Study Groups 								 IsiZulu 

Iqembu lokufunda liqonde ukwenzani?

Instructions:

Folio strap: Amaqembu okufunda 

Byline: UJane McPherson, umphathi wephrogramu leGrain SA Lokuthuthukisa Abalimi 

Photo 



Omunye umsebenzi obalulekile wePhrogramu Lokuthuthukisa Abalimi ngukuvusa nokuphatha amaqembu okufunda. 



Le phrojekte iqonde ukushushisa abakhiqizi abasathuthuka, abanawo amasimu, ukuhlangana bavuse amaqembu okufunda ukuze bakwazi ukuhlangana njalo ukubheka ukuqeqesha okukhona nolwazi oluhambelana nomsebenzi wokukhiqiza ummbila. 



Amaqembu okufunda alandelayo amisiwe futhi aphathiwe ngalonyaka:

UTonie Loots eNorth West – angu-25;

UAmos Njoro, eNorth West naseGauteng – angu21; 

UJerry Mthombothi eMpumalanga – angu-33; 

UJohan Kriel eFreyistata – angu-25 

NoLawrence Luthango (oqale ukusebenza ngo-Meyi 2008), eEastern Cape – angu-14. 



Kwakuxoxwa ngezindaba ezahlukene lapho bahlangene namaqembu okufunda, ezinye ziyalandela: 



Umhlabathi nomanyolo

Ukuthatha amasampula omhlabathi, ukusebenzisa ibhobosa (auger), ukujula komhlabathi, ukuqina komhlabathi okudaleka ngokulima, ukuthela umcako, umphumela wokuhlolisisa umhlabathi, ubumuncu komhlabathi, ukuvunda komhlabathi (amandla okukhiqiza), umanyolo, izidingo zokudla zezitshalo, inani lalokhu kudla emhlabathini, izindlela zokulima nokulondoloza amanzi emhlabathini.



Ukukhiqiza

Imali engabolekwa ngabakhiqizi – konke okuhambelana nokuboleka imali, amasu okuphatha izimali, izindleko zokukhiqiza, ukuqaqela inani lomvuno, izikhathi zokutshala, ukujula kokutshala, izinhlobo zezitshalo, inani lezitshalo ehektheleni, impumelelo yesimo sezulu ekukhiqizweni, ukulinganisa isifafazo nepulantela, ukushintshashintsha izinhlobo zezitshalo, ukusebenzisa umkhontilaki, ukuvuna, inani lomswakamo ekudleni okuzinhlamvu, ukubeka ummbila, izindleko zetilanspoti, ukuthenga okudingekayo ukuqala ukulima ngokuhlakanipha, usizo lwezinto ezisalayo ensimini emva kokuvuna, ukumaketha ukudla okuzinhlamvu, amagranti nezisekelo ezivela kuhulumeni. 



Ogandaganda nemishini

Izindleko ukuzisebenzisa, inani lamakW elidingeka ukwenza umsebenzi othile, izindleko zokulungisa okuphukayo, inani lamaKw elidingekayo ehektheleni, ukwehlisa ubuningi kokulima ukuze kwehle izindleko, nezivumelwano zokuqasha imishini. 



Umhlaba nezindaba zomhlaba

Izindlela zokuthola umhlaba, ukulinganisa nokuthola ubukhulu bepulazi noma insimu, ukuqasha ipulazi, izinhlobo zomhlabathi, nezindlela zokuphatha amaskhwatakempu endaweni yakho. 



Izilokazane nezifo

Ukuphatha umswenya emasimini nokuphatha isilokazane esiqopha izinhlanga. 



Ukhula

Izinhlobo zokhula, ukuphatha ukhula ngamakhemikheli nangemishini, ukuphatha ukhula ofana notshani, umuthi othelwa ngaphambi nangemuva kokumila nokufafaza emiseleni noma yonke insimu.



Ukuphatha izingozi

Ingozi yesicotho, inshuwalense yesicotho, inshuwalense jikelele nezidingo zokuthola inshuwalense. 
 



