﻿Ukubika ilifa lomuntu ohlongakeleko



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Ukubika ilifa lomuntu ohlongakeleko
                                Isibawo sokutlolisa itrust


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukusebenza ngomthetho   >  Ilifa lohlongakeleko  
                                   



                                    

                                Ukubika ilifa lomuntu ohlongakeleko    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Ilifa lomuntu ohlongakeleko liba khona lokha 
                                umuntu nakahlongakalako begodu atjhiya ipahla 
                                kanye/namkha umtlolo oyiwili namkha othathwa 
                                njengewili. Ilifa kufanele liphathwe 
                                belisatjalaliswe ngokuya kwewili yohlongakeleko 
                                namkha nayikuthi ohlongakeleko akakatjhiyi 
                                iwili, ngokuya kweenjamiso zomthetho. UmThetho 
                                wokuPhathwa kwamaFa ka-1965, ubeka ikambiso 
                                ezakulandelwa ukuphatha ilifa lohlongakeleko.
                                Ilifa lohlongakeleko kufanele libikwe ku-Master 
                                kungakapheli amalanga ali-14 welanga 
                                lokuhlongakala. Ukuhlongakala kungabikwa 
                                ngomunye nomunye umuntu olawula namkha ophethe 
                                umtlolo womuntu ohlongakeleko oyiwili namkha 
                                othathwa njengewili.
                                Kufanele kubikwe nini ukuhlongakala ku-Master?
                                Nayikuthi umuntu ohlongakeleko uhlongakalele 
                                eSewula Afrika begodu utjhiye ipahla 
                                kanye/namkha omunye nomunye umtlolo oyiwili 
                                namkha othathwa njengewili
                                Nayikuthi ohlongakeleko wahlongakalela 
                                ngaphandle kweSewula Afrika, kodwana watjhiya 
                                ipahla eSewula Afrika kanye/namkha nomtlolo 
                                oyiwili namkha othathwa njengewili
                                Libikwa kuphi ilifa lomuntu ohlongakeleko?
                                Nanyana woke ama-ofisi kamarhastrada aziindawo 
                                zokusebenzela zaka-Master lapho amafa 
                                wabahlongakeleko abikwa khona, anamandla 
                                wangokomthetho aqintelweko begodu azakudlulisela 
                                woke amafa anamawili kanye namafa adlula i-R50 
                                000 ngenani e-ofisini lephrovinsi laka-Master. 
                                Nawufisa ukubika ilifa elinjalo, kuhle wenze 
                                njalo bunqopha e-ofisini laka-Master.
                                Nawufuna ilwazi elinabileko, yiya ku-website 
                                yomNyango wezoBulungiswa nokuThuthukiswa 
                                komThethosisekelo.
                                 
                                [Top]
                                Amagadango okufanele alandelwe
                                Nayikuthi inani lelifa lingaphasi kwe-R50 000, 
                                bika ilifa e-ofisini lakamarhastrada. Nayikuthi 
                                lidlula i-R50 000, bika bunqopha e-ofisini 
                                laka-Master.

                                Nayikuthi ohlongakeleko bekahlala eSewula Afrika 
                                ngesikhathi sokuhlongakala, bika ilifa ku-Master 
                                onamandla wangokomthetho wendawo lapho 
                                ohlongakeleko bekahlala khona ngesikhathi 
                                sokuhlongakala.
                                Nayikuthi ohlongakeleko bekangahlali eSewula 
                                Afrika ngesikhathi sokuhlongakala, bika ilifa 
                                komunye nomunye (kodwana kungapheleli koyedwa) 
                                u-Master.
                                Bika ilifa ngokuzalisa iForomo J294: Death 
                                notice (Isaziso sokuhlongakala) kanye neminye 
                                imitlolo esekelako erhenyiswe ngenzasi.
                                Ungafumana iforomo lesaziso sokuhlongakala 
                                neminye imitlolo yokubika kwelinye nelinye 
                                i-ofisi laka-Master wekhotho ephakamileko namkha 
                                kwelinye nelinye i-ofisi lakamarhastrada.
                                Inani lelifa kanye nomhlobo wesikhundla 
                                esifunekako uzakuqunta ngemitlolo ozayizalisa 
                                bewuyilethe.
                                Nayikuthi inani lelifa lingaphasi kwe-R125 000, 
                                zalisa imitlolo elandelako:

