Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
UbuNqophisi obuKhulu bemiSebenzi yokuJanyelwa kweNarha ngaPhandle emNyangweni weeNdaba zangaPhandle namaPhiko wokuJanyelwa kweNarha ngaPhandle wabaJameli beSewula Afrika anikela ngemisebenzi ezakhamizini zeSewula Afrika ezisebenza, ezihlala nezikhambela ngaphetjheya.
Misebenzi miphi izakhamizi zeSewula Afrika ezingayilindela eemphathisweni eziJamele iNarha ngaPhandle?
Imisebenzi yerhelebho elirhabako:
Irhelebho ekutlanyweni kokusindiswa kwezakhamizi zeSewula Afrika ngaphetjheya ngesikhathi sezipi zombanganarha, iinhlekelele zemvelo namkha ezenziwe babantu.
Ukuthintana nomndeni weSewula Afrika kanye/namkha nabangani ukwenzela izakhamizi zeSewula Afrika ezingaphetjheya ebujameni oburhabako.
Ukunikelwa kwerhelebho okungasi ngelemali ekubuyiselweni emva enarheni yakho kanye nerhelebho lezokwelatjhwa lesiphrofetjhinali elifuneka msinyana.
Ukuthintanisa abasemagunyeni bendawo ukuzuma nokufuna bona akuphi amaSewula Afrika ngaphetjheya, kungafaki izakhamizi ezifunwa bamangali eenkambisweni zomthetho.
Irhelebho emindenini ngokukghonakalisa ukudluliselwa kweemali emalungeni wemindeni asebuhlungwini.
Ukunikelwa kwemisebenzi yesekelo kanye nokuyelelisa ebujameni bokuthunjwa.
Ubunjalo besehlakalo kanye nokuphepha kweemphathiswa kungaba nomthelela ekghonweni lokuphendula.
Ukuvalelwa:
Ukuthintana nemindeni yabantu ababotjhwe namkha abavalelwe ngaphetjheya nayikuthi ubawiwa mumuntu obotjhiweko namkha ovalelweko.
Ukukghonakalisa ukuthunyelwa kweencwadi neenhlahla ezakhamizini zeSewula Afrika ezivalelwe ngaphetjheya. Lokhu kuya ngeenjamiso kanye neemali ezibhadelwako ezikhona emNyangweni weeNdaba zangaPhandle ukukhambisana nemithetho nemithetjhwana yenarha ebophako. Iimali ezibhadelwako zingalethwa ebujameni banjesi ngokukhamba kwesikhathi.
Ukukghonakalisa ukunikelwa kwemitlolo kubamangalelwa ngaphetjheya ngokudlula emazikweni wezomthetho.
Ukukghonakalisa iimbawo zokuthunyelwa enarheni yakho, iincwadi zokubawa, ukuqalwa kwemilandu edlulileko kanye nobufakazi ngekomitjhini ukudlula emazikweni wezomthetho.
Ukunikela ngemisebenzi yerhelebho lezeemali kibongazimbi bobulelesi.
Ukunikela ngerhemo lamagqwetha wendawo.
Eminye imisebenzi:
Kurhelebha ukujamiselela amaphaspoti alahlekileko, onakeleko namkha aphelelwe sikhathi ngaphetjheya .
Kunikela ngokubolekisa ngemali okuqintelweko ebujameni oburhabako .
Kukwazisa isihlobo nakungenzeka kube nokuhlongakala, ubulwelwe obubeka ipilo engozini namkha ukulimala kwezakhamuzi zeSewula Afrika. Irhelebho okungasi ngelemali kanye nesiyeleliso mayelana neensalela zokuhlongakala zamaSewula Afrika ahlongakala ngaphetjheya nalo lizakunikelwa.
Kubawa iimphathimandla zendawo ukuphenya ukuhlongakala okusolisako kanye nobulelesi obuqaliswe ezakhamizini zeSewula Afrika.
Kunikela ngokuhlahla kanye nesiyeleliso ngoku-adoptha ngokudlula emNyangweni wokuThuthukiswa kwezeHlalakuhle.
Kunikela ngerhelebho nokuhlahla kubajameli abatjhili mayelana nezakhamizi zabo eSewula Afrika.
Kutjheja iimbawo ezifuna ilwazi namkha ukulinga ukudlulisela obuzako emthombeni okungiwo.
Misebenzi miphi enganikelwa ziimphathiswa eziJamele iNarha ngaphandle?
kufumana ukutjhatjhululwa ejele kungenelela eenkambisweni zekhotho eenarheni zangaphandle kunikela ngesiyeleliso sezomthetho kungenelela namkha ukuthoma iinkambiso zekhotho kubawa iimphathimandla zendawo ukunikela ngepatho yokwenyula kumaSewula Afrika kuphenya ubulelesi namkha ukuhlongakala kufumana ukuhlolwa kwerekhodi lezobulelesi ukwenzela wena kubhadela ukutjhiswa kwesidumbu, ukubulunga namkha ukubuyiselwa enarheni yaso kweensalela zokuhlongakala eSewula Afrika kuthatha ubunikazi bomntwana othunjiweko kugandelelwa kokusebenza kwesivumelwano sokutlhogonyelwa komntwana ngaphetjheya namkha ukukatelela inarha ukuqunta ngomlandu wokutlhogonyelwa komntwana kubhadelwa kweenkolodo zehotela, zomthetho, zokwelatjhwa namkha ezinye kubhadelwa kweendleko zokukhamba kukwenza umsebenzi owenziwa basebenzeli bezokukhamba, iimphaphamtjhini, amabhanka, njll kukukufumanela indawo yokuhlala, umsebenzi namkha iimvumo zokuhlala kubeka ipahla yakho namkha ukuzuma izinto ezilahlekileko kukwamukela iposo yakho kukhupha amaphentjhini kanye nemivuzo yezehlalakuhle kuhelebha ngokuhlelekileko abantu abanobakhamuzi obubili enarheni yabo yobuzwe besibili.
Phezulu
Amagadango okufanele alandelwe
Thintana nomJameli weSewula Afrika namkha ubuNqophisi obuKhulu emNyangweni weeNdaba zangaPhandle bemiSebenzi yokuJanyelwa kweNarha ngaPhandle ePitori. Ngokuya komsebenzi ofunekako, iforomo elisebenzako lokufaniswa lingabawiwa. Nayikuthi uyasola, buza ngomtato kokuthoma.
Imisebenzi yokujanyelwa kwenarha ngaphandle isebenza ama-awara ama-24, amalanga alikhomba ngeveke. Ngeempelaveke begodu nangemva kwesikhathi sokusebenza, irhelebho linikelwa ngokubambisana ne-Operations Room yomNyango ePitori.
Phezulu
Imithetho esetjenziswako
Phezulu
Amazinga wokusebenza nesikhathi
