Boke abongqongqotjhe
Woke amalunga wePalamende
Woke amalunga womKhandlu weNarha oNgamele iimFunda
Boke abondunakulu
Boke abosomkhandlu
NjengoNgqongqotjhe wezamaPhilo nginitlolela ngokwami incwadi le malungana nobulwele obuvezwe ngehla ngeenzathu ezimbili ezilandelako:
ukukunikela ilwazi elizokusiza ukulwisana nobulwele
Bekube gadesi eSewula Afrika siqinisekise izehlakalo ezi-2 844 nokuhlongakala kwabantu abasithandathu .
Indlela yokurhatjheka
Amatshwayo wobulwele
Amatshwayo angahlukaniseka ngeengaba eziqakathekileko ezintathu
izinga elilingeneko
izinga eliphakathi
Amatshwayo wezinga elilingeneko afaka hlangana:
iimpumulo eziphuma amathimila asamanzi namkha ezivalekileko
ukukhohlela
izinga eliphezulu lokutjhisa namkha lokuzwa amakhaza komzimba;
ukunghanghabala kwemisipha nobuhlungu;
imizwa ejayelekileko yokungakaphili.
Inengi labantu enarheni yokana banamatshwayo wezinga elilingeneko begodu ngeze batlhoga itjhejo elikhethekileko lezokwelatjhwa. Ngebangelo abantu abanamatshwayo wezinga elilingeneko kufanele belatjhwe njengalokha kulatjhwa amatshwayo ajayelekileko womgomani ngaphandle kwabantu bobujamo obulandelako ekufanele bafune itjhejo elirhabako lokwelatjhwa nanyana banamatshwayo wezinga elilingeneko:
abantu bobulwele oburhwahlaphazako behliziyo namkha bamaphaphu
abomma abasidisi
abantu abaphila ngomuLwana weNtumbantonga neNtumbantonga
abantu abanobulwele beswigiri
Amatshwayo wezinga eliphakathi afaka hlangana amatshwayo angezelelweko wezinga elilingeneko:
ukuphelelwa muMoya
ubuhlungu besifuba
ukubuyisa okungapheliko
irhudo namatshwayo wokuphelelwa mamanzi emzimbeni.
Amatshwayo wezinga elikhambeleleko afaka hlangana amatshwayo angezelelweko wezinga elilingeneko neliphakathi:
iindebe ezihlaza kwesibhakabhaka, ilimu namkha ezinye iingcenye zomzimba
ukuphathwa siyezi ngamandla nokulahlekelwa mkhumbulo.
Omunye nomunye umuntu onamatshwayo wezinga eliphakathi namkha elikhambeleleko kufanele afune itjhejo elirhabako lezokwelatjhwa.
Ukurhatjheka kobuLwele eemFundeni
Ukurhatjheka kobulwele eemfundeni zethu ngokwamaphesende wenani elipheleleko lokutheleleka lenarha yekhethu kungalindlela elandelako:
Ukuhlongakala okusithandathu:
Ukuhlolelwa umulwana
Ukuhlola okusemthethweni kwenziwa liZiko lamaLwele Athelelanako leNarha elinzinze eGauteng begodu nelitjhidiselwe eTjingalanga Kapa kungasikade. Ukuhlolwa kuzakwenziwa ngesiphakamiso sikadorhodera. Iingulani ezifuna itjhejo ehlelweni likarhulumende lezamaphilo azikafaneli zikhombele ukuhlolwa kwelabhorathri. Siyelele bonyana lokhu kuyenzeka emabubulweni wezamaphilo wangeqadi, kodwana lokhu akukaphakanyiswa yi-WHO. Abodorhodera kufanele belaphe izehlakalo ezisolwako ngokwemigomo enikelwe mNyango wezamaPhilo weNarha.
Ukwelatjhwa
Ukuvalwa kwamaziko
Ilemuko enarheni yoke litjengise bonyana ukuvalwa kweenkolo kanye namaziko wefundo ephakamileko, iinthabathaba zeentolo neendawo zokusebenzela akukasebenzi ekukhandeleni ukurhatjheka kobulwelobu.Kunalokho,kubangele ukuthikamezeka okukhulu kezehlalakuhle yomphakathi.
Seluleka bonyana omunye nomunye umfundi, umfundisi namkha isisebenzi esinamatshwayo wezinga elilingeneko kufanele ahlale ekhaya. Nangange kunabafundi abanengi namkha abafundisi abahlaliswe ekhaya, iziko elithintekileko kufanele lithinte umNyango wezeFundo, ozokukhambisana neekhulu zezamaphilo nakuzokwelulekwa ngamagadango afanele athathwe.
Ukuhlanzeka okulula
Ngebanga lendlela yokurhatjheka kobulwele njengombana kutjhiwo ekuthomeni, ukuhlanzeka okulula okulandelako kwaphakanyiswa:
hlamba izandla ngesibha ngaso soke isikhathi
khohlela namkha uthimulele ethitjhuphepheni namkha emkhonweni wesambatho sakho
nangabe ukatelelekile ukobana ukhohlelele ngezandleni zakho ungathinti nanyana yini njengesibambo somnyango, amafesidiri, iinatafula namkha iinsetjenziswa zokugoma bekufike lapho uhlamba khona izandla zakho ngesibha
nangabe ulemuka amatshwayo wezinga elilingeneko hlala ekhaya begodu ubalekele ukuthintana nabantu.
Ngithanda ukunithokoza ekuthatheni kwenu isikhathi senu ukufunda incwadi le enginitlolele yona begodu ngifisa ukunithokoza ngisalindele ukuhlanganyela kwenu ekukhulumisaneni nekunciphiseni imbangela yobulwele.
Ngiyathokoza
ILANGA:
