﻿Ukunikela ubujamo bangokomthetho/ukuqinisekiswa kwemitlolo yangokomthetho



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Isibawo sokunikela ngesaziso sokuhlongakala
                                ImiSebenzi namaEjensi wokuJanyelwa kweNarha 
                                eSewul
                                Ukuqinisekisa iinTifikhethi zomSebenzisi amaEUC
                                Ukuqinisekiswa kwelayisense yokutjhayela 
                                nawungaph
                                Ukunikela ubujamo bangokomthethoukuqinisekiswa 
                                kwe
                                Imisebenzi eyenzelwa amabanjwa weSewula Afrika 
                                abo
                                Isibawo sesitifikhethi samapholisa sokuvunyelwa 
                                kw


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukuvakatjhela ngaphandle kweSewula Afrika   >  
                                Imisebenzi eyenzelwa amaphandle     



                                    

                                Ukunikela ubujamo bangokomthetho/ukuqinisekiswa 
                                kwemitlolo yangokomthetho    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Ukunikela ubujamo bangokomthetho namkha 
                                ukuqinisekisa imitlolo kutjho bona imitlolo 
                                yangokomthetho inanyanthiselwa, ifakwa 
                                isiqinisekiso semitlolo begodu itlikitlwa 
                                nge-Apostille Certificate (lapho iinarha 
                                zimalunga wesiVumelwano se-Hague saka-Oktoba 
                                1961) namkha ngeSitifikhethi sokuqinisekisa 
                                lapho iinarha zingasi malunga wesiVumelwano 
                                se-Hague.
                                IPhiko lokuNikelwa kobuJamo bangokomThetho 
                                (i-Legalisation Section) lomNyango weeNdaba 
                                zangaPhandle linikela ngemisebenzi elandelako:
                                Ukuqinisekiswa kwemitlolo yangokomthetho 
                                yomphakathi eyenziwe ngaphakathi kweSewula 
                                Afrika bona isetjenziswe ngaphandle 
                                kweRiphabhligi yeSewula Afrika ngokusebenzisa 
                                i-Apostille Certificate namkha iSitifikhethi 
                                sokuQinisekisa.
                                Ukunikela amaklayenti ngemihlahlandlela 
                                ukufumana imitlikitlo elungileko/imitlolo 
                                nayikuthi imitlolo elethiweko ayikalungi namkha 
                                ayikazaliswa ngokuzeleko.
                                Ukunikela amaklayenti ngelwazi kanye nokuphathwa 
                                kwemibuzo yemitato/yeposo mayelana nokunikelwa 
                                kobujamo bangokomthetho kwemitlolo.
                                Abajameli beSewula Afrika ngaphetjheya 
                                bangaqinisekisa imitlolo yangokomthetho kuphela 
                                nayikuthi yaqinisekiswa namkha yanikelwa ubujamo 
                                bangokomthetho mGunyazi wezangaPhandle namkha 
                                yi-Legalisation Section yomNyango weeNdaba 
                                zangaPhandle. AbaJameli bangaPhandle 
                                abakagunyazwa ukukhupha i-Apostille Certificate, 
                                kungaqalwa inarha ethintekako. Bangakhupha 
                                kuphela iinTifikhethi zokuQinisekisa.
                                Okuqakathekileko:
                                Bawa umjameli ofaneleko wangaphandle ukukutjela 
                                bona ngiliphi itlikitlo abafisa ukuliqinisekisa. 
                                Isibonelo, obunye ubuzenda bungafuna bona 
                                umNyango wezeFundo utlikitle amakhophi 
                                wokufaneleka kwezefundo kuthi abanye bangafuna 
                                bona amakhophi enziwe abe ngewangokomthetho 
                                yi-notary (elinye nelinye igqwetha elitloliswe 
                                njenge-notary) begodu atlikitlwe ngu-Registrar 
                                of the High Court ngaphambi kobana enziwe 
                                wangokomthetho. 
                                Nawufuna ilwazi elinabileko, yiya ku-website 
                                yomNyango weeNdaba zangaPhandle
                                [Top]
                                Amagadango okufanele alandelwe
                                Qunta bona ngimuphi umtlolo ofuna ukwenziwa ube 
                                ngewangokomthetho.
                                I-Legalisation Section ingakhupha isiqinisekiso 
                                esifaneleko namkha i-Apostille Certificate 
                                ngokuya kwemithetho elandelako:

                                Umtlolo akukafaneli ube nobudala bonyaka munye.
                                Iklayenti kufanele itjele iPhiko enarheni 
                                umtlolo ozakusetjenziswa kiyo ukuvumela iPhiko 
                                ukuqunta  nayikuthi i-Apostille namkha 
                                isitifikhethi sokuqinisekisa siyafuneka.
                                Ngaphambi kobana iPhiko lingakhupha 
                                isitifikhethi sokusiqinisekisa/se-Apostille, 
                                umtlolo kufanele uqinisekiswe

                                nguMarhastrada, nguMarhastrada wokuNgezelela 
                                namkha umRhelebhi kaMarhastrada,
                                ngu-Registrar namkha umRhelebhi ka-Registrar 
                                we-Supreme Court yeSewula Afrika namkha
                                mgunyazi ofaneleko njengombana kubekwe ngenzasi.
                                Okuqakathekileko:
                                Ngaphambi kobana imitlolo ilethwe ePhikweni 
                                lokuNikelwa kobuJamo bangokomThetho bona 
                                iqinisekiswe, itlkitlo lakaKomitjhinara 
                                weemFungo, i-Notary Public, u-Justice of the 
                                Peace namkha omunye nomunye umsebenzi wekhotho 
                                ongasi-Registrar kufanele liqinisekiswe 
                                nguMarhastrada, nguMarhastrada wokuNgezelela 
                                namkha mRhelebhi kaMarhastrada namkha 
                                ngu-Registrar namkha ngu-Assistant Registrar 
                                welinye nelinye iphiko le-Supreme Court yeSewula 
                                Afrika ngaphasi kwendawo elawulwa 
                                nguKomitjhinara weemFungo namkha ngu-Justice of 
                                the Peace lapho basebenzisa umsebenzi wabo 
                                namkha lapho i-Notary Public isebenza khona. 
                                Imitlolo elandelako kufanele iqinisekiswe 
                                yiKhotho njengombana kubekwe ngehla, kuye 
                                ngokuthi yatlikitlwa mgunyazi ofaneleko 
                                njengombana kurhenyiswe ngenzasi:

                                Intifikhethi ezirhunyeziweko namkha ezizeleko 
                                zamabeletho, zomtjhado kanye/namkha 
                                zokuhlongakala kanye neencwadi eziqinisekisa 
                                ubujamo bobakhamuzi bomuntu, ezitlikitlwe 
                                bezastentjwa sisebenzi seeNdaba zeKhaya.
                                Amaphepha woku-adoptha atlikitlwe abe astentjwa 
                                ngu-Registrar woku-Adoptha emNyangweni 
                                wezoBulungiswa.
                                Imitlolo yokuthumela ngaphandle etlikitlwe 
                                beyastentjwa yi-Chamber of Commerce efaneleko.
                                Iintifikhethi zeemfundo ezitlikitlwe 
                                bezastentjwa sisebenzi esigunyaziweko somNyango 
                                wezeFundo.
                                IinTifikhethi zokuVunyelwa zamaPholisa 
                                (Clearance Certificates) ezitlikitlwe 
                                bezastentjwa yi-Sentha yamaRekhodi wobuLelesi 
                                yamaPholisa weSewula Afrika (Criminal Record 
                                Centre) (IsiTifikhethi sokuVunyelwa samaPholisa 
                                sisebenza kuphela iinyanga ezintathu).
                                Incwadi yokuNgakhandeli (incwadi yobujamo 
                                bezomtjhado) etlikitlwe beyastentjwa sisebenzi 
                                esigunyaziweko seeNdaba zeKhaya.
                                Ukutloliswa kwekampani okutlikitlwe 
                                bekwastentjwa mTlolisi wama-Close Corporations 
                                (Registrar for Close Corporations).
                                Iintifikhethi zokwelatjhwa ezistentjwe 
                                bezatlikitlwa ziimphathiswa ezigunyaziweko 
                                ze-Health Professions Council.
                                Imitlolo ekhambelana nokuthuthwa kwefuyo, kufaka 
                                iimfuyosithandwa, kufanele istentjwe 
                                beyitlikitlwe nguDorhodera weFuyowakaRhulumende 
                                ovunyelweko.
                                Ukuqinisekisa amakhophi wemitlolo (isibonelo, 
                                iphaspoti, i-ID, isivumelwano semsebenzini), 
                                enziwe aba ngewangokomthetho yi-Notary Public 
                                (elinye nelinye igqwetha elitloliswe 
                                njenge-notary) abe aqinisekiswa ngu-Registrar of 
                                the High Court namkha nguMarhastrada ngaphambi 
                                kokulethwa emNyangweni weeNdaba zangaPhandle. 
                                I-Legalisation Section angeze yaqinisekisa 
                                amakhophi wemitlolo, nanyana kumakhophi 
                                wamambala aqinisekisiweko.
                                Amakhophi wemilayo yezahlukaniso atlikitlwe abe 
                                astentjwa ngu-Registrar of the High 
                                Court/Divorce Court. (Amakhophi kufanele 
                                atholakale eKhotho lapho isahlukaniso sanikelwa 
                                khona. U-Registrar we-High Court leyo kufanele 
                                aqinisekise itlikitlo lakamabhalana oqinisekise 
                                ikhophi.)
                                Letha imitlolo ePhikweni lokuNikelwa kobuJamo 
                                bangokomThetho ngokusebenzisa enye 
yaleziindlela:

