﻿Ukuqalana nokungena enarheni ngokungasimthetho



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Ukuqalana nokungena enarheni ngokungasimthetho


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Indawo yokuhlala    >  Ukungena 
                                ngokungasimthetho enarheni     



                                    
                                Ukuqalana nokungena enarheni ngokungasimthetho   
                                 

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Kokubili inarha elawulwa ngurhulumende (ewela 
                                ngaphasi kwemiNyango yeeNdaba zeeNarha kanye 
                                namkha wemiSebenzi yomPhakathi namkha umbuso 
                                wephrovinsi namkha umasipala) kanye neyabantu 
                                bangeqadi ingangenwa ngokungasimthetho.
                                Umbuso unesibopho sangokomthetho sokuqinisekisa 
                                – lapho kufunekako begodu nangaphakathi 
                                kwemithombo etholakalako – bonyana zoke 
                                izakhamuzi zithabela amalungelo asisekelo wazo 
                                wokufikelela inarha kanye/namkha izindlu. Lapho 
                                ubujamo obukhethekileko obufana nokungena 
                                ngokungasimthetho kwenzeka khulu, umbuso 
                                unomsebenzi ofanako wokurhelebha abanikazi 
                                bepahla bangeqadi ukuvikela inarha yabo.
                                Lapho abangena enarheni ngokungasimthetho 
                                amalungelo wabo asisekelo angasi sengozini 
                                kufanele bakhutjhwe enarheni, abasemagunyeni 
                                bombuso abaqalene nenarha yakarhulumende 
                                abathintekako namkha umnikazi wenarha wangeqadi 
                                kufanele, ngaphandle kokumotjha isikhathi, aye 
                                ekhotho ayokufna umlayo wokubaqotha enarheni 
                                ngokuya komThetho wokuKhandelwa kokuQotha 
                                eNarheni ngokuNgasimthetho kanye nokuHlala 
                                eNarheni ngokuNgasimthetho ka-1998 (i-Prevention 
                                of Illegal Eviction From and Unlawful Occupation 
                                of Land Act, 1998 (Act 19 of 1998). LomThetho 
                                kwanjesi usetjenziswa mNyango wezeziNdlu.
                                Abantu (kufaka abangena enarheni 
                                ngokungasimthetho) abangakghoni ukufikelela 
                                inarha yokulima bangaya emNyangweni weeNdaba 
                                zeNarha ukufumana irhelebho lokufumana inarha 
                                efaneleko yokulinywa. Abantu abafuna izindlu 
                                bangatjhinga kumasipala wendawo namkha 
                                nakukghonekako ephrovinsini namkha emNyangweni 
                                wezezeNdlu nabafuna irhelebho.
                                UmNyango weeNdaba zeNarha
                                uzakuya ekhotho khona uzakufumana umlayo 
                                wokuqotha abangene ngokungasimthetho enarheni 
                                yakarhulumende engaphasi kwelawulo lawo ikani 
                                amalungelo wabangene enarheni ngokungasimthetho 
                                asisekelo kungeze kwaphikiswana ngawo
                                uzakurhelebha abangene enarheni 
                                ngokungasimthetho enarheni karhulumende namkha 
                                yengeqadi abafuna nabangananarha yokulima 
                                ukufumana ukufikelela inarha yokulima efaneleko
                                uzakurhelebha abasemagunyeni bembusweni 
                                ukufumana inarha efaneleko ezakunikelwa abangena 
                                enarheni ngokungasimthetho abatlhoga izindlu
                                lapho kufunekako begodu nalapho kunobujamo 
                                obukhethekileko, uzakurhelebha abanikazi benarha 
                                yokulima inarha yabo engenwe ngokungasimthetho 
                                ukufudusela abangene enarheni ngokungasimthetho 
                                abafuna inarha enarheni efaneleko
                                Nawufuna ilwazi elinabileko, yiya ku-website 
                                yomNyango weeNdaba zeNarha.

                                [Top]
                                Amagadango okufanele alandelwe
                                Lapho inarha yangeqadi ingenwe ngokungasimthetho 
                                begodu lapho kunobujamo obukhethekileko, 
                                umnikazi wenarha angaya ekhotho ngaphandle 
                                kokuriyada ayokufuna umlayo wokuqotha enarheni 
                                ngokuya komThetho wokuKhandelwa kokuQotha 
                                eNarheni ngokuNgasimthetho kanye nokuHlala 
                                eNarheni ngokuNgasimthetho ka-1998 (Prevention 
                                of Illegal Eviction From and Unlawful Occupation 
                                of Land Act, 1998).
                                Lapho inarha yangeqadi ingenwe ngokungasimthetho 
                                begodu kunobujamo obukhethekileko, umnikazi 
                                wenarha angaya kwelinye nelinye i-ofisi 
                                lomNyango weeNdaba zeNarha ukuyokufuna irhelebho 
                                nayikuthi unobangelo wokungena enarheni 
                                ngokungasimthetho kufuna inarha yokulima.
                                Lapho inarha yangeqadi ingenwe ngokungasimthetho 
                                begodu kunobujamo obukhethekileko, umnikazi 
                                wenarha angaya kumasipala wendawo namkha 
                                nakutlhogekako emNyangweni wezeziNdlu ukufna 
                                irhelebho nayikuthi unobangela kufuna izindlu.
                                [Top]
                                Imithetho esetjenziswako
                                State Land Disposal Act, 1961 (Act 48 of 1961) 
                                (UmThetho wokuThengiswa kweNarha kaRhulumende)
                                Provision of Land and Assistance Act, 1993 (Act 
                                126 of 1993) (UmThetho wokuNikelwa kweNarha 
                                neRhelebho)
                                Prevention of Illegal Eviction From and Unlawful 
                                Occupation of Land Act, 1998 (Act 19 of 1998) 
                                (UmThetho wokuKhandelwa kokuQotha eNarheni 
                                ngokuNgasimthetho kanye nokuHlala eNarheni 
                                ngokuNgasimthetho)
                                [Top]
                                Amazinga wokusebenza nesikhathi
                                Ekuthomeni, kuzakuthatha i-Directorate: Public 
                                Land Support Services pheze amalanga ali-14 
                                ukuzuma nokufanisa enye inarha. Kodwana, 
                                ngebanga lokubonisana kwabadlalindima nokuvuma 
                                kwakangqongqotjhe, ikambiso ingathatha phakathi 
                                kweenyanga ezintathu ukuya 
                                kwezisithandathuntathu ukuphela.
                                [Top]
                                Iindleko
                                Iindleko ezithinteka ekufunyanweni kwenarha 
                                efaneleko ziya ngobujamo. Izinto ezifana 
                                nobukhulu bomphakathi ofunelwa inarha kanye 
                                nentengo yenarha endaweni ethileko ziyatjhejwa.
                                [Top]
                                Amaforomo azaliswako
                                Akunamaforomo azaliswako.
                                [Top]
                                Imininingwana yokuthintana


                                     Sibawa ukhethe kunye: 
                                National
                                Eastern Cape
                                Free State
                                Gauteng
                                KwaZulu-Natal
                                Limpopo
                                Mpumalanga
                                North West
                                Northern Cape
                                Western Cape




                                Yabuyekezwa kokugcina :20 March 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




