Imisebenzi esisekelo yasimahla yakamasipala
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
Imisebenzi yasimahla yabomasipala misebenzi enikelwa simahla mBuso emakhayeni atlhagako. Imisebenzi inikelwa bomasipala begodu ifaka inani elincani lamanzi, igezi, ukukhanjiswa kwesila ngamanzi nokuthuthwa kwesila okwaneleko ukuqalelela iindingo ezisisekelo zamakhaya atlhagako. Kodwana imithethomgomo elawula ukunikela ngokukhanjiswa kwesila ngamanzi nokuthuthwa kwesila ayikabi ukuqedwa minyango yekoro efaneleko, okumNyango weeNdaba zaManzi namaHlathi nomNyango weeNdaba zeBhoduluko nezokuVakatjha .
Amanzi asisekelo wasimahla
Amanzi asisekelo wasimahla afaka ubuncani bakhona amakhilolitha asi-6 wamanzi ngenyanga ikhaya ngalinye. Inani leli lingahluka ngokuya kwabomasipala begodu kufanele uthintane nomasipala wakho bunqopha ukufumana bona kwamambala ngimuphi umsebenzi wamanzi asisekelo abawunikelako. Ufanelwa kubhadela amanzi owasebenzisa ngaphezu kwalawo asimahla.
Igezi esisekelo yasimahla
Inani legezi esisekelo yasimahla yi-50kWh ikhaya ngalinye ngerherho legezi yegridi . Inani leli lizakwanela ukukhanyisa, ukufuthumeza amanzi okusisekelo ngokusebenzisa iketlela, uku-ayina okusisekelo kanye nokubukela umabonwakude omncani wombala onzima nomhlophe kanye nokulalela umrhatjho.
Abasebenzisi abanamamitha wokubhadelela phambili bazakukghona ukubona lokha igezi yasimahla nayiphelako begodu kuzakufanela bona bathenge igezi enye ngemali yabo. Abasebenzisi abasebenzisa amamitha wokubhadela ngesikolodo angeze bakghona ukubona igezi nayiphelako. Bazakubhadeliswa ngokusebenzisa igezi okungezelelweko inyanga enye nenye.
Abathengi abangakghoniko ukufikelela ukunikelwa kwegezi ngegridi banganikelwa ngegezi okungasi ngeyegridi bomasipala babo. Kufanele uthintane nomasipala wakho ukwazi bona mihlobo miphi yegezi enikelwako.
Nawuzakufakelwa amanzi negezi kwakho namkha ebhizinisini thintana nomasipala wendawo lapho unekhaya namkha ibhizinisi khona.
Ukukhanjiswa kwesila ngamanzi simahla okusisekelo
Umbuso usengakalifezakalisi ihlelo lasimahla lokukhanjiswa kwesila. UmNyango weeNdaba zaManzi wenza umleyo wokunikela wokukhanjiswa kwesila simahla. Lokha iqhinga naliphelako, imibuso yeendawo izakunikela ngemisebenzi yokukhanjiswa kwesila simahla.
Ukuthuthwa kwesila simahla okusisekelo
Umbuso usengakalifezakalisi ihlelo lasimahla lokuthuthwa kwesila. UmNyango weeNdaba zeBhoduluko nokuVakatjha wenza umleyo wokunikela ngemisebenzi yokuthuthwa kwesila simahla. Lokha iqhinga naliphelako, imibuso yeendawo enikela ngemisebenzi yokuthuthwa kwesila simahla izalifezakalisa.
Ukubhadela imisebenzi kamasipala
Kuneendlela ezimbili zokubhadela imisebenzi kamasipala:
I-akhawunti ebhadelelwa phambili itjho bona uthenga amayunithi ngemali yakho begodu usebenzisa kuphela amayunithi owathengileko. Nasele uwaqedile, begodu usafuna amanye kufanele uthenge amanye.
Ama-akhawunti anestatimende sesikolodo akuvumela ukusebenzisa elinye nelinye inani lamanzi namkha igezi. Umasipala wakho uzakuthumelela istatimende ngenyanga esitjengisa inani legezi namkha amanzi owasebenzisileko kanye nemali okufanele uyibhadele.
Phezulu
Amagadango okufanele alandelwe
Thintana nama-ofisi kamasipala wendawo yakho
Letha imitlolo elandelako:
ikhophi eqinisekisiweko yencwadi yokuzazisa ubufakazi bendawo ohlala kiyo namkha yebhizinisi
Bhadela imali ebekiweko.
Phezulu
Imithetho esetjenziswako
Phezulu
Amazinga wokusebenza nesikhathi
Ukusebenza isibawo sakho kuthoma ngelanga oletha ngalo isibawo sesekelo labatlhagako . Isibawo sakho sizakulinganiswa begodu isiqunto sizakuthathwa ukuqunta bona uyafaneleka kufumana amanzi wasimahla na . Ngokuya kwamarherho kamasipala wakho, kuzakufanela bona uzitlolise njengomuntu ofaneleka kufumana imiSebenzi yaManzi waSimahla begodu unikelwe isikolodo namkha isekelo elitlhogekako kuye ngobujamo.
Phezulu
Iindleko
Amanzi : Amalitha wokuthoma azi-6 000 ikhaya ngalinye ngenyanga asimahla, amalitha wokungezelela abhadelwa ngokuya kweemali eziquntwe ngumasipala.
Igezi : I-50kWh ngenyanga iya ngerherho legridi.
Phezulu
Amaforomo azaliswako
Phezulu
Imininingwana yokuthintana
