Ukuzitlolisa njengososayensi wemvelo wesiphrofetjhinali ezikweni leSayensi yesiForensikhi
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
ukuthuthukisa ukusebenza kwamaphrofetjhini wesayensi yezemvelo eSewula Afrika ukulawula izinga lokuziphatha kuhle kwaboSosayensi bemVelo besiPhrofetjhinali, aboSosayensi bemVelo abaFuna umSebenzi kanye/namkha naboSosayensi bemVelo abaQinisekisiweko ukwelusa izinga lefundo nebandulo labososayensi bemvelo, kanye nokuvuma ifundo nebandulo eyifuneko ekuzitloliseni ngokuya komThetho we-Akhademi yeSayensi yeSewula Afrika .
Abantu abangakatloliswa abakavunyelwa ukwenza umsebenzi owenzelwe abantu abazitlolisileko.
ukwenza umsebenzi wesiphrofetjhinali ukusebenzisa igama langokomthetho nethayithili ethi sosayensi wemvelo namkha ukugadangisa isirhunyezo esibekiweko ngemva kwegama lakho ukusebenza ngokubonisana
Ukufumana ubujamo besiphrofetjhinali nokuzibandakanya emivuzweni enikelwa ziinkhungo zeemali
Ukuthabela ukusekelwa mkhandlu nesiqinisekiso esingathathi hlangothi mayelana nekghono lakho
Ukuvikela nokuqinisa umsebenzi wesiphrofetjhinali.
Iimfuneko zokuzitlolisa: Nasiya ekuzitloliseni ezikweni lokusebenza kuSayensi yesiForensikhi, kufanele uhlangabezane neemfuneko ezilandelako:
Omunye nomunye umuntu ofuna ukuzitlolisa njengosoSayensi wesiPhrofetjhinali wemVelo ezikweni lokusebenza leSayensi yesiForensikhi kufanele abe nedigri yeminyaka emine ye-B.Sc, i-B.Sc. Honours namkha i-B.Tech. emasayensini wemvelo.
Ukufaneleka okunjalo kuzakufaka ubuncani bakhona isifundo sinye ezikweni lokusebenza esirhenyiswe kuTjhejuli I yomThetho wamaPhrofetjhini weSayensi yemVelo ka-2003, kufanele;
sifundwe ngokwandisa ukutjhinga nobubanzi esikhathini esiminyaka emine; begodu kufanele sisekelwe ubuncani bakhona eemfundweni ezisisekelo zezinga I leemfundo zesayensi yemvelo okuyi-fiziksi, ikhemistri, iimbalo kanye/namkha nebhayoloji.
Ubuncani bakhona amaphesente ama-50 weemfundo ehlelweni kufanele athathwe njengeemfundo zesayensi yemvelo.
Kufanele ukghone ukunikela ngobufakazi bebandulo leSayensi yesiForensikhi namkha lokuPhenya, isibonelo, Ukuhlolisisa imitlolo, uPhenyisisa ngemililo, ukuphenyisisa ngama-Tool Mark, ukuphenyisisa ngokutjhutjhisa, umthetho neenkambiso zekhotho, abofakazi abazizazi, namkha iimfundo ezifitjhani ezivunyelweko.
Kufanele ube nerekhodi elicacileko lomsebenzi okhambelana nesayensi yesiforensikhi nerhubhululo. Iindawo okufanele ube nelwazi kizo eziqakathekileko emsebenzini wesayensi yesiforensikhi zifaka: Amahlelo weemfundo zesiforensikhi: Kuqakathekile bona ibandulo lemsebenzini lakasosayensi wesiforensikhi lithuthukise ukuzwisisa iindawo zelwazi eziqakathekileko kuSayensi yesiForensikhi begodu lifumane amakghono nelemuko ekusebenziseni imiqondo yesiforensikhi esisekelo:
ukwazi ngokunikelwa kobufakazi bokurarululwa kwemiraro ngeKhotho ukwaziswa emthethweni ukuqinisekiswa kwekhwalithi imikghwa yokuSebenza yesiPhrofetjhinali ukufaniswa kobufakazi ukubuthelelwa nokusetjenzwa kwamakghono weSayensi newelabhorathri wokurarulula imiraro ukusetjenziswa kwesayensi eenkambisweni zokusebenza nomthetho iindlela zokuphenya zesiForensikhi iinkambiso zokuphenywa kwendawo yesehlakalo sobulelesi imiqondo yobufakazi obubonwako ikhemistri yokucozulula kanye neendlela ezisetjenziswa ukucozulula iindaki ukufundwa kweentjhefu zamakhemikhali, imayikhroskopi, kanye nokucozululwa kwezinto.
