Ukuvikela abantwana abasolwa ngobulelesi



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Ukuvikela abantwana abasolwa ngobulelesi


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukusebenza ngomthetho   >  Ukubotjhwa    



                                    
                                Ukuvikela abantwana abasolwa ngobulelesi    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                UmNyango wezoBulungiswa nokuThuthukiswa 
                                komThethosisekelo urhelebha ukuvikela isithunzi 
                                nokuphila kuhle kwabantwana abasemrarweni 
                                nomthetho. Irherho lezomthetho labantwana 
                                litjheja abantwana abaneminyaka esuka kweli-7 
                                ukufika kweli-18 abasolwa ngobulelesi. Umthetho 
                                uyamukela bona abantwana abafike eminyakeni 
                                eli-7 kodwana abangakabi ukufika kweli-14 
                                abanakghono lokwenza ubulelesi, ngalokho ubeka 
                                isibopho sokutjengisa bona kunjalo kuRhulumende.
                                Isithunzi somntwana kanye nokuphila kuhle kwakhe 
                                kufanele kuvikelwe ngazo zoke iinkhathi 
                                ngesikhathi sokubotjhwa. Nayikuthi umntwana 
                                wenze ubulelesi obuncani, ipholisa kufanele 
                                lisebenzise ezinye iindlela zokubopha, ezifana 
                                nokutjhaphulela umntwana etlhogomelweni 
                                lababelethi bakhe namkha emuntwini omdala 
                                ofaneleko, namkha ukumnikela isaziso 
                                esitloliweko sokuvela ekhotho ngelanga 
                                elithileko.
                                Nawufuna ilwazi elinabileko, yiya ku-website 
                                yeKambiso yesiTjhaba yesiKhatjhana yokuPhathwa 
                                kwabaNtwana abasaLinde ukuVela eKhotho 
                                (i-Interim National Protocol for the Management 
                                of Children Awaiting Trial.
                                 
                                [Top]
                                Amagadango okufanele alandelwe
                                Nayikuthi umntwana ubotjhwe lipholiswa, thintana 
                                nesiphathiswa esigada iimbotjhwa (i-probation 
                                officer) emNyangweni wokuThuthukiswa 
                                kwezeHlalakuhle, isisebenzi sezehlalakuhle, 
                                umtjhutjhisi womphakathi e-ofisini yekhotho 
                                kamarhastrada, iBhodo yeRhelebho lezomThetho 
                                namkha eSentha yeRhelebho loBulungiswa 
                                babaNtwana (i-One Stop Child Justice) msinyana.
                                Yenza istatimende esifungelweko namkha utjho 
                                ngaphasi kwesifungo okwenzekileko. Ipholisa, 
                                igqwetha, isisebenzi sezehlalakuhle namkha 
                                umtjhutjhisi uzakurhelebha ukwenza isifungo 
lesi.
                                Nayikuthi kufanele, isiphathiswa esiphethe 
                                umlandu sizakulandela amagadango afaneleko 
                                ukuqinisekisa bona umntwana ususiwe erherwheni 
                                elizeleko lobulelesi.
                                Umntwana angatjhatjhululwa abekwe etlhogomelweni 
                                lababelethi/umbelethi namkha lomnikeli 
                                wetlhogomelo namkha abekwe endaweni yokuphepha 
                                bekube kulapho kuzakubanjwa ukulalela.
                                 
                                [Top]
                                Imithetho esetjenziswako
                                The International Convention on the Rights of 
                                the Child (IsiVumelwano seenTjhabatjhaba 
                                samaLungelo wabaNtwana)
                                The African Charter on the Rights and Welfare of 
                                the Child (ITjhata ye-Afrika ngamaLungelo 
                                neHlalakuhle yomNtwana)
                                UmThethosisekelo weRiphabhligi yeSewula Afrika 
                                ka-1996, isiGaba 28(1)(g)
                                Criminal Procedure Act, 1977 (Act 51 of 1977), 
                                Section 290 (UmThetho weKambiso yobuLelesi, 
                                isiGaba 290)
                                Criminal Procedure Second Amendment Act, 1997 
                                (Act 85 of 1997) (ITjhuguluko lesiBili lomThetho 
                                weKambiso yobuLelesi)
                                The Interim National Protocol for the Management 
                                of Children Awaiting Trial (IKambiso yesiTjhaba 
                                yesiKhatjhana yokuPhathwa kwabaNtwana abasaLinde 
                                ukuVela eKhotho)
                                The Child Justice Bill, 2002 (Bill 49 of 2002) 
                                (UmThethomlingwa woBulungiswa bomNtwana)
                                ImiThetjhwana ekhambelana nalemiThetho
                                 
                                [Top]
                                Amazinga wokusebenza nesikhathi
                                Endabeni enye nenye ephathelene nomtwana, 
                                ikareko yomntwana iqakatheke ukudlula enye into.
                                Ukuvalela umntwana kufanele kwenziwe 
                                njengegadango lokugcina.
                                Umntwana angavalelwa kuphela isikhathi 
                                esifitjhani. Nayikuthi uvalelwe, unelungelo 
                                lokugcinwa ngokuhlukana nabantu abaneminyaka 
                                eli-18, kanye nelungelo lokuphathwa nokugcinwa 
                                ebujameni obufanele iminyaka yakhe.
                                Nayikuthi ucabanga bona elinye lamalungelo la 
                                liyephulwa, kufanele uthintane negqwetha lakho 
                                msinyana, isisebenzi serhelebho lezomthetho, 
                                isiphathiswa esigada iimbotjhwa namkha 
                                isiphathiswa sezehlalakuhle namkha umtjhutjhisi 
                                womphakathi.
                                 
                                [Top]
                                Iindleko
                                Nayikuthi uqatjha igqwetha, kuzakufanela bona 
                                umbhadele ngemali yakho.
                                Nayikuthi ubawa irhelebho lezomthetho, ingeniso 
                                yakho izakuqunta bona uzakubhadeliswa namkha 
                                njani.
                                 
                                [Top]
                                Amaforomo azaliswako
                                Ipholisa, igqwetha, isisebenzi sezehlalakuhle 
                                namkha umtjhutjhisi uzakwenza incwadi yesifungo 
                                ngokusebenzisa istatimende sakho.
                                 
                                [Top]
                                Imininingwana yokuthintana


                                Department of Justice Court Services Branch

                                iPhrovinsi:Gauteng
                                IdorobhaPretoria
                                Umtato:012 315 1998/012 315 1259
                                Ifeksi:012 ...
                                I-adresi yendawo:Department of Justice, Court 
                                Services Branch, Momentum Centre, 329 Pretorius 
                                Street (c/o Pretorius and Prinsloo Streets), 
                                Pretoria, 0001
                                I-adresi yeposo:Private Bag X81, Pretoria, 0001

                                Web:www.doj.gov.za









                                     Sibawa ukhethe kunye: 
                                Eastern Cape
                                Free State
                                Gauteng
                                KwaZulu-Natal
                                Limpopo
                                Mpumalanga
                                North West
                                Northern Cape
                                Western Cape







                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




