IPALAMENDE YENZA UMHLAHLANDLELA WOKUGCINA IBHODULUKO ELIHLANZEKILEKO …
IPalamende yeSewula Africa yenze umthethomgomo omutjha wokulawulwa  kokuthuthwa kweenzibi njengengcenye yokulawula ukuhlanzeka kwebhoduluko nokubonelela bona kunehlelo lokulawula ibhoduluko engephephileko.
UmThethosisekelo weSewula Africa uveza bona abantu bamele bahlaliswe endaweni ehlanzekileko nengephephileko. Lokhu kufaka hlangana umthetho wokubonelela bona ibhoduluko labo lihlanzekile begodu bavikelekile ekusilaphazekeni nanyana ngekwaliphi ihlobo,ukubonelela ukuvikeleka kwemvelo nokuthuthukisa ihlanzeko yomoya. Singakuvimbela ukusilaphazeka nokulimala kweplanethi yekhethu lokha soke sisebenza ngokubambisana ukwenza umahluko.
IPalemende yenza isiqiniseko sokuphepha kwamalunga wePalamende   abasebenzi bePalamande kunye nabo boke abantu abasebenza ngokomthetho ePalamende  nalabo abangena ePalamende ngokomthetho. Kwenziwa isiqiniseko sokobana iPalamende kuyindawo ephephileko nehlanzekileko ezokwenza abasebenza nabatholakala emakhiweni wayo babe ngabaphephileko ngaso soke isikhathi.
INDIMA EDLALWA YIPALAMENDE UKUQINISEKIKA BONA KUTJALWA IZINTO EZIZOKWEZA IBHODULUKO IBE NGELIHLAZA 
Imithetho efana  nomthetho wezamaPhilo nokuPhepha kwabaSebenzi i- (OHSA),ugandelela bona iPalamende yenze ngokusemandleni wayo bona indawo yokusebenza ingephephileko begodu ngenganazo iinliyo neenthiyo ezingalimaza abasebenzi.Kulindeleke bona boke abasebenzi babambisane nomqatjhi  ekuqinisekeni bona imigomo yomthetho lo iyalandelwa. IPalamende imele iqiniseke ekwaziseni abasebenzi ngokuqakatheka kokuyelela ukuphepha kunye nokwenza indawo yomsebenzi ibe ngephephileko ngokungakghonakalako
IINLINGANISO NEENKAMBISO
IPalamende yenze ihlelo elihlelekileko lokulawula ubujamo bona bube ngosebujameni obamukelekako bokusebenza obufaka hlangana umThethomgomo wokuLlawulwa kweeNzibi.
Umqopho walomthethomgomo kunikela ihlahla lokulawula elilungele ukuthulwa kweensiza kubasebenzi nabantu abazifunyana basemakhiweni wePalamende. Umthethomgomo lo uzokubonelela ukulahlwa kweenzibi ukwenzela bona kunciphe ukusilaphazeka kwande ukubuyekezwa kweensila neenzibi ukwenzela bona iinzibi ezitholakala ePalamende zibutheka ngendlela nokulandela umthetho ngefanelo.
UKONGIWA KWEGEZI
IPalamende isebenzisa amabhalbhu (ingcenye yelampa)  angasebenzisa igezi ephasi ukunciphisa ukusilaphazeka nokunciphisa iindleko.Amabhalbhu asebenzisa igezi kancani la asetjenziselwa ukukhanyisa kiyo yoke ipalamende kunye neendawo zomphakathi ePalamende
UKULAWULWA KWEENZIBI
“Iinzibi “ kutjho enye nenye into ekungaba ngeyegezi ,amanzi ,eqinileko nanyana ihlanganisela yakho koke lokhu okuqintelelwe nguNgqongqotjhe wezeBhoduluko nezokuVakatjha okungokutlolwe kugazedi karhulumende.
Ukulawulwa kweenzibi eziqinileko
Iinzibi ezomileko
Iinzibi eZomileko zithuthwa woke amalanga ngeemplastiki ezikhanyelako begodu nangemgqomu kizo zoke iindawo ziyokulahlwa endaweni engebekiweko nefaneleko.
Iinzibi eziziinhlahla
Iinzibi eziziinhlahla zifakwa emgqonyeni yeemplastiki ezisarulana zithwalwe ngabakontrakwe bona bazithuthe ngasosoke isikhathi nanyana nakunesidingo. 
Iinzibi eziyigezi
Woke amaphayiphi neentambo zisiwa lapha zipitlizwa khona bona zisuswe ngefanelelo.
Iinzibi ezimanzi
IInzibi eziManzi zifakwa emigqonyeni nezinto zokuwola iinzibi ezitloliweko begodu zithuthwa ngasosoke isikhathi. 
Iinzibi ezimakhemikhali
Amakhemikhali avalelwa eendaweni ezilodlhelwako ukuvimbela ukusetjenziswa  kwazo ngokungasisemthethweni. Woke amakhemikhali kufuze afakwe emigqonyeni ebonakalako nalawo amancani aziinthiyo awatlolwe ngokubonakalako begodu atlolwe ngokufaneleko. 
Amabhodlelo wegezi
AbasiHlinzekela ngegezi benza isiqiniseko sokobana amabhodlelo wegezi ephelileko ayasuswa emakhiweni  begodu balandela umthetho ekuwathwaleni ukuvimbela bona angabuye asetjenziswe ngengozi.  
IIMBONELELO ZANGOMUSO
Ukulahlwa kwe-oli yokupheka
IPalamende isenza ihlelo lokuzokutjhugulula i-oli yokupheka ibe yi- dizila.Ukusebenzisa i-oli yokupheka bona kuvinjelwe amaphayiphi wamanzi akhambisa amanzi ngamandla  akukavumeleki.
Ukuthuthwa kwamaphepha nokuwabuyekeza kwawo
IPalamende iphezu kwehlelo lokufumana ozokuthutha amaphepha asele asebenzile nokuyowabuyekeza..Woke ama-ofisi ePalamende azokunikelwa amabhoksi wokufaka amaphepha asebenzileko azoyokubuyekezwa.Amabhokisi la azokuthululwa iveke enye nenye.
Woke amano wokuqiniseka bona ibhoduluko lethu lihlanzekile nokonga amandla wegezi sinciphise iinzibi, kumsebenzi wawo woke umuntu emphakathini weSewula Afrika  kufaka hlangana woke amalunga wabasebenzi bePalamende namalunga wePalamende ukutjheja nokonga imvelo yethu ukubonelela iinzukulwani ezizako netuthuko engedzimeleleko
