AmaSentha we-10 111
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana
Ihlathululo
Le yisentha yokubika ubulelesi ngokudosa umtato esebenza ama-awara ama-24 ephatha iinghonghoyilo ezibuya emphakathini. Imitato yenziwa ngomtato waka-Telkom namkha umaliledinini. Yoke imitato edoselwa isentha iyarekhodwa.
Tjheja: Dosela lenomboro kuphela ebujameni oburhabileko. Ungayisebenzisi kumbi ngombana lokhu:
kukhandela imitato ebuya ebantwini abasebujameni obubeka amaphilo wabo engozini begodu nabatlhoga irhelebho lamapholisa kumotjha isikhathi samapholisa ngombana iimphathiswa kuzakufuneka bona zitjhayele namkha ziphaphe ziye endaweni okuthiwa ngeyesehlakalo sobulelesi kumotjha imithombo yamapholisa ngombana iimphathiswa zingasiwa lapho kungana bujamo oburhabako khona.
Eenghonghoyilweni ezingasi zimbi khulu namkha ukubuza okujayelekileko, dosela istetjhi samapholisa esiseduze.
Phezulu
Amagadango okufanele alandelwe
Dosela inomboro yomtato ethi-10 111 nanyana ukuphi eSewula Afrika.
Isisebenzi sesentha yokudosela umtato siphendula umtato wakho begodu sithatha ilwazi elifaneleko.
Ilwazi liyabekwa begodu unikelwa inomboro yereferensi njengobufakazi begodu njengeferensi yangomuso.
Isinghonghoyilo sinikelwa iSentha yokuSebenzela umPhakathi ye-SAPS yendawo, ikoloyi eqale indawo namkha iKoloyi yesiQhema esiPhapha eMmoyeni.
Phezulu
Imithetho esetjenziswako
Phezulu
Amazinga wokusebenza nesikhathi
Yoke imitato iphendulwa ngokurhaba okukghonekako.
Phezulu
Iindleko
Ukudosa ngomtato we-Telkom: Awubhadeli litho
Imitato eyenziwa ngomaliledinini: Imitato ibhadelwa ngemali yokudosa yabomaliledinini ejayelekileko
Phezulu
Amaforomo azaliswako
Akunamaforomo azaliswako.
Phezulu
Imininingwana yokuthintana
