayingeke imukeleke.
Uma usuku lokugcina lokukhokha lufika kuyiholide noma kuyimpela-sonto, kufanele abantu bakhokhe ngosuku lokugcina lokusebenza olungaphambi kwe holide noma impela-sonto.
Qaphela:
Qinisekisa ukuthi amafomu e-IRP6 afakelwa ehhovisi legatsha elifanele le-SARS ngaphambi kokuba ukhokhe. Lokhu kuzoqinisekisa ukuthi isicelo sakho samukelwe kuseyisikhathi ukuze sibonelelwe, nakhona kungabi bikho isidingo sokuthi ujeziswe (ukhokhe ama-penalty) kanye nenzalo.
Iseluleko sokukhokhela ingxenye yentela kwifomu le-IRP6 manje isitholakala ekhasini elehlukile. Ngakho-ke, ungafakela umbiko wakho wentela eceleni hhayi lapho ukhokha.
Phezulu
Umthetho osetshenziswayo
Phezulu
Amazinga afanele okwenziwa komsebenzi
Qaphela:
Uma ucele omunye umuntu ukuthi akwelekelele ukufaka isaziso sakho sentela, kumqoka ukuthi wazise ihhovisi lomnyango wezentela kahulumeni. Loku kwenzalwa ukuvikela wean ukuze kuqinisekiswe ukuthi umnyango wezentela awukhiphi izimfihlo zakho eziqondene nawe kuphela.
Phezulu
Izindleko
Le nkonzo ayikhokhelwa.
Phezulu
Amafomu okumele agcwaliswe
Isaziso sokukhokha sihambisana nefomu lombiko wezimali le-IRP 6.
Phezulu
Indawo nendlela yokuxhumana
Sicela ufakela isifundazwe
Yagcina ukubuyekezwa ngomhlaka:
Ukuxhumana okuhambelanayo
Xhumana nathi
Imephu yendawo
Imibandela nezimo zokuSebenzisa
