﻿Ukwamukelwa kwabongazimbi benturhu yangekhaya emakhayeni wokuphephela



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Ukwamukelwa kwabongazimbi benturhu yangekhaya 
                                emak


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Indawo yokuhlala    >  Amakhaya wobusithelo     



                                    

                                Ukwamukelwa kwabongazimbi benturhu yangekhaya 
                                emakhayeni wokuphephela    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Ikhaya lobuphephelo sikghonakalisi sokuhlala 
                                esinikela ngendawo yokuhlala isikhatjhana 
                                esifitjhani kibongazimbi benturhu yangekhaya 
                                ebujameni obuyingozi. Abantu abamukelwe ekhayeni 
                                lokuphephela bangahlala isikhathi esiphakathi 
                                kweemveke ezimbili neenyanga ezisithandathu kuye 
                                ngobujamo. 
                                Khuyini inturhu yangekhaya?
                                Inturhu yangekhaya yenzeka lokha umuntu 
                                onetjhebiswano langekhaya naye
                                akutlhorisa ngokomzimba namkha ngokomseme 
                                (isibonelo, akubetha namkha akukata)
                                akutlhorisa ngomlomo, ngokommoya namkha 
                                ngokwenqondo (isibonelo, ahlala akuthuka njalo 
                                ngomlomo, akuthusela namkha anesikhwele esimbi)
                                akutlhorisa ngakwezomnotho namkha ngeemalini 
                                (isibonelo, ubaba wakwakho namkha okuthetheko 
                                asala ukuthenga ukudla, ukubhadela iimali 
                                zesikolo, njll, namkha agandelela ukuthatha 
                                iinqunto ngemali)
                                akuhlukumeza (isibonelo, ngokubuyelelweko 
                                akudosela umtato, akuthumelele iincwadi namkha 
                                uhlala aqale imikhambo yakho)
                                akuthusela (isibonelo, akuthusela bona 
                                uzakulimaza namkha akubulale nayikuthi umbika 
                                emapholiseni)
                                amotjha ipahla yakho (isibonelo, atjhisa 
                                izembatho zakho, aphula ifenitjhara, asika 
                                amatayere wekoloyi yakho)
                                angena kwakho ngaphandle kwemvumo yakho.
                                aziphatha ngendlela etjengisa ukukuphatha kumbi 
                                namkha elawulako ebanga ukulimala namkha 
                                engabanga ukulimala ekuphepheni, ipilo namkha 
                                ukuphila kuhle kwakho.
                                Nayikuthi lemihlobo yokutlhorisa yenzakalela 
                                omunye omaziko, ungenza isibawo somlayo 
                                wokuvikelwa namkha wamukelwe ekhaya labongazimbi 
                                benturhu yangekhaya.
                                Nawufuna ilwazi elinabileko, yiya ku-website 
                                yomNyango wokuThuthukiswa kwezeHlalakuhle.


                                [Top]
                                Amagadango okufanele alandelwe
                                Thintana nekhaya lokuphephela emphakathini 
                                wangekhenu namkha inomboro yeRhelebho 
                                yokuPHELISA ukuTlhoriswa kwaboMma 0800 150 150.
                                Thintana nomKhambelanisi wokuNikelwa amaNdla 
                                waboNgazimbi wePhrovinsi obuya e-ofisini 
                                eliseduze lemiSebenzi yezeHlalakuhle nawutlhoga 
                                irhelebho nelwazi mayelana nemisebenzi ekhona.
                                Isisebenzi sezehlalakuhle sizakunikela ilwazi 
                                nerhelebho.
                                 
                                [Top]
                                Imithetho esetjenziswako
                                The Domestic Violence Act, 1998 (Act 116 of 
                                1998) (UmThetho weNturhu yangeKhaya)
                                The Criminal Procedure Act, 1977 (Act 51 of 
                                1977) (UmThetho weKambiso yobuLelesi)
                                The Child Care Act, 1983 (Act 74 of 1983) 
                                (UmThetho wokuTlhogonyelwa kwabaNtwana)
                                 
                                [Top]
                                Amazinga wokusebenza nesikhathi
                                Isisebenzi sezehlalakuhle sizakurhelebha 
                                besiqinisekise bona amazinga alandelako 
                                kuhlangabezwana nawo:

                                Ukuphepha nokuvikeleka
                                Iindingo zakangazimbi
                                Ibhoduluko lokuhlala lakangazimbi
                                Iindingo ezirhabako
                                Itlhogomelo lezamaphilo
                                Ibhoduluko letuthuko
                                Iqhinga letlhogomelo
                                Iqhinga lomuntu lokuzithuthukisa
                                Amahlelo wokwelapha
                                Ifundo nokuzitsomula
                                Amanye amakhaya wokuphephela angafuna 
                                ukuzibandakanya eqhingeni lokwelapha.
                                 
                                [Top]
                                Iindleko
                                Awubhadeli litho ngalomsebenzi.
                                 
                                [Top]
                                Amaforomo azaliswako
                                Akunamaforomo okulindelwe bona uwazalise.
                                 
                                [Top]
                                Imininingwana yokuthintana


                                     Sibawa ukhethe kunye: 
                                Eastern Cape
                                Free State
                                Gauteng
                                KwaZulu-Natal
                                Limpopo
                                Mpumalanga
                                North West
                                Northern Cape
                                Western Cape




                                Yabuyekezwa kokugcina :27 December 2006





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




