Isibawo sokulawula, ukuvalwa nokwesulwa kwehlangano yebumbano, ikhampani namkha ikhampani yehlanganyela
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
Nangabe ihlangano yebumbano, ikhampani, namkha ikhampani yehlanganyela ayisakwazi ukubhadala iinkolodo namkha ifezakalise iimbopho zayo , umNqophisi-Mazombe wezeRhwebo namaBubulo kungenzeka ayilawule namkha ayivale leyo bhizimisi.
Ihlangano yebumbano namkha ihlangano yesikhatjhana, namkha elinye nelinye ilunga lehlangano namkha nanyana ngubani onekareko angenza isibawo ekhotho kobana ihlangano yebumbano namkha ihlangano yesikhatjhana ilawulwe ngumNqophisi-Mazombe namkha ivalwe. Ikhotho ezokulalela isibawo leso makube liphiko lekhotho ekulu namkha iKhotho kaMarhastrada enamandla wokulawula ubulungiswa endaweni lapho ihlangano yebumbano leyo isebenzela khona. Ikhotho ingathatha leso siqunto nakube kuyindlela elungileko.
Nangabe ikhotho ibeka umNqophisi-Mazombe bonyana alawule ihlangano yebumbano leyo namkha ihlangano yesikhatjhana leyo, uzakuba negunya lokuphatha iindaba zehlangano yebumbano namkha ihlangano yesikhatjhana ngokuya ngemibandela yemiThetho yemaKhampani, 1973.
Nangabe ihlangano yebumbano namkha ihlangano yesikhatjhana yenza isibawo ngokutlolela umNqophisi-Mazombe, angayesula ihlangano yebumbano namkha ihlangano yesikhatjhana nangabe uyaneliseka nge:
Isiqunto sokobanyana isulwe sathathwa emhlanganweni ogade ukhanjelwe linani elikhulu lamalunga wehlangano yebumbano namkha ihlangano yesikhatjhana;
Isiqunto samukelwe linengi lamalunga agade akhona emhlanganweni, begodu
Zoke iindaba ebekumele zikhulunywe ngaphambi kokwesulwa, kufaka hlangana indlela ipahla kunye neenkwelede zehlangano yebumbano namkha ihlangano yesikhatjhana zizakusetjenzwa ngayo.
Nangabe ikhotho ithatha isiqunto sokuvala ihlangano yebumbano namkha ihlangano yebumbano yesikhatjhana, izakuqunta bonyana ipahla yahlangano leyo izakuhlukaniswa ngokulinganako nangokuthembeka. Ikhotho izakuyelela zoke iimphakamiso ezizakwenziwa mNqophisi-Mazombe manqophana nokwabiwa kwepahla.
Nangabe umNqophisi-Mazombe namkha ihlangano yebumbano namkha ihlangano yesikhatjhana, elinye nelinye ilunga lehlangano namkha omunye nomunye umuntu onekareko wenza isibawo sokobanyana ihlangano leyo ilawulwe mNqophisi-Mazombe namkha ivalwe, uNqgongqotjhe uzakunikela ikambiso okumele ihlangano leyo ilawulwe ngayo ngumNqophisi-Mazombe namkha ivalwe. UNgqongqotjhe uzakunikela umNqophisi-Mazombe amandla kunye nomsebenzi, isiPhathiswa sokuTlolisa, ihlangano, amalunga kunye neenhlanganao ezinekareko kilesi simo.
Amagadango okufanele alandelwe
Ikhampani etlolisiweko, ihlangano yebumbano namkha I-CC kumele itlole incwadi yokwesulwa.
Boke abanqophisi kunye namalunga wekhampani namkha I-CC kumele batlikitle incwadi leyo nangabe bayisula ngokuthanda kwabo njengombana babanqophisi namkha amalunga.
Imithetho esetjenziswako
Amazinga wokusebenza nesikhathi
Ukwesulwa kuthatha iinyanga ezisithandathu.
Iindleko
Umsebenzi lo ungowasimahla.
Amaforomo azaliswako
Akakho amaforomo okumele azaliswe .
Imininingwana yokuthintana
