IsiNdebele
Yini umKhandlu wamaGama wamaJamo-Bumbeko weNarha yeSewula Afrika (SAGNC)?
UmKhandlu wamaGama wamaJamo-Bumbeko weNarha yeSewula Afrika sikhungo esahlonywa ngokomThetho wePalamende (umThetho oyinomboro 118 ka 1998) begodu sakhethwa nguNgqongqotjhe wezobuKghwari, amaSiko, iSayensi neTheknoloji.
Ngimaphi amalunga akha lomKhandlu?
* Umjameli munye ovela eprovinsini ngayinye;
* Abantu abakhethwe nguNgqongqotjhe, ngetjhejo lobukghoni babo obukhethekileko kunye netjhejo lesitjhaba seSewula Afrika;
* Abajameli bePosofisi, babaTlhami-Mikhawulo neeMebhe, kunye nabeBhodo yamaLimi woKe weSewula Afrika.
Kuba yini lomKhandlu utlhogeka?
* Ukwenza isiqiniseko sokobana ngendlela okungakghoneka ngayo, indawo yinye iba negama linye begodu litloleke ngendlela efanako;
* Ukwenza isiqiniseko sokobana abantu bazibona bathintene nomlando, isiko, ilifa kunye namatjhejo wezokuhlalisana nezomnotho emagameni.
Uyini umsebenzi womKhandlu?
* Ukukghonakalisa kunye nokubeka iinyeleliso zokuhlonywa kweKomiti yamaGama wamaJamo-Bumbeko weNarha (PGNC) eprovinsini ngayinye.
* Ukwemukela, ukuphenya kunye nokuphakamisa amagama wamajamo-bumbeko ahlongoziweko kunye namatjhuguluko avela ku-PGNC nezinye iinqhema, emagameni avele akhona gadesi, bona emukelwe nguNgqongqotjhe.
* Ukuthintana :
Neenhlangano zesitjhaba kunye nezeentjhaba-tjhaba; iinhlangano zamasiko, zemilando kunye nezamalimi; kunye
namaKomiti wamaGama wamaJamo-Bumbeko weNarha emaProvinsini.
* Ukubuthelela kunye nokugadangisa amarhelo wamagama emukelweko ngokomthetho.
Yini amaKomiti wamaProvinsi wamaGama wamaJamo-Bumbeko weNarha?
Mibuthano ethweswe mThetho, umthwalo wokuthintana nomphakathi, ukuphenya begodu yenze neemphakamiso emKhandlwini wamaGama wamaJamo-Bumbeko weNarha yeSewula Afrika (SANGC) ngamagama wamajamo-bumbeko. Lemibuthano (PGNCs) isebenzisana khulu nomKhandlu wamaGama wamaJamo-Bumbeko weNarha yeSewula Afrika (SAGNC).
Ngimaphi amalunga akha amaKomiti wamaProvinsi wamaGama wamaJamo-Bumbeko weNarha (PGNCs)?
* Abajameli bamaprovinsi abasemKhandlwini wamaGama wamaJamo-Bumbeko weNarha yeSewula Afrika (SAGNC);
* Amanye amalunga akhethwe nguSomkhandlu, isib: izazi zamalimi, zamagama weendawo kunye nezeemebhe, abajameli bombuso kamasipala, iNdlu yabaRholi beNdabuko, bekoro yezokuvakatjha, njll.
Yini imisebenzi yeKomiti yeProvinsi yamaGama wamaJamo-Bumbeko weNarha  (PGNCs)?
* Ukulungisa iimphakamiso ngamagama azakwethulwa emKhandlwini wamaGama wamaJamo-Bumbeko weNarha yeSewula Afrika (SAGNC).
* Ukuthintana nabaphathi bomphakathi bendawo kunye nabanye abanesabelo kilokhu.
* Ukuthintana ngokusebenzisana nomKhandlu wamaGama wamaJamo-Bumbeko weNarha yeSewula Afrika.
* Ukufundisa umphakathi ngekambiso yokuthiya amajamo-bumbeko wenarha. 
Siwaphakamisa njani amagama?
Igadango 1	Khetha igama.
Igadango 2	Thintana nabantu abazakuthinteka khulu ngokuthiywa kwegamelo.
Igadango 3	Fikelela esivumelwaneni nabo.
Igadango 4	Thola iforomo lesibawo eKomitini yeProvinsi yamaGama wamaJamo-Bumbeko weNarha yeSewula Afrika.
Igadango 5	Thola loke ilemuko elitlhogekako ekuzaliseni iforomo lelo, isib: umsuka kunye nehlathululo yegama, kunye negama elinye elingathathwa (lesibili).
Igadango 6	Thumela iforomo eKomitini yeProvinsi yamaGama wamaJamo-Bumbeko weNarha yeSewula Afrika.
Kwenzekani ngeforomelo lesibawo?
* IKomiti yeProvinsi yamaGama wamaJamo-Bumbeko weNarha iqinisekisa bona umphakathi uye wathintwa begodu wavumelana nesiphakamiseso.
* IKomiti yeProvinsi yamaGama wamaJamo-Bumbeko weNarha  yenza ihlolo yokobana igamelo likhambisana neenjamiso zomKhandlu wamaGama wamaJamo-Bumbeko weNarha yeSewula Afrika 
* UmKhandlu wamaGama wamaJamo-Bumbeko weNarha yeSewula Afrika (SAGNC) nawo uhlola godu igamelo, befuthi unamandla wokulibuyisela emuva nanyana ungalithumela ezazini bona kheliyokuqalisiswa.
* UmKhandlu wamaGama wamaJamo-Bumbeko weNarha yeSewula Afrika uphakamisa igamelo kuNgqongqotjhe bona lemukelwe.
* Igama elemukelweko ligadangiswa eGurandeni lakaRhulumende.
Imithethokambiso
Ngokujayelekile, lamagama wamajamo-bumbeko alandelako afanele bona abalekelwe:
* Amagama athukanako ngokwekolo, afakelana iinhloni, anokudelela, ayihlamba nanyana angasimahle;
* Amagama abandlululako nanyana athukanako ngokobutjhaba, kwebala, ikolo, ubulili, ubulunga behlangano yezepolitiki nanyana amanye amajamo kwezehlaliswano;
* Amagama angathathwa njengawokukhangisela imikhiqizo, umsebenzi nanyana ihlangano ethileko.
Ukuthiyelelwa kweendawo ngabantu
* Amagama wabantu abaphilako afanele bona ngokujayelekileko, abalekelwe.
* Iindawo ezithiyelelwe ngabantu zifanele bona zikhambisane nesithunzi salabo bantu ezithiyelelwe ngabo (kungabi, isibonelo, nobujamo lapho indawo engaziwako ithiyelelwa ngomuntu oqakatheke inarha yoke).
* Lapho kukghonakala khona, ivumo etloliweko ifanele bona itholakale emuntwini nanyana emndenini womuntu kunye neendlalifeni zakhe ngaphambi kobana igama lomuntu loyo lingasetjenziswa.
Imininingwana yokuthintana
The Secretariat
Private Bag x 195
Pretoria
0001
South Africa
Umtato: (012) 337-8155
Ifeksi: (012) 321-7681
Iposo ye-elektroniki: vt27@dacst5.pwv.gov.za
