Isinghonghoyilo ngokubhalelwa kwamapholisa kurhelebha ungazimbi wenturhu yangekhaya
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
Ungenza isinghonghoyilo ePhikweni eliPhenya iiNghonghoyilo ngamaPholisa nayikuthi ubona bonyana ilunga lemiSebenzi yesiPholisa seSewula Afrika libhalelwe kukhambisana neenjamiso zomThetho weNturhu yangeKhaya ka-1998. Omunye nomunye umuntu onekareko, abongazimbi benturhu yangekhaya kanye neenhlangano okungasizo zombuso zingenza isinghonghoyilo.
Okhunye ukubhalelwa kungafaka ukubhalelwa:
Kubopha umsolwa
Kurhelebha umnghonghoyili ukuvula umlandu
Kufumana indawo yokuphephela elungileko, irhelebho lezokwelapha
Kuphekela umnghonghoyili ayokuthathaha iimpahla zakhe kanye nokuthatha esinye nesinye isikhali esiyingozi kumtlhorisi
Kuyelelisa umnghonghoyili ngangakukhetha, okufana nokuvula umlandu wobulelesi namkha wokwenza isibawo somlayo wokuvikelwa nokunikela umsolwa ngencwadi emdosela ekhotho.
Inturhu yangekhaya yenziwa lokha umuntu othinteka etjhebiswaneni langekhaya enza okulandelako:
Atlhorisa ngokomzmba namkha ngokomseme, isibonelo, abetha namkha akata.
Atlhorisa ngomlomo, ngokommoya namkha ngokwengqondo, isibonelo, ukuthuka namkha isikhwele esidluleleko.
Akuhlukumeza, isibonelo, ngokubuyelelweko akudosela umtato okusilingako.
Akuthumelela iincwadi namkha agade imikhambo yakho.
Angena endaweni yakho yokuhlala ngaphandle kwemvumo.
Akuhlukumeza ngakwezomnotho namkha ngeemali, isibonelo, lokha umyeni namkha umlingani nakagandelela ekuthatheni zoke iinqunto zemali.
Ukona ipahla yakho, isibonelo, atjhisa izembatho zakho, aphula ifenitjhara namkha asika amatayere wekoloyi yakho.
Aphula umLayo wokuVikelwa okhona.
Okhunye nokhunye ukuphathwa ngokutlhorisa okuthusela ukuphepha kwakho, ipilo namkha ukuphila kuhle.
Nawufuna ilwazi elinabileko, yiya ku-website yePhiko eliziJameleko eliPhenya iiNghonghoyilo ngamaPholisa .
Amagadango okufanele alandelwe
Igama nemininingwana yokuthintana kangazimbi kanye/namkha yomghonghoyili.
Igama nesikhundla somsolwa wepholisa .
Inomboro yomlandu yamapholisa nayikhona.
Imininingwana yabofakazi nayikhona
Imithetho esetjenziswako
Amazinga wokusebenza nesikhathi
Isikhathi sokulinda ikulumiswano - mizuzu ema-30
Incwadi yokuvuma kumnghonghoyili kungakapheli amalanga ama-30
Umbiko weragelo phambili - kungakapheli amalanga ama-30
UmBiko wokuGcina - kungakapheli amalanga ama-90
Iindleko
Awubhadeli litho ngalomsebenzi.
Amaforomo azaliswako
Imininingwana yokuthintana
