Isibawo semvumo yokuthumela ipahla ngaphandle
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
Imvumo yokuthumela ipahla ngaphandle ifuneka ukuqinisekisa bona umuntu namkha ihlangano efisa ukuthumela ngaphandle ipahla ikhambisana neenjamiso zeemvumelwano zeentjhabatjhaba. Iimvumo zokuthumela ngaphandle zirhelebha ukulawula ukuphuma kwepahla yezamaqhinga namkha ekhutjhwa ngokungasimthetho namkha eyetjiweko.
Umthethomgomo osebenza ekulethweni ngenarheni nekuthunyelweni ngaphandle kwepahla uhluka ekorweni enye nenye yebubulo. Godu inengi lepahla etja libekelwa ngaphandle nasiya emagadangweni wokulawula wokulethwa ngenarheni kwepahla. Ngalokho nayikuthi ufuna ilwazi ngomthethomgomo mayelana nokulethwa ngenarheni kanye nokuthunyelwa ngaphandle kwepahla ethileko kufanele unikele i-ofisi lokuLawulwa kokuLethwa ngeNarheni nokuThumela ngaPhandle elitholakala emNyangweni wezokuRhwebelana namaBubulo ngeminingwana yepahla ethileko ezakulethwa ngenarheni namkha ithunyelwe ngaphandle.
Akusi ngiyo yoke ipahla namkha imikhiqizo ezakukhambisana namagadango wokuletha ngenarheni namkha wokuthumela ngaphandle. Kodwana yoke ipahla esetjenzisiweko, edala, isila neensalela kufanele ikhambisane namagadango wokulawula ukuletha ngenarheni. Irhemo lepahla okufanele likhambisane namagadango wokulawula ukuletha ngenarheni nokulawula ukuthumela ngaphandle liyatholakala. Nayikuthi unikela ngemininingwana yakho yokuthintana irhemo lizakuposelwa, lifekeselwe namkha li-imeyilelwe wena.
Amagadango okufanele alandelwe
Thintana nephiko lokuThumela ngaPhandle nokuLetha ngeNarheni lomNyango wezokuRhwebelana namaBubulo.
Zalisa amaforomo weembawo ongawafumana emNyangweni wezokuRhwebelana namaBubulo.
Imithetho esetjenziswako
Amazinga wokusebenza nesikhathi
Kungathatha amalanga amathathu ukusebenza isibawo sakho semvumo yokuthumela ngaphandle.
Iindleko
Awubhadeli litho ngalomsebenzi.
Amaforomo azaliswako
Imininingwana yokuthintana
