Ukwenza isinghonghoyilo ngokubandlululwa



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Isinghonghoyilo ngokungaziphathi kuhle namkha 
                                ukwe
                                Isinghonghoyilo ngokubhalelwa kwamapholisa 
                                kurhele
                                Ukwenza isinghonghoyilo ngokubandlululwa


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukusebenza ngomthetho   >  Iinghonghoyilo    



                                    

                                Ukwenza isinghonghoyilo ngokubandlululwa    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Nawucabanga bona uphethwe ngokungalingani 
                                nabanye namkha ubandlululiwe bunqopha namkha 
                                ingasi bunqopha, thintana neKhotho yezokuLingana 
                                eseduze ukufumana irhelebho.
                                Imihlobo yokubandlululwa ingafaka: 
                                ngokobutjhaba, ubulili, ngokomseme, ngokukuba 
                                sidisi, ngobujamo bomtjhado, ngokomhlobo namkha 
                                ngemvelaphi ngokubutjhaba, umbala, ukwenyula 
                                ngokobulili, ubudala, ukurholophala, ikolo, 
                                unembeza, isiko, ilimi namabeletho.
                                Iinkambiso ngaphasi komThetho wezokuLingana 
                                zingathonywa:
                                ngomunye nomunye umuntu owenzela iinkareko zakhe
                                ngomunye nomunye umuntu owenzela omunye umuntu 
                                ongeze azenzela
                                ngomunye nomunye umuntu owenza njengelunga le, 
                                namkha, enzela ikareko yesiqhema namkha umhlobo 
                                wabantu
                                ngomunye nomunye umuntu owenzela ikareko 
                                yomphakathi
                                ngomunye umuntu ongasebenziko
                                ngenye nenye ihlangano eyenzela iinkareko 
                                zamalunga wayo namkha
                                yiKomitjhini yeSewula Afrika yamaLungelo wobuNtu 
                                kanye neKomitjhini yokuLingana ngokobuLili
                                UmThetho wezokuLingana awusebenzi endaweni 
                                yokusebenzela (okutjho bona lokhu kuwela 
                                ngaphasi komThetho wokuQatjha ngokuLingana 
                                (i-Employment Equity Act).
                                Nawufuna ilwazi elinabileko, yiya ku-website 
                                yomNyango wezoBulungiswa nokuThuthukiswa 
                                komThethosisekelo.
                                [Top]
                                Amagadango okufanele alandelwe
                                Yazisa umabhalana wekhotho yakho yezokulingana 
                                ngehloso yakho yokuthoma iinkambiso ngokuzalisa 
                                iForomo 2: Institution of proceedings (Ukuthoma 
                                iinkambiso).
                                Umabhalana uzakudlulisela indaba esiphathisweni 
                                esongameleko sekhotho yezokulingana efaneleko.
                                Ikhotho, eenkambisweni ezinye nezinye ngokubawa 
                                komunye othintekako namkha ngokuthanda kwayo, 
                                begodu nayikuthi isiphathiswa esongameleko 
                                sibona kusekarekweni yobulungiswa, ingakhomba 
                                abantu ababili njengabalinganisi. Abalinganisi 
                                laba bathathwa njengamalunga wekhotho.
                                 
                                [Top]
                                Imithetho esetjenziswako
                                Constitution of the Republic of South Africa, 
                                1996, Section 9 (UmThethosisekelo weRiphabhligi 
                                yeSewula Afrika ka-1996, isiGaba 9)
                                The Promotion of Equality and Prevention of 
                                Unfair Discrimination Act, No. 4 of 2000. 
                                Related Regulations to these Acts. (UmThetho 
                                wokuPhuhliswa kokuLingana nokuKhandelwa 
                                kokuBandlululwa ngokuNgakafaneli). ImiThetjhwana 
                                ekhambelana nalemiThetho.
                                 
                                [Top]
                                Amazinga wokusebenza nesikhathi
                                Isikhathi esibekelwe iinkambiso siyame 
                                ekuraraneni kwesinghonghoyilo. Kodwana, yihloso 
                                yesiBethamthetho bona iindaba lezi ziqedwe 
kuhle.
                                Kufanele uphathwe ngesithunzi, ngokulingana 
                                nangehlonipho begodu unikelwe isiyeleliso 
                                ositlhogako ngesikhathi esizwakalako. Nayikuthi 
                                ufuna ukujanyelwa kwezomthetho, ungathintana 
                                nama-ofisi weKomitjhini yeSewula Afrika 
                                yamaLungelo wobuNtu kanye neKomitjhini 
                                yokuLingana ngokobuLili.
                                Nayikuthi awaneliswa ngomlayo owenziwe yikhotho 
                                yokulingana, yenza isibawo sokudlulisela 
                                phambili isiqunto eKhotho ePhakamileko namkha 
                                e-Supreme Court of Appeal namkha bunqopha 
                                eKhotho yomThethosisekelo.
                                Lokha iinqunto eziphikisanako zenziwa 
                                ziimphathiswa ezongameleko mayelana neendaba 
                                eziphathelene namabanga angakavunyelwa 
                                angakarhenyiswa, uNgqongqotjhe angadlulisela 
                                indaba ethileko e-Supreme Court of Appeal namkha 
                                eKhotho yomThethosisekelo. Nayikuthi 
                                isiphathiswa esongameleko eKhotho kaMarhastrada 
                                siqunta ngebanga lokubandlululwa 
                                elingakarhenyiswa emThethweni, isiqunto kufanele 
                                silethwe eKhotho ePhakamileko efaneleko bona 
                                sibuyekezwe, nasele iinkambiso ziqediwe, 
                                ngendlela ebekiweko. Ngemva kokutjhejwa, iKhotho 
                                ePhakamileko kufanele ithathe isiqunto ngendaba 
                                ngendlela ebona ngayo ngaphakathi kokusebenza 
                                komThetho.
                                [Top]
                                Iindleko
                                Iinkambiso emakhotho wokulingana zisimahla.
                                 
                                [Top]
                                Amaforomo azaliswako
                                Amaforomo atholakala eKhotho yezokuLingana 
                                eKhotho kaMarhastrada namkha eKhotho 
                                ePhakamileko.
                                Form 2: Institution of proceedings (Ukuthonywa 
                                kweenkambiso)
                                 
                                [Top]
                                Imininingwana yokuthintana


                                Specialised Courts and Promotion of the Rights 
                                of Vulnerable Groups

                                iPhrovinsi:Gauteng
                                IdorobhaPretoria
                                Umtato:012 315 1111/1683/1675
                                Ifeksi:012 ...
                                I-adresi yendawo:Directorate: Specialised Courts 
                                and Promotion of the Rights of Vulnerable Groups 
                                Momentum Building, Pretorius Street, Pretoria, 
                                0001
                                I-adresi yeposo:Private Bag X81, 0001











                                Yabuyekezwa kokugcina :11 February 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




