Isibawo sokungenela i-learnership nayikuthi awusebenzi
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
I-learnership lihlelo lokufunda elirholela ekufumaneni ukufaneleka umsebenzi. Ama-learnership afaka ukufunda kwangeklasini esentha yezabasebenzi namkha ekholiji kanye nokufunda usemsebenzini endaweni yokusebenzela. Nawuzazibandakanya ku-learnership, umqatjhi kufanele afune abe akunikele i-learnership.
Ngubani ongenza isibawo?
Omunye nomunye oqeda isikolo, ekholiji, eyunivesithi begodu nongasebenziko. Abantu abangasebenziko kufanele bazitlolise njengabantu abafuna umsebenzi nomNyango wezabaSebenzi.
Akunamali ebhadelwa mumuntu ofuna ukungenela i-learnership. Woke okhethelwe ihlelo le-learnership kufanele afumane imali yesizo ebuya kumqatjhi.
Ubude be-learnership buzakuhluka ikoro nekoro kodwana angeze baba bufitjhani ukudlula unyaka.
Nawufuna ilwazi elinabileko, yiya ku-website yomNyango wezabaSebenzi.
Amagadango okufanele alandelwe
Cabanga ngomhlobo webandulo nomsebenzi owufunako. Ngamanye amagama, nawuthanda ukuba ngaphandle isikhathi eside, ungenzi isibawo somsebenzi wokuhlala nge-ofisini isikhathi eside.
Yenza i-CV enikela ngemininingwana yakho efana nelandelako:
Igama lakho nelanga lamabeletho
Ifundo; isikolo ebewufunda kiso nokufaneleka onakho
Ilemuko lomsebenzi; amagama wabaqatjhi abadlululileko nalokho ebewukwenza
Amanye amakghono afana namakghono wekhompyutha; nanyana unelayisense yokutjhayela, njll.
Amareferensi
Zitlolise njengomuntu ofuna umsebenzi esentha yezabasebenzi eseduze. Lokhu kuzakurhelebha abaqatjhi ukukufumana nabafuna bona uzokuthoma i-learnership.
Thintana nama-SETA ukuthola bona ngibaphi abaqatjhi abanikela ngama-learnership
Bawa abangani nomndeni bakuqalele iinkhala begodu uqale imikhangiso emaphephandabeni.
Hlala uthintana nesentha yezabasebenzi yakho begodu ulethe imininingwana yakho ebujameni banjesi nayikutjhugulukako.
Imithetho esetjenziswako
Amazinga wokusebenza nesikhathi
Ubude bama-learnership buzakuhluka kodwana awakavamisi ukuba ngaphasi konyaka munye.
Iindleko
Awubhadeli litho ngalomsebenzi.
Amaforomo azaliswako
Yenza isibawo emNyangweni wezabaSebenzi namkha esentha yezabasebenzi eseduze nawe.
Imininingwana yokuthintana