Iingidi:
ukuhlolwa nokuhlukaniswa kweenkhali namkha iinthuthumbi ukukhanjelaniswa kwesikhali nobulelesi, ukuya eendaweni zesehlakalo, ukuhlolisiswa kwekghonakalo lobufakazi besiforensikhi.
Ukuphenyisiswa kweengozi:
isekelo lesithekniki ekuphenyweni kweengozi zeendlela, ukwakhiwa butjha kwezehlakalo ezirholele ekutjhayisaneni kweenkoloyi, ukuhlolisisa okuzeleko kwezitho zekoloyi, elinye ilwazi ngetheknoloji yeenkoloyi.
ukuphenyisiswa kwemililo ukufundwa kwemitlolo yemibuzo - ukufaniswa kwendlela yokutlola.
ukukhulisa ukutholakala kobufakazi.
ukukhulisa ukuqakatheka kobufakazi.
ukutlola ngokwesayensi.
ilemuko ebhodulukweni lelabhorathri.
umsebenzi wokwelusa ngelabhorathri, ukuhlolisisa izinto ezikhambelana nobulelesi.
ukucozulula - ibhayoloji, ikhemistri, iindaki nefundo ngetjhefu.
ubufakazi obungathathi hlangothi ekhotho yomthetho ukusekela ubutjhutjhisi namkha ummangalelwa ephenyweni lobulelesi.
umsebenzi weenthombe .
Amahlangothi wokuzitlolisa angendlela elandelako:
USosayensi wemVelo wesiPhrofetjhinali
USosayensi wemVelo oFuna umSebenzi
USosayensi wemVelo oQinisekisiweko
Phezulu
Amagadango okufanele alandelwe
Amagadango okufanele alandelwe
Zalisa iforomo lesibawo elitholakala emKhandlwini
Isibawo kufanele siphekelwe yimali yokuzitlolisa.
UmKhandlu uzakutlolisa bewukunikele isitifikhethi sokuzitlolisa nayikuthi uyaneliswa bona unazo zoke iimfuneko zefundo ezifaneleko kanye nelemuko njengombana kuzakuqunta umKhandlu.
Phezulu
Imithetho esetjenziswako
Phezulu
Amazinga wokusebenza nesikhathi
Ukuzitlolisa kungathatha iimveke ezisithandathu ukufika kwezibunane kuye ngokulethwa kwemitlolo efunekako.
Ukuhlungwa komuntu kungenziwa nawe siqhema sabantu ubuncani bakhona ababili abakhonjwe yiKomiti yokuYelelisa yesiPhrofetjhinali ye-SACNASP efaneleko .
Umphumela wokulinganiswa angeze waziswa bekube ngemva komhlangano womKhandlu.
UmKhandlu ungala ukutlolisa umbawi:
nayikuthi ngemva kokuthoma ukusebenza komThethosisekelo weRiphabhligi yeSewula Afrika ka-1996 , umbawi ufunyenwe anomlandu, ngaphakathi kweRiphabhligi namkha lapha khunye, bewagwetjwa ukudosa ejele isikhathi esidlula iinyanga ezintathu namkha ihlawulo kunokudosa ejele kilokho nayikuthi umbawi uthathwa yiKhotho ePhakamileko njengongakaphili kuhle ngokomkhumbulo namkha ingqondo namkha uvalelwa ngaphasi komThetho wokuPhila kuhle ngokweNgqondo nakusajanyiswe ukuzitlolisa kombawi ngebanga lokujeziswa okubekwe phezu kwakhe ngaphasi kwalomThetho nayikuthi umbawi ususiwe e-ofisini le-trust ngebanga lokungaziphathi kuhle nayikuthi umbawi mumuntu otjhonileko ongakabuyiselwa ebujameni bangaphambilini ukutjhona kwakhe okwabangwa kungatjheji namkha kungazi umsebenzi okuwela ngaphasi kwehlangothi mayelana nalo enza isibawo sokutloliswa.
UmKhandlu uzakwazisa ngomtlolo nayikuthi isibawo sokutloliswa saliwe
Ungadlulisela phambili isiqunto somkhandlu kungakapheli amalanga ama-30 .
Kufanele wenze isibawo sokuvuselelwa kokuzitlolisa emKhandlwini, ubuncani bakhona iinyanga ezintathu ngaphambi kokuphela kokuzitlolisa .
Phezulu
Iindleko
Ukubhanka ngokwe-elektroniki nokudibhozida bunqopha: Sibawa usebenzise ama-initjhiyali nesibongo ukufanisa ukubhadela kwakho estatimendeni sakho sebhanka bewufeksele ubufakazi bokubhadela kanye nekhasi lokuthoma leforomo lesibawo sakho enomborweni ethi 012 841 1057.
Phezulu
Amaforomo azaliswako
Phezulu
Imininingwana yokuthintana