                                Ngokwakho. Imitlolo elethwe nguwe ingathathwa 
                                kuphela nakunobufakazi bokulethwa.
                                Ngokuthuthwa. Ngesihle uyayeleliswa bona 
                                imisebenzi yekampani yokuthutha iyasetjenziswa. 
                                Iklayenti kufanele lihlele ukubhadela umthuthi 
                                ukobana imitlolo ibuyiselwe kuye. Emitlolweni 
                                ethunyelwa ngokusebenzisa iposo (etlolisiweko, 
                                erhabako namkha ngenye indlela), faka 
                                i-envilobhu ene-adresi yakho enestempe 
                                sangokomthetho yobukhulu be-A4 ukuvumela iPhiko 
                                ukubuyisela imitlolo kuwe nasele kuqediwe. 
                                Umthuthi uzakunikelwa islibhu sokuthatha. 
                                Islibhu lesi sifuneka nakuzokuthathwa imitlolo.
                                Ngeposo etlolisiweko/erhabako. Imitlolo elethwe 
                                ngeposo izakubuyiswa kuphela kumthumeli 
                                nayikuthi i-envilobhu ebhadelelwe safuthi, 
                                ene-adresi yakho neyobukhulu be-A4 ifakiwe. 
                                Akunakhetjhe ezakwamukelwa. Imitlolo ethunyelwa 
                                ebuNgqophisi ngeposo kufanele iphekelelwe 
                                yincwadi ephekelela umtlolo, ebeka isibalo 
                                semitlolo okufanele inikelwe ubujamo 
                                bangokomthetho, inarha efunelwa ubujamo 
                                bangokomthetho kanye nemininingwana yokuthintana 
                                ezeleko yomthumeli.
                                Ngokusebenzisa i-ofisi lomjameli weSewula Afrika 
                                ngaphetjheya (i-High Commission, ubuZenda namkha 
                                i-Consulate).
                                [Top]
                                Imithetho esetjenziswako
                                The Hague Convention of 5 October 
                                1961(IsiVumelwano se-Hague)
                                Rule 63 of The Rules of the Supreme Court of 
                                South Africa, as amended by Government Notice 
                                R.500 dated 12/3/1982 and R.801 dated 23/4/1982. 
                                (UmThetho 63 wemiThetho ye-Supreme Court 
                                yeSewula Afrika, njengombana utjhugululwe 
                                sisAziso somBuso seNomboro R.500 sangomhlaka 
                                12/3/1982 kanye neseNomboro R.801 sangomhlaka 
                                23/4/1982)
                                Rules of the Supreme Court of South Africa as 
                                published in Government Notice R.277 dated 
                                3/3/1967 (ImiThetho ye-Supreme Court yeSewula 
                                Afrika njengombana ivezwe esAzisweni somBuso 
                                R.277 sangomhlaka 3/3/1967)
                                [Top]
                                Amazinga wokusebenza nesikhathi
                                Umsebenzi (I-Ofisi eliKhulu)Isikhathi
                                Ama-awara wokuvulela umphakathi (Mvulo – 
                                Lesihlanu, kungafaki amalanga wokuphumula)08:30 
                                – 12:30
                                Isaziso sokuvalwa kwe-Legalisation Section 
                                ngamalanga angakatjhiwo ngehlaAmalanga ali-7
                                Ukusebenza imitlolo lapho ubunengi bemitlolo 
                                emibili ilethiweImizuzu ema-30
                                Ukusebenza imitlolo lapho imitlolo ephakathi 
                                kwemithathu nemihlanu ilethiweI-awara li-1
                                Ukusebenza imitlolo lapho imitlolo ephakathi 
                                kwesithandathu namkha edlula lapho 
                                ilethiweAma-wara ama-24
                                Ukusebenza imitlolo efunyenwe ngemva 
                                kwaka-12:00Ama-awara ama-24
                                Ukuyelelisa iklayenti ngokungenziwa komsebenzi 
                                kungakapheli isikhathi esinikelweko ngebanga 
                                lokungabikhona emsebenzini kwabasebenzi namkha 
                                ukubhalelwa ngokwesithenikiKhonokho
                                Ukuqinisekiswa kwetlikitlo: Thintana nomtlikitli 
                                womtlolo itlikitlo lakhe okufuneka 
                                liqinisekiswe. (Tjheja: Siyancancabeza ngombana 
                                ukukunikela isibopho sokobana kuzakuthatha 
                                umtlikitli isikhathi esingangani ukudlulisela 
                                umhlobo wetlikitlo lakhe e-Legalisation 
                                Section.)Ama-wara ama-24
                                Ukuphendula imibuzo yemitatoAma-awara ama-24
                                Ukuphendula ukuthintana ngemitlolo (iposo, 
                                e-mail, feksi)Ama-awara ama-24
                                Ukugcina imitlolo engakalandwa ngaphambi 
                                kokuyimotjhaIinyanga ezisi-6



