Isibawo semvumo yokutjhayela yesiphrofetjhinali
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
Imvumo yokutjhayela yesiphrofetjhinali yenzelwe abantu okufuneka batjhayele imihlobo ethileko yeenkoloyi. Imvumo ikhutjhwa ukungezelela ilayisense ejayelekileko yokutjhayela. Imvumo yokutjhayela yesiphrofetjhinali isebenza emihlobeni elandelako yeenkoloyi:
iinkoloyi ezithutha ipahla, ikoloyi yokudosa namkha ebhesini iinkoloyi ezinesisindo esidlula i-3 500 kg nezibekelwe ukuthwala abantu abali-12 namkha ukudlula lapho .
Amaqintelo wobudala emahlangothini weenkoloyi angendlela elandelako:
ikoloyi ethutha ipahla - kufanele ube neminyaka eli-18 ubudala iinkoloyi ezithutha abantu - kufanele ube neminyaka ema-21 ubudala iinkoloyi eziyingozi ezithutha ipahla - kufanele ube neminyaka ema-25 ubudala.
Ungafumana kuphela imvumo yokutjhayela yesiphrofetjhinali nayikuthi:
unelayisense yokutjhayela esebenzako emhlobeni wekoloyi okukhulunywa ngawo uqinisekiswe njengomuntu ophile kuhle ngudorhodera uqinisekiswe yihlangano enikela ngebandulo evunyelweko awukafunyanwa unomlandu wokutjhayela usele utjwala, ukutjhayela ngokungatjheji namkha ngokungacabangeli abanye, namkha isenzo senturhu, begodu akhenge nakanye kujanyiswe ilayisense yakho yokutjhayela.
Kugwetjwa okhunye kweminyaka emihlanu edlulileko okungenza ungafaneleki kufumana imvumo yokutjhayela yesiphrofetjhinali. Ukugwetjwa okudlula iinyanga ezihlanu angeze kwatjhejwa.
Umsebenzisi namkha umnikazi wekoloyi efunelwa imvumo yokutjhayela yesiphrofetjhinali, angeze avumela omunye umuntu atjhayele ikoloyi endleleni yomphakathi ngaphandle kwalokha anemvumo yokutjhayela yesiphrofetjhinali yehlangothi elifaneleko.
Phezulu
Amagadango okufanele alandelwe
Uzakuhlolwa amehlo esentha yokuhlola.
Khupha imitlolo elandelako:
ilayisense yokutjhayela esebenzako isitifikhethi sebandulo isitifikhethi sokwelatjhwa enye imvumo yokutjhayela yesiphrofetjhinali namkha imvumo yokuthutha umphakathi onayo.
Bhadela imali ebekiweko.
Ngemva kokubhadela, uzakudluliselwa estetjhini esiseduze samapholisa uyokubawa umbiko wokubanjwa.
Uzakwaziswa nasele imvumo yakho yokutjhayela yesiphrofetjhinali ilungile bona uzoyithatha. Kufanele ukghone ukuzazisa lokha nawuthatha ikarada. Amanye namanye amakarada angakathathwa kungakapheli amalanga ali-120 azakumotjhwa.
Phezulu
Imithetho esetjenziswako
Phezulu
Amazinga wokusebenza nesikhathi
Imvumo izakulunga kungakapheli iimveke ezibunane ukuya kwezilitjhumi nambili.
Phezulu
Iindleko
