﻿IsiNdebele 
* Umlandelande Wezokumaketha Wabalimi Abancani?
Ukuhlukaniswa Kwefuyo 
UMNYANGO WEZELIMO
IRIPHABHLIGI YESEWULA AFRIKA
Ukukhetha Ifuyo Ezakufandeswa 
Nawuhlose ukufandesa ifuyo yakho zibuze umbuzo olandelako: ?kungani ngifuna ukuthengisa ifuyo yami ngalesisikhathi??
Ibanga lokuthengisa ifuyo kungaba kukuthi: 
* ifuyo iyilungele imakethe  begodu inoniswe ngokufaneleko bona ingahlatjwa.
* ikhule ngokufaneleko bona ingathengwa ngobunengi ngilabo abathengela ukuhlaba.
* ifuyo leyo ayisasizi khulu khulu endimeni yefuyo esikazi yokwandisa ihlobo elithileko lefuyo, esele iyidala khulu begodu ingasazali.
* akusanakudla kwefuyo okwaneleko eplasini.
Khetha ifuyo yokuzalisa ngokujamiselela begodu thengisa eseleko ngaphambi kobana ikhule khulu namkha ikudle imali enengi ukuyigcina.  
Izinto Eziqalwa Ekuhlukanisweni 
Izinto eziqalwa ekuhlukanisweni ziquntwa ngokuya kobudala, ukunona, nokuqaleka komzimba wayo, ukulimala nobulili. Ungalindela kuphela intengo ehle ngefuyo nayiphile kuhle, nayiphakathi kwamagreyidi A no-B, ingakondi khulu namkha inone khulu begodu iphakuliwe. Ifuyo yegreyidi AB ingenisa imali ephasi kanti igreyidi C ingenisa imali ephasi khulu.  
Ukuqaleka Komzimba Wefuyo Nobujamo Bokunikela Amaphuzu
Ukuqaleka komzimba wefuyo yindlela umzimba oqaleka ngayo begodu uhlathulula itjhebiswano yenyama nethambo. Ubujamo bokunikela amaphuzu benziwa ngokulinganisa ukunona kwefuyo. 
Ukunona
Ukunona kwenyama yekomo, yemvu neyembuzi kuhlukaniswa ngamakhodi asuka ku-0 aye ku-6.
Ubudala Nokugreyida
Igreyidi itholwa ngokuqala amazinyo. 
Ukulimala 
Ukulimala komzimba okwenzeka, isibonelo, ngesikhathi sokuthuthwa kuhlukaniswa bunje:
* Kancani (ihlandla 1)
* Okulingeneko (ihlandla 2)
* Okukhulu (ihlandla 3)
Ubulili 
Ubulili befuyo buqakatheke kuphela nasiya emzimbeni wekunzi neweramu eenqhemeni zeminyaka ye-AB, B no-C. 
?????????.
Figure captions
A. 
1. Ubujamo bokunikela ikomo amaphuzu.
2. Yizwa inani lamafutha ngaphasi kwesikhumba endaweni ephakathi 
 kwenyonga nebhambo lokugcina. 
3. Khodi 1: Sipara khulu ngemvapha
4. Khodi 2: Sipara ngemvapha
5. Khodi 3: Lingeneko ngemvapha
6. Khodi 4: Rono ngemvapha
7. Khodi 5: Rono khulu ngemvapha 
B.
1. Ukugreyida: Ukulinganisa ubudala bekomo ngokuqala amazinyo.
2. Greyidi A : Ngaphasi kweminyaka emibili ubudala (amatserwana kuphela).
3. Greyidi AB : Ukusuka eminyakeni emi-2 ukuya kwemi-2 ? ubudala (Ukusuka 
 kweli-1 ukuya kwama-2 amazinyo wokuluma) 
4. Greyidi B : Ukusuka eminyakeni emi-2 ? ukuya eminyakeni yobudala emi-3 
(ebizwa ngezinyo lesi-4 begodu enamazinyo wokuluma wasafuthi ama-3 ukuya
kwasi-6)
5. Greyidi C : Iminyaka emi-4 ubudala (ebizwa ngomlomo ozeleko namazinyo 
wokuluma asi-6 wasafuthi)
C. 
1. Greyidi C : Iminyaka emine ubudala (ebizwa ngomlomo ozeleko namazinyo 
wokuluma asi-6 wasafuthi)
2. Greyidi A: Ngaphasi konyaka munye ubudala (amatserwana)
3. Greyidi AB: Ukusuka enyakeni munye ukuya ku-1 ? iminyaka yobudala
(namazinyo wokuluma ukuthoma kweli-1 ukuya kwama-2)
4. Greyidi B: Iminyaka emi-2 ubudala (ebizwa ngezinyo lesi-4)
5. Greyidi B: Iminyaka emi-2 ? ubudala (ebizwa ngezinyo lesi-6)
6. Greyidi C: Iminyaka emi-2 ? ubudala (ebizwa ngomlomo ozeleko)
7. Greyidi C: Amazinyo aphelileko naphukileko wesilwana esidala 
1
