﻿Ukuzitlolisa okukhethekileko njengososayensi wesiphrofetjhinali wemvelo – i-Grandfather Clause



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Isibawo Serhelebho Leemali Esikimini SesiTjhaba 
                                So
                                Isibawo Sokuzitlolisa Kwamathomo Esikhungweni 
                                Sefu
                                Isibawo Sokulinganiswa Kwamazinga Weemfundo 
Ezith
                                Ukuqinisekiswa Kweemfundo Eziphasiweko 
                                Ebuthelelwe
                                IRherho lesiTjhaba eliZenzakalelako lokuFunyanwa 
                                k
                                Ukuzitlolisa njengososayensi wemvelo 
                                wesiphrofetjh
                                Ukuzitlolisa okukhethekileko njengososayensi 
                                wesip
                                Iimfuno ezingezelelweko zokutloliswa ezikweni 
                                leSa
                                Ukuzitlolisa njengososayensi wesiphrofetjhinali 
                                we
                                Ukudluliswa kwesiqunto sokwalelwa ukuzitlolisa 
                                nje
                                Isibawo Sokutloliswa Kwesikhungo Sangasese 
                                SeFundo


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                IFundo neBandulo    >  Iinkhungo zefundo 
                                ephakamileko     



                                    

                                Ukuzitlolisa okukhethekileko njengososayensi 
                                wesiphrofetjhinali wemvelo – i-Grandfather 
                                Clause    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                I-Grandfather Clause yimvumo ebantwini 
                                abangakhenge bafumane ithuba lokufumana 
                                ukufaneleka kweenkhungo eziphakamileko namkha 
                                abanganakho ukufaneleka kwefundo ephezulu 
                                abahlangabezana neemfuno ezibekwe mKhandlu, 
                                kodwana abangaziwa inarha yoke kanye nephasini 
                                loke ngebanga lokufaka isandla kwabo 
                                emphakathini wezesayensi esikhathini esiminyaka 
                                eminengi.
                                I-grandfather clause ikghonakalisa abantu 
                                abanganafundo yezinga eliphezulu ukuzitlolisa 
                                njengabososayensi bemvelo besiphrofetjhinali. 
                                I-South African Council for Natural Scientific 
                                Professions (SACNCP) iyavuma bona ngamabanga 
                                ahlukeneko, abanye abantu akhenge babe nethuba 
                                lokufumana ifundo ephakamileko. Abantu laba 
                                kodwana kungenzeka kube bafaka isandla khulu 
                                emphakathini wesayensi eminyakeni eminengi 
                                begodu kungenzeka bona basaragela phambili 
                                nokwenza njalo. UmKhandlu uqunte, ebujameni 
                                obuthileko, ukunikela abantu abanjalo ithuba 
                                lokwenza iimbawo zokutloliswa njengaboSosayensi 
                                bemVelo besiPhrofetjhinali. Omunye nomunye 
                                umuntu kodwana onganakufaneleka okuvunyelwe 
                                mKhandlu angenza isibawo.
                                Ilanga lokuvalwa kweembawo zokuzitlolisa 
                                ngaphasi kwe-Grandfather Clause mhlaka 31 
                                Disemba 2006.
                                Iimfuneko zeembawo:
                                umbawi kufanele aziwe inarha yoke ngelemuko 
                                lakhe ezikweni lokusebenza alenzela isibawo
                                kube afake isandla emphakathini othileko, begodu
                                abe ubuncani bakhona neminyaka eli-10 ukuya 
                                kweli-15 yelemuko eliragela phambili lezesayensi 
                                yemvelo elikhambelana neemfundo zakhe, msinyana 
                                ngaphambi kokwenza isibawo ezikweni lokusebenza 
                                alezela isibawo.
                                nayikuthi utjhiye iphrofetjhini yakho 
                                ngesikhathi leso, wabuya ngemva kweminyaka 
                                embalwa, uzakuvunyelwa ukuzitlolisa ngaphasi 
                                kwalomutjhwana.
                                Nawufuna ilwazi elinabileko, yiya ku-website 
                                ye-South African Council for Natural Scientific 
                                Professions.
                                [Top]
                                Amagadango okufanele alandelwe
                                Zalisa iforomo lesibawo sokuzitlolisa
                                Letha iforomo elitlikitliweko kanye nemitlolo 
                                elandelako
                                Ibuthelelo lemitlolo yokufunda, ubufakazi 
                                bebandulo elihlelekileko nelingakahleleki, 
                                amakhophi aqinisekisiweko weentifikhethi wedigri 
                                namkha idiploma, kufaka amarekhodi weemfundo 
                                walokhu kufaneleka, ilemuko elinengi lomsebenzi 
                                ezikweni lokusebenza owenza kilo isibawo, irhemo 
                                lemitlolo ekhutjhiweko kanye nobufakazi 
                                bobulunga beenhlangano zabafundileko.
                                Iincwadi zeemfungo ezibuya kiborefri ababili 
                                abangafakazela amakghono nelemuko lakho ezikweni 
                                lokusebenza.
                                Ubuncani bakhona imibiko emithathu ezeleko 
                                ebuthelelweko namkha obeke isandla esikhulu kiyo 
                                namkha nayingeze yalethwa ngebanga lokuba 
                                yifihlo, ukufaka isandla kufanele kuqinisekiswe 
                                kanye
                                Nencwadi efungelweko ebeka bona msebenzi wakho 
                                begodu namkha necacisa indima yakho emibikweni 
                                oyilethileko.
                                [Top]
                                Imithetho esetjenziswako
                                Academy of Science of South Africa Act, 2001 
                                (Act 67 of 2001) (UmThetho we-Akhademi yeSayensi 
                                yeSewula Afrika)
                                Natural Scientific Professions Act, 2003 (Act 27 
                                of 2003) (UmThetho wamaPhrofetjhini weSayensi 
                                yemVelo)
                                [Top]
                                Amazinga wokusebenza nesikhathi
                                Ukutlolisa kungathatha iimveke ezisithandathu 
                                ukufika kwezibunane kuye ngokulethwa kwemitlolo 
                                efunekako.
                                Ukuhlungwa komuntu kuzakwenziwa siqhema sabantu 
                                ubuncani bakhona ababili abakhonjwe yiKomiti 
                                yokuYelelisa yesiPhrofetjhinali ye-SACNASP 
                                efaneleko (i-SACNASP Professional Advisory 
                                Committee (PAC).
                                Ukulinganiswa kweembawo yi-PAC efaneleko, 
                                ukuvunywa yiKomiti yokuTlolisa ye-SACNASP kanye 
                                nokuqinisekiswa mKhandlu ozeleko.
                                Umphumela wokulinganiswa angeze waziswa bekube 
                                ngemva komhlangano womKhandlu.
                                UmKhandlu ungala ukutlolisa umbawi:

