Ukufumana ukufikelela ilwazi
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
Umnqopho wokuPhuhlisa ukuFikelela iLwazi kuqinisekisa bona abantu basebenzisa ilungelo labo lomthethosisekelo lokufikelela elinye nelinye ilwazi eliphethwe ngurhulumende, kanye nelwazi eliphethwe ngomunye nomunye umuntu, elifuneka ekusebenziseni namkha ekuvikeleni elinye nelinye ilungelo. Ibanga lokusetjenziswa kwelungelo lokufikelela ilwazi kuphuhlisa isiko lokwenzelwa kwezinto emkhanyweni kanye nokuziphendulela eenhlanganweni zomphakathi nezangeqadi, kanye nokuphuhlisa umphakathi lapho abantu beSewula Afrika banokufikelela ilwazi okusebenzako ukubakghonakalisa ukusebenzisa ngokuzeleko nokuvikela amalungelo woke wabo.
Ungafumana ukufikelela liphi ilwazi eliphethwe mNyango wezobuLungiswa nokuThuthukiswa komThethosisekelo namkha ngenye nenye ihlangano yomphakathi?
Ungafumana ukufikelela yoke imitlolo namarekhodi aphethwe mNyango, iimphathiswa zawo namkha ihlangano yomphakathi. Akukanandaba bona ilwazi lithome ukubakhona nini. Ilwazi lifaka:
Amarekhodi wabantu aphethwe mNyango namkha ihlangano yomphakathi.
Ilwazi lowesithathu othintekako namkha amarekhodi: onemvumo kuphela ebuya kowesithathu othintekako, khulukhulu nayikuthi imitlolo iphethe ilwazi eliyifihlo namkha okungelangeqadi.
Ilwazi ukufikelelwa kilo okuqintelwe mThetho wokuPhuhliswa kokuFikelelwa kweLwazi. Ukufikelela ilwazi kuqintelwe ngaphasi kobujamo obuthileko, isibonelo:
lokha irekhodi nalibawiwa bona lisetjenziselwe ubulelesi namkha eenkambisweni zemibango ekhotho lokha ikambiso yobulelesi namkha yombango sele ithonyiwe, lapho ilwazi lingeze lasetjenziswa yikhotho yomthetho, khulukhulu nayikuthi ikhotho icabanga bona kuzakuba nomphumela omumbi ekambisweni yobulungiswa.
Amarekhodi akhambelana nomsebenzi wezomthetho wekhotho.
Ilwazi elifunyenwe yikundla ekhethekileko ehlonywe ngokuya komthetho.
Ilwazi eliphethwe siphathiswa sezomthetho sekundla enjalo namkha ikhotho.
Ilwazi eliphethwe mumuntu olilunga lepalamende namkha lesibethamthetho sephrovinsi.
Kodwana, umThetho wokuPhuhliswa kokuFikelelwa kweLwazi ungaphezu kwananyana ngimuphi umthetho ongakukhandela ekufikeleleni ilwazi.
Phezulu
Amagadango okufanele alandelwe
Bawa iSekela lesiPhathiswa sokwAzisa lomnyango wombuso ofaneleko likurhelebhe ukufikelela ilwazi namkha imitlolo oyifunako.
Nayikuthi ilwazi olifunako alitholakali simahla, uzakubhadela imali yesibawo . Godu ungabhadela imali yokufikelela nokuzuma .
Phezulu
Imithetho esetjenziswako
Phezulu
Amazinga wokusebenza nesikhathi
ISekela lesiPhathiswa sokwAzisa kufanele likuphendule kungakapheli amalanga ama-30 wokufumana isibawo.
Nayikuthi isiPhathiswa sokwAzisa sikwalela nemvumo yokufikelela ilwazi olibawileko, dlulisela phambili isiqunto kuNgqongqotjhe womNyango wezobuLungiswa nokuThuthukiswa komThethosisekelo.
Nayikuthi nalapho awaneliswa mphumela, dlulisela phambili isiqunto ekhotho yezomthetho. ISekela lesiPhathiswa sokwAzisa lizakurhelebha ngekambiso.
Nayikuthi ilwazi olibawako alikaphathwa mnyango womBuso, kodwana yihlangano yomphakathi, iSekela lesiPhathiswa sokwAzisa lizakudlulisela isibawo sakho esiPhathisweni sokwAzisa sehlangano efaneleko kungakapheli amalanga ali-14.
Ihlangano yomphakathi efaneleko kufanele iphendule isibawo sakho esikhathini esizwakalako. Uzakwaziswa nakungenzeka lokhu.
Phezulu
Iindleko
Thintana neYunithi yokuFikelela iLwazi yomNyango wezobuLungiswa nokuThuthukiswa komThethosisekelo enomborweni ethi 012 315 1715 ukufumana bona ingabe iimali ezibhadelwako zitjhugulukile na.
Iimali ezibhadelwako emarekhodini wehlangano yomphakathi, njengombana zibekwe miThetjhwana yomThetho yanjesi.
Iimali zokukhiqiza butjha zingendlela elandelako:
