﻿

Isicelo somyalelo wentela – amaphesenti angaguquki

Izincazelo
Izinyathelo okumele zilandelwe
Umthetho osetshenziswayo
Amazinga afanele okwenziwa komsebenzi
Izindleko
Amafomu okumele agcwaliswe
Indawo nendlela yokuxhumana

Izincazelo

Lo myalelo unikezwa lapho kwenziwe isicelo sokuthi kubekwe inani elingaguquki okumele lidonswe lentela kumholo womkhokhi wentela. Umqashi kumele afake lesi sicelo egameni lomsebenzi.

Imiyalelo ayidluliselwa phambili kanti lapho umsebenzi eseshintshe isimo sakhe kwezomsebenzi, kumele kwenziwe isicelo esisha. Uma unabaqashi abangaphezu koyedwa, kumele kwenziwe isicelo somyalelo kumqashi nomqashi ngamunye.

Amakhophi ezincwadi zokuqashwa, izinkontilaki zemisebenzi kanye namanye amadokhumende afanele ayadingeka ukuqinisekisa imibandela nezimo zokuqashwa.

Umyalelo wamaphesente angaguquki azokhishelwa isikhathi esiyizinyanga ezingu-12, kanti futhi kumele uvuselelwe ngemuva kwazo.

Phezulu

Izinyathelo okumele zilandelwe

Qinisekisa ukuthi izindaba zakho zezentela zikwisimo esifanele lapho wenza isicelo somyalelo wentela. Abe-SARS ngeke bakhipha umyalelo wentela uma ukweleda intela.
Kwifomu lesicelo sakho somyalelo wentela, nikeza okulandelayo:

inombolo kamazisi wakho  kanye nenombolo yereferense yentela
inombolo yereferense ye-PAYE yomqashi wakho.

Fakela namadokhumende alandelayo kwisicelo sakho:

ikhophi yekontraki yomsebenzi 
incwadi echaza ngokufanele uma ungenayo inombolo kamazisi  noma inombolo yereferense ye-PAYE.

Fakela isicelo sakho samaphesente angaguquki omyalelo ngesandla kwabehhovisi legatsha le-SARS, njengoba umsebenzi kumele afakele isitatimende semininingwane yomholo nezindleko.

Phezulu

Umthetho osetshenziswayo

Income Tax Act, 1962  

Phezulu

Amazinga afanele okwenziwa komsebenzi

Uma isicelo sesamukelwe ngabe-SARS, uzonikezwa isiqiniseko ezinsukwini ezimbalwa. Kodwa, umyalelo osemthethweni wentela ungathatha cishe amaviki amane.

Phezulu

Izindleko

Le nkonzo ngeyamahhala ayikhokhelwa.

Phezulu

Amafomu okumele agcwaliswe



Application for tax directive: Fixed percentage, IRP 3b 

Phezulu

Indawo nendlela yokuxhumana