                                [Top]
                                Iindleko
                                Akunamali ezibhadeliswa ukusebenza imitlolo, 
                                kodwana lomsebenzi uzakutjhugululwa ngesaziso 
                                sangaphambi kokwenza (itjhejuli yamaphakathi 
                                kwaka-2007).
                                [Top]
                                Amaforomo azaliswako
                                Akunamaforomo azaliswako. Kodwana kuqakathekile 
                                ukuhlala uveza inarha ohlose ukusebenzisa kiyo 
                                umtlolo.
                                [Top]
                                Imininingwana yokuthintana


                                Educational qualifications

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 ...
                                I-adresi yendawo:Department of Education, Room 
                                258, Van der Stel Building, 179 Pretorius 
                                Street, Pretoria.
                                I-adresi yeposo:Private Bag X184 , Pretoria, 
0001



                                iPhrovinsi:Gauteng
                                IdorobhaPretoria
                                Umtato:012 ...

                                I-adresi yendawo:Department of Education, Room 
                                542, Sol Plaatje House, 123 Schoeman Street, 
                                Pretoria
                                I-adresi yeposo:Private Bag X895 , Pretoria, 
0001



                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 ...
                                I-adresi yendawo:Department of Education, Room 
                                542, Sol Plaatje House, 123 Schoeman Street, 
                                Pretoria
                                I-adresi yeposo:Private Bag X895 , Pretoria, 
0001




                                Citizenship status letter

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 ...
                                I-adresi yendawo:Department of Home Affairs, 173 
                                Pretorius Street, Pretoria
                                I-adresi yeposo:Private Bag X605, Pretoria, 0001




                                Police Clearance Certificates

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 ...
                                I-adresi yendawo:Criminal Record Centre, South 
                                African Police Service, 1st Floor, Sanlam Plaza 
                                West, CRC Client Service Centre, 271 Schoeman 
                                Street, Pretoria, 0001
                                I-adresi yeposo:The South African Criminal 
                                Record Centre, Police Clearance Certificates, 
                                Private Bag X308, Pretoria, 0001




                                Medical Certificates

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 ...
                                I-adresi yendawo:Health Professions Council at 
                                553 Vermeulen Street, Arcadia, Pretoria
                                I-adresi yeposo:P.O. Box 205, Pretoria, 0001




                                Full or unabridged birth, marriage, and death 
                                certificates

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 810 7371/7553/7593
                                I-adresi yendawo:Department of Home Affairs, 270 
                                Maggs Street, Watloo, Pretoria, 0001
                                I-adresi yeposo:Private Bag X114, Pretoria, 0001




                                Letter of No Impediment (Marital Status)

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 810 7371/7553/7593
                                I-adresi yendawo:Department of Home Affairs - 
                                Population (Marriages Section), 270 Maggs 
                                Street, Watloo, Pretoria, 0001
                                I-adresi yeposo:Private Bag X114, Pretoria, 0001











                                Yabuyekezwa kokugcina :26 March 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




