﻿
Isicelo semvume yokuba ngumkhoseli obaleke kwelakubo     

Isimo



Isicelo sokuba ngumkhoseli obaleke kwelakubo yenziwa ngumenzi wesicelo ukuba emukelwe njengodinga isiphephelo .



Ocela ukukhosela ngumuntu obaleke kwelakubo izwe ngenxa yokwesaba ukuhlukunyezwa , nakhona ofuna ukwamukelwa njengodinga isiphephelo . – kulesi simo eNingizimu Afrika. Umenzi wesicelo ngodinga ukukhosela ngesikhathi isicelo sakhe kusabhekwana naso.



Odinga ukukhosela unikezwa imvume engeke yavuselelwa yokukhosela endaweni okungenwa kuyo eNingizimu Afrika . Imvume ngeyezinsuku ezingu-14 nakhona igunyaza onayo ukubika endaweni eyamukela ababaleki ebizwa ngokuthi yi-Refugee Reception Office  eseduzane ukuze enze isicelo sodinga ukukhosela.



Umuntu odinga isiphephelo  onikezwe isimo sokuba ngodinga ukukhosela kanye nokuvikelwa ngokulandela umthetho obhekene nabadinga ukukhosela we-Refugee Act, 1998.



Ukuthola olunye ulwazi olunabile ngena kwi-website ethi uMnyango wezaseKhaya. 

Inqubo okumele ilandelwe



Odinga ukukhosela, ufaka isicelo ngokwakhe endaweni efanele ye-RRO, lapho okwenziwa khona okulandelayo:
Umenzi wesicelo uyahlolwa kuqala
Kuthatha izigxivizo zeminwe yomenzi wesicelo
Kutholwa umtoliki 

Ingxoxo yokuqala nomuntu yenziwa yisikhulu esibizwa i-Refugee Reception Officer, kanti kugcwaliswa ifomu le-BI-1590.
Kuprintwa imvume yodinga ukukhosela, isayinwe, ifakelwe isitembu ebese ikhishelwa odinga ukukhosela.
Imvume esebenza izinsuku ezingu-30, izovumela odinga ukukhosela ukuhlala eNingizimu Afrika isikhashana. Imvume inganwetshelwa ezinye izinsuku ezingu-30 ebese ezinyanga ezintathu.
Ngaphambi kokuba iphelele yisikhathi, imvume yodinga ukukhosela, odinga ukukhosela kumele abikwe kwabe-RRO, ukuze kuzoxoxiswana naye okwesibili, ingxoxo eqhutshwa yisikhulu esibizwa i-Refugee Status Determination Officer .
U-RSDO uyaqhubeka nokwahlulela udaba lwesicelo kanye nokuthatha isinqumo maqondana nesicelo sokukhosela.
Uma enikezwa imvume yokukhosela , odinga isiphephelo kumele enze isicelo se-ID smard card yodinga isiphephelok kunoma yiyiphi indawo ye-RRO ezinsukwini ezingu-15.
Ngemuva kokunikezwa ikhadi, odinga isiphesphelo angenza isicelo kwi-United Nations Convention Travel Document  kunoma yiyiphi i-RRO.
Isimo sokuba ngodinga isiphephelo sisebenza iminyaka emibili, kodwa odinga isiphephelo kumele abhale incwadi ecela ukubuyekezwa noma ukunwetshwa kwesimo sakhe sokumba ngodinga isiphephelo, ezinyangeni ezintathu ngemuva kokuba kuphele isikhathi saleyo mvume yodinga isiphephelo.



Umthetho osetshenziswayo



Refugee Act, 1998  
Isivumelwano sika-1951, se-UN Convention, esiphathelene nezimo zabadinga iziphephelo
Isivumelwano sika-1969 se-OAU Convention esiphathelene nezinkinga zezimo ezithile eziqondene nabadinga indawo yokuphephela eAfrika
Isivumelwano sika-1967, se-Protocol, esiphathelene nezimo zabadinga iziphephelo
Isivumelwano sika-1993 phakathi kukahulumeni waseNingizimu Afrika ne-UNHCR
Immigration Act, 2002  as amended .



Amazinga afanele okwenziwa komsebenzi kanye nesikhathi sokwenziwa komsebenzi



Izicelo zingathatha isikhathi sokufinyelela kumaviki ayisithupha .



Izindleko



Le nkonzo ngeyamahhala ayikhokhelwa.



Amafomu okumele agcwaliswe



Isicelo sodinga ukukhosela, ku-BI-1590



Indawo nendlela yokuxhumana 


