YENZA OKUTHILEKO NGOKUHLUKUMEZA
AMALANGA AMA-16 WOKULWA NOKUHLUKUNYEZWA KWABAFAZI NABANTWANA
LIYINI IJIMA LAMALANGA AMA-16 WOKULWA NOKUHLUKUNYENZWA?
Amalanga ama-16 wokuLwa nokuHlukunyezwa: Kukulwa nenturhu ephathelene nabaFazi kulijima leentjhabatjhaba elibakhona qobe ngomnyaka kusukela ngomhlaka 25 kuSinyikhaba (ILanga leenTjhabatjhaba yokuLwa nenTurhu ephathelene nabaFazi) kufika ngomhlaka 10 kuNobayeni (iLanga lamaLungelo wobunTu leenTjhabatjhaba).
Ngalesikhathi, uRhulumende weSewula Afrika wenza ijima lamalanga ama-16 wokulwa nokuhlukunyezwa, elinqophe ekwandiseni ilemukiso ngomthelela omumbi obangelwa yinturhu ephathelene nabafazi kunye nabantwana. Eminye yeminqopho kukuhlanganisa zoke iinkoro zomphakathi bonyana zilwe nokuhlukumeza.
URhulumende ubopheleleke bonyana wakhe umphakathi onakekelanako begodu onokuthula, lowo ovikela abafazi kunye nabantwana kikho koke ukuhlukunyezwa okukhona. Nanyana iJima lamalanga ama-16 wokuLwa nokuHlukunyezwa libakhona kusukela ngomhlaka 25 kuSinyikhaba – 10 kuNobayeni qobe mnyaka, iminqopho yalo liqiniswa liHlelo laMalanga ama-365 kunye nomTlamo wesiTjhaba.
Qobe mnyaka, urhulumende, ngokubambisana neenhlangano zomphakathi kunye neenkoro zamabhizinisi, ziragela phambili ngosebenzisana ukukhulisa umthelela walelijima. Ngokusekela ijima leli, amaSewula Afrika aziingidi nawo arhelebhile ukulemukisa ngokuhlukumeza begodu basekela abongazimbi nabasinde ekuhlukunyezweni.
UNGENZANI?
Sekela ijima lelo ngokwembatha iribhoni emhlophe ngesikhathi samalanga ama-16 wokulwa nokuhlukunyezwa: Iribhoni emhlophe ilitshwayo lokuthula begodu litjengisa ukuzinikela komuntu lowo bonyana angekhe enze namkha akhuthaze ukwenza inturhu ebafazini nebantwaneni.
Abazinikelako labo abasekela iinhlangano ezingasingezombuso kunye neentlhopha zemiphakathi ezisekela ukupheliswa kokuhlukunyezwa kwabantwana nabafazi: Iinhlangano ezinengi ezirhelebha abongazimbi nabasinde ekuhlukunyezweni badinga irhelebho lomphakathi. Unganikela ngesikhathi sakho ngokufaka isandla ngokurhelebha iinkhungo. Funa ihlangano engendaweni yangekhenu lapho ungarhelebha khona. Ungakwazi ukuthola isitjengiso seenhlangano ezirhelebhako ku: www.csvr.org.za.
Khuluma nakunokuhlukunyezwa kwabafazi nabantwana: Khuthaza abongazimbi abathulileko beengubo bonyana balwe nokuhlukunyezwa. Bikela amapholisa ngokuhlukunyezwa kwabantwana.
Joyina iinhlangano zomphakathi ezirhelebhana namapholisa (CPF) namkha inhlangano zokuphepha zomphakathi (CSF): Umphakathi kunye namapholisa womphakathi basebenzisani abakhutheleko ukuqinisekisa ukuphepha nokuvikeleka emphakathini. Ngokujoyina i-CPF namkha i-CSF, ungarhelebha ukulwa nobulelesi endaweni yekhenu. Nawufuna ilwazi elinabileko lokobanyana ungajoyina bunjani, thintana nesitetjhi samapholisa esisendaweni yekhenu.
Nangabe uyahlukunyezwa nanyana kungayiphi indlela namkha kunomuntu omaziko ohlukunyezwako, fikelela kuye – thola irhelebho.
UKUTHOTJWA KOMKHUMBULO KUNYE NOKUSEKELWA KWABAFAZI
Umtato weRhelebho lesiTjhaba ngesiKhathi sobuDisi (Lifeline) 0861 322 322
Umtato weRhelebho lokuVimbela inTurhu edzimelele kuBulili 0800 150 150
Abantu abangakhambisani nokuHlukunyezwa kwabaFazi 011 642 4345
IThungelelwano lesiTjhaba ngenTurhu ephathelene nabaFazi 012 321 4959
UKUTHOTJWA KOMKHUMBULO KUNYE NOKUSEKELWA KWABANTWANA
UKUVIKELEKA KOMPHAKATHI
Imali yesondlo sabantwana 0800 601 011
ITLHOGOMELO LEZAMAPHILO
IsiTlhopha esiphathelene neGandeleleko kunye neValo 011 783 1474
Umtato wokurhelebha ngeNtumbantonga 0800 012 322
IRHELEBHO NGEZOMTHETHO
IBhodo yokuSiza ngezomThetho 011 845 4311
AMAJIMA WAMADODA ABASEKELA UKULWA NENTURHU
IKoro yokuFunga ngenTurhu kunye nokuBuyisana 011 403 5650