                                Isaziso sokuhlongakala (Form J294: Death notice)
                                Incwadi yesifungo: Imininingwana yesihlobo – 
                                elizakuzaliswa nayikuthi ohlongakeleko akhenge 
                                atjhiye iwili esebenzako (Form J192: Affidavit: 
                                particulars of next of kin next of kin)
                                Iforomo lerhemo (Form J243: Inventory form)
                                Ukukhonjwa bona usebenze njengophetha iimfuno 
                                zewili (iForomo lokukhomba) Nomination to act as 
                                executor (Nomination form) – elizakuzaliswa 
                                ziindlalifa ekukhonjweni komjameli ka-Master

                                nayikuthi lilifa elinganawili; namkha
                                nayikuthi iwili ayikhombi othileko njengomphethi 
                                weemfuno othileko; namkha
                                nayikuthi okhonjwe njengomphethi weemfuno 
                                uhlongakele namkha wale ukukhonjwa
                                Isibopho nokwamukelwa kwemilayo ka-Master (Form 
                                J155: Undertaking and acceptance of Master’s 
                                directions)
                                Namathisela imitlolo elandelako emaforomini 
                                azalisiweko arhenyiswe ngehla:

                                isitifikhethi samambala sokuhlongakala namkha 
                                ikhophi eqinisekisiweko yaso
                                isitifikhethi samambala somtjhado namkha ikhophi 
                                eqinisekiweko yaso – nayifunekako
                                woke amawili nama-codicils (okutjho, ihlangothi 
                                lokungezelela lewili elitjhugulula iwili 
                                yokuthoma namkha elisula ihlangothi layo) namkha 
                                imitlolo ehlose lokho – nayikhona
                                irhemo labanikeli beenkolodo bohlongakeleko – 
                                nalifunekako
                                isifungo esiqinisekisa bona ilifa sele libikiwe 
                                komunye u-Master namkha kwenye indawo 
                                yokusebenzela ka-Master.
                                Nayikuthi ilifa lingaphasi kwe-R125 000, 
                                u-Master angasebenza ngaphandle kwencwadi 
                                yokuphethwa kweemfiso zewili esikhundleni 
                                salokho akhuphe iincwadi zesigunyazo ngokuya 
                                kwesiGaba 18(3) somThetho wokuPhathwa kwamaFa 
                                ka-1956.
                                Nayikuthi inani lelifa lidlula i-R125 000, 
                                zalisa imitlolo elandelako:
                                Isaziso sokuhlongakala (Form J294: Death notice)
                                Incwadi yesifungo: Imininingwana yesihlobo – 
                                elizakuzaliswa nayikuthi ohlongakeleko akhenge 
                                atjhiye iwili esebenzako (Form J192: Affidavit: 
                                particulars of next of kin). Isifungwesi, 
                                esenziwa sihlobo somuntu onzima ohlongakelelo, 
                                obekanganawili, kufanele sibeke bona ilifa 
                                alikabikwa ku-Master namkha endaweni 
                                yokusebenzela (nayikhona).
                                Iforomo lerhemo Form J243: Inventory form
                                UkuKhethwa njengozakuPhetha iimFuno 
                                zeWili/Iforomo lokukhethwa (Nomination to act as 
                                executor/Nomination form) – elizakuzaliswa 
                                ziindlalifa ukukhomba umjameli ka-Master