                                nayikuthi ngemva kokuthoma ukusebenza 
                                komThethosisekelo weRiphabhligi yeSewula Afrika 
                                ka-1993 (umThetho weNomboro 200 ka-1993), umbawi 
                                ufunyenwe anomlandu, ngaphakathi kweRiphabhligi 
                                namkha lapha khunye, bewagwetjwa ukudosa ejele 
                                isikhathi esidlula iinyanga ezisithandathu 
                                namkha ihlawulo kunokudosa ejele kilokho
                                nayikuthi umbawi uthathwa yiKhotho ePhakamileko 
                                njengongakaphili kuhle ngokomkhumbulo namkha 
                                ingqondo namkha uvalelwa ngaphasi komThetho 
                                wokuPhila kuhle ngokweNgqondo (Mental Health 
                                Act, 1973 (umThetho weNomboro 17 ka-1973)
                                nakusajanyiswe ukuzitlolisa kombawi ngebanga 
                                lokujeziswa okubekwe phezu kwakhe ngaphasi 
                                kwalomThetho
                                nayikuthi umbawi ususiwe e-ofisini le-trust 
                                ngebanga lokungaziphathi kuhle
                                nayikuthi umbawi mumuntu otjhonileko 
                                ongakabuyiselwa ebujameni bangaphambilini 
                                ukutjhona kwakhe okwabangwa kungatjheji namkha 
                                kungazi umsebenzi okuwela ngaphasi kwehlangothi 
                                mayelana nalo enza isibawo sokutloliswa.
                                UmKhandlu uzakwazisa ngomtlolo nayikuthi isibawo 
                                sokutloliswa saliwe
                                Ungadlulisela phambili isiqunto somkhandlu 
                                kungakapheli amalanga ama-30 (ukukhambelana 
                                nekambiso yokudluliswa kweenqunto).
                                Kufanele wenze isibawo sokuvuselelwa 
                                kokuzitlolisa emKhandlwini, ubuncani bakhona 
                                iinyanga ezintathu ngaphambi kokuphela 
                                kokuzitlolisa (ukukhambelana nokuvuselelwa 
                                kokuzitlolisa).
                                [Top]
                                Iindleko
                                1 Apreli 2006 bekube ngu 31 Matjhi 2007: 
                                Akunamali yonyaka ebhadelwako ngonyaka 
wokuthoma.
                                 
                                USosayensi wemVelo wesiPhrofetjhinali 
                                (Professional Natural Scientist):R580 ngokuya 
                                kweziko elinye nelinye lokusebenza
                                USosayensi wemVelo oFuna umSebenzi (Candidate 
                                Natural Scientist)R320 ngokuya kweziko elinye 
                                nelinye lokusebenza
                                USosayensi wemVelo oQinisekisiweko (Certificated 
                                Natural Scientist):R380 ngokuya kweziko elinye 
                                nelinye lokusebenza
                                Imali yokutlolisa: Ukwenziwa ngcono ukusuka 
                                ku-"Cand.Sci.Nat" ukuya ku-"Pr.Sci.Nat"R580



                                Ukubhanka ngokwe-elektroniki nokudibhozida 
                                bunqopha: Sibawa usebenzise ama-initjhiyali 
                                nesibongo ukufanisa ukubhadela kwakho 
                                estatimendeni sakho sebhanka bewufeksele 
                                ubufakazi bokubhadela kanye nekhasi lokuTHOMA 
                                leforomo lesibawo sakho enomborweni ethi 012 841 
                                1057.
                                Imininingwana yebhanka
                                Umzuzi: SA COUNCIL FOR NATURAL SCIENTIFIC 
                                PROFESSIONS namkha i-SACNASP
                                NEDBANK, Silverton; iKhodi yeGatja: 164445: 
                                iNomboro ye-Akhawunti: 1644292289 
(okuyi-current)
                                [Top]
                                Amaforomo azaliswako
                                Application for Professional Registration 
                                (Isibawo sokuTlolisa kwesiPhrofetjhinali)
                                [Top]
                                Imininingwana yokuthintana


                                National office

                                iPhrovinsi:Gauteng
                                IdorobhaPretoria
                                Umtato:012 841 1075/50
                                Ifeksi:012 841 1057
                                I-adresi yendawo:Council for Geoscience, Suite 
                                B313, 280 Pretoria Road, Silverton, 0127
                                I-adresi yeposo:Private Bag X540, Silverton, 
0127
                                E-mail:sarnap@geoscience.org.za
                                Web:www.sacnasp.org.za









                                Yabuyekezwa kokugcina :12 January 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




