Iimfuno ezingezelelweko zokutloliswa ezikweni leSayensi yezeBhoduluko
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
Ukufaneleka okunengi okuhlukeneko ezikweni lesayensi yezebhoduluko, okunikelwa mayunivesithi khulukhulu kwesinye isikhathi kwenza kungakghonakali ukulinganisa ukufaneleka kunye kilesayensi enamahlangothi amanengi. Ngalokho kuyatlhogeka kokuthoma ukufunisisa bonyana umuntu angafaneleka njengososayensi kwelinye lamaziko wokusebenza 'angakhethiseliko'. Lokhu kutjho bona umuntu angabandulwa njengosokhemisi, ijiyolojisti, ibhothanisti namkha kwelinye nelinye lamaziko wesayensi yemvelo begodu ahlangabezane nazo zoke iimfuno zokufaneleka ngaphambi kobana akghone ukuzitlolisa ezikweni leSayensi yezeBhoduluko.
Lokhu akutjho ukuzitlolisa kabili. Abantu abafisa ukusebenza njengabososayensi bezebhoduluko kufuneka bazitlolise nomKhandlu weSewula Afrika wamaPhrofetjhini wamaSayensi wemVelo . Nawuzakufaneleka, kufanele uhlangabezane neemfuno.
Omunye nomunye umuntu ofuna ukuzitlolisa njengosoSayensi wesiPhrofetjhinali wemVelo ezikweni lokusebenza leSayensi lezeBhoduluko kufanele abe nedigri yeminyaka emine ye-B.Sc, i-B.Sc. Honours namkha i-B.Tech. emasayensini wemvelo.
Ukufaneleka:
kuzakufaka ubuncani bakhona isifundo sinye, ngaphandle kwesayensi yezebhoduluko, ezikweni lokusebenza elirhenyiswe kuTjhejuli I yomThetho wamaPhrofetjhini weSayensi yemVelo ka-2003
sifundwe ngokwandisa ukutjhinga nobubanzi esikhathini esiminyaka emine kufanele sisekelwe ubuncani bakhona eemfundweni ezisisekelo zezinga I leemfundo zesayensi yemvelo okuyi-fiziksi, ikhemistri, iimbalo kanye/namkha nebhayoloji.
Ubuncani bakhona amaphesente ama-50 weemfundo ehlelweni kufanele athathwe njengeemfundo zesayensi yemvelo.
Ukungezelela kokungehla umuntu ofisa ukutloliswa neziko leSayensi yezeBhoduluko kufanele akghone ukunikela ngobufakazi bebandulo ekuPhathweni kweBhoduluko . Lokhu kungaba lihlangothi ledigri yeminyaka emine namkha ngendlela yeemfundo ezifitjhani. Kufanele ube nerekhodi elicacileko lomsebenzi okhambelana nesayensi yezebhoduluko nerhubhululo. Godu wenze umsebenzi omkhulu owenziwa basebenzi bezebhoduluko.
AbaKghonakalisi bezeBhoduluko, abaphethe ezinye iimfundo zokuphathwa kwebhoduluko, kodwana abangakafumani ibandulo elifaneleko lesayensi yezebhoduluko, isibonelo, ama-town planners, sociologists, economists, architects, namajiyografa abanamadigri we-B.A., angeze bafaneleka kukuzitlolisa njengabososayensi bemvelo besiphrofetjhinali. AbaKghonakalisi bezeBhoduluko abanjalo kufanele babe nabantu abanebandulo lesayensi lezemvelo eenqhemeni zabo. Ababawi kufanele banikele ngobufakazi bokuzibandakanya ubuncani bakhona emaphrojekthini amabili namkha amanengi. Amaphrojekthi aqediweko azakutjhejwa, nakungaba nesitjengiso esinakho koke sokufaka isandla komuntu. Ukutloliswa yi-Environmental Assessment Practitioners of South Africa kuzakuthathwa njengobufakazi obaneleko bokungehla. Ungezelela, ilwazi lamakhonferensi akhanjelweko kufanele linikelwe, amaphepha wesayensi kanye nemitlolo eveziweko.
Amahlangothi wokuzitlolisa angendlela elandelako:
USosayensi wemVelo wesiPhrofetjhinali
USosayensi wemVelo oFuna umSebenzi
USosayensi wemVelo oQinisekisiweko
Phezulu
Amagadango okufanele alandelwe
Zalisa iforomo lesibawo elitholakala emKhandlwini weSewula Afrika wamaPhrofetjhini wamaSayensi wemVelo. Isibawo kufanele siphekelelwe yimali yokuzitlolisa. UmKhandlu uzakutlolisa bewukunikele isitifikhethi sokuzitlolisa nayikuthi uyaneliswa bona uneemfuneko zefundo ezifaneleko kanye nelemuko njengokuqunta komKhandlu.
Phezulu
Imithetho esetjenziswako
Phezulu
Amazinga wokusebenza nesikhathi
Ukuzitlolisa kungathatha iimveke ezisithandathu ukufika kwezibunane kuye ngokulethwa kwemitlolo efunekako. Ukuhlungwa komuntu kungenziwa nawe siqhema sabantu ubuncani bakhona ababili abakhonjwe yiKomiti yokuYelelisa yesiPhrofetjhinali ye-SACNASP efaneleko.
Ukulinganiswa kweembawo yi-PAC efaneleko, ukuvunywa yiKomiti yokuTlolisa ye-SACNASP kanye nokuqinisekiswa mKhandlu ozeleko. Umphumela wokulinganiswa angeze waziswa bekube ngemva komhlangano womKhandlu.
UmKhandlu ungala ukutlolisa umbawi:
nayikuthi ngemva kokuthoma ukusebenza komThethosisekelo weRiphabhligi yeSewula Afrika ka-1993 , umbawi ufunyenwe anomlandu, ngaphakathi kweRiphabhligi namkha lapha khunye, bewagwetjwa ukudosa ejele isikhathi esidlula iinyanga ezintathu namkha ihlawulo kunokudosa ejele kilokho nayikuthi umbawi uthathwa yiKhotho ePhakamileko njengongakaphili kuhle ngokomkhumbulo namkha ingqondo namkha uvalelwa ngaphasi komThetho wokuPhila kuhle ngokweNgqondo nakusajanyiswe ukuzitlolisa kombawi ngebanga lokujeziswa okubekwe phezu kwakhe ngaphasi kwalomThetho nayikuthi umbawi ususiwe e-ofisini le-trust ngebanga lokungaziphathi kuhle nayikuthi umbawi mumuntu otjhonileko ongakabuyiselwa ebujameni bangaphambilini ukutjhona kwakhe okwabangwa kungatjheji namkha kungazi umsebenzi okuwela ngaphasi kwehlangothi mayelana nalo enza isibawo sokutloliswa.
UmKhandlu uzakwazisa ngomtlolo nayikuthi isibawo sakho sokutloliswa saliwe
Ungadlulisela phambili isiqunto somkhandlu kungakapheli amalanga ama-30 .
Kufanele wenze isibawo sokuvuselelwa kokuzitlolisa emKhandlwini, ubuncani bakhona iinyanga ezintathu ngaphambi kokuphela kokuzitlolisa .
Phezulu
Iindleko
Ukubhanka ngokwe-elektroniki nokudibhozida bunqopha: Sibawa usebenzise ama-initjhiyali nesibongo ukufanisa ukubhadela kwakho estatimendeni sakho sebhanka bewufeksele ubufakazi bokubhadela kanye nekhasi lokuthoma leforomo lesibawo sakho enomborweni ethi 012 841 1057.
Phezulu
Amaforomo azaliswako
Phezulu
Imininingwana yokuthintana