                                nayikuthi lilifa elinganawili; namkha
                                nayikuthi iwili ayikhombi othileko 
                                njengomphethi; namkha
                                nayikuthi okhonjwe njengomphethi uhlongakele 
                                namkha wale ukukhonjwa
                                Ukwamukelwa kwe-trust njengozakuPhetha iimFuno 
                                zeWili (Form J109: Acceptance of trust as 
                                executor) elizakuzaliswa ngeduphlikheyithi 
                                ngomunye umu/abantu o/abakhonjwe njengabaphethi 
                                beemfuno
                                Isibopho ne-Bond of Security (Form J262: 
                                Undertaking and bond of security) elizakuzaliswa 
                                ngaphandle kwalokha umphethi weemfiso zewili

                                abekelwe ngeqadi ekunikeleni ngesiqinisekiso 
                                ewilini, namkha
                                mbelethi, ngothethweko/ngothetheko namkha 
                                mntwana wohlongakeleko
                                Letha amaforomo azalisiweko arhenyiswe ngenzasi 
                                kanye nemitlolo elandelako:
                                Isitifikhethi samambala namkha ikhophi yaso 
                                eqinisekiweko
                                Isitifikhethi samambala somtjhado namkha ikhophi 
                                yaso eqinisekisiweko – nayifunekako
                                woke amawili nama-codicils (okutjho, ihlangothi 
                                lokungezelela lewili elitjhugulula iwili 
                                yokuthoma namkha elisula ihlangothi layo) namkha 
                                imitlolo ehlose lokho – nayikhona
                                Nayikuthi ilifa lidlula i-R125 000, iincwadi 
                                zokuphethwa kweemfiso zewili kufanele 
                                zikhutjhwe, begodu ikambiso ezeleko ebekwe 
                                mThetho wokuPhathwa kwamaFa ka-1965 kufanele 
                                ilandelwe.
                                Iindawo zokusebenzela (ama-ofisi kamarhastrada) 
                                ezinegunya langokomthetho kuphela nayikuthi 
                                ohlongakeleko akakatjhiyi iwili esebenzako 
                                begodu inani loke lelifa lingaphasi kwe-R50 000. 
                                Incwadi yegunya enikela umjameli okhonjiweko 
                                ukuphatha ilifa ngaphandle kokulandela ikambiso 
                                ebekwe emThethweni wokuPhathwa kwamaFa ka-1965.
                                 
                                [Top]
                                Imithetho esetjenziswako
                                Administration of Estates Act, 1965 (Act 66 of 
                                1965) (UmThetho wokuPhathwa kwamaFa)
                                Administration of Estates Amendment Act, 2002 
                                (Act 47 of 2002) (UmThetho wamaTjhuguluko 
                                wokuPhathwa) nemiThetjhwana ekhambelanako
                                Intestate Succession Act, 1987 (Act 81 of 1980) 
                                (UmThetho wokwAmukela iliFa ngombana 
kuNganawili)
                                Law of Succession Amendment Act, 1992 (Act 43 of 
                                1992) (UmThetho wamaTjhuguluko wokwAmukela iliFa 
                                ngombana kuNganawili) nemiThetjhwana 
                                ekhambelanako
                                 
                                [Top]
                                Amazinga wokusebenza nesikhathi
                                Isikhathi esibekelwe ukwenza umsebenzi siyame 
                                ekuraraneni kwendaba.
                                 
                                [Top]
                                Iindleko
                                Thintana ne-ofisi laka-Master nawufuna 
                                imininingwana.
                                 
                                [Top]
                                Amaforomo azaliswako
                                Amaforomo alandelako angatholakala kuwebhsayithi 
                                yomNyango wezoBulungiswa nokuThuthukiswa 
                                komThethosisekelo.
                                Death Notice (J294) (Isaziso sokuhlongakala)
                                I nventory (J243) (Irhemo)
                                Affidavit - J192 (Incwadi yesifungo)
                                Nomination to Act as Executor (UkuKhethwa 
                                njengozakuPhetha iimFuno zeWili)
                                Undertaking and acceptance of Master’s 
                                directions – J155 (Isibopho nokwamukelwa 
                                kwemilayo ka-Master)
                                Acceptance of trust as Executor – J190 
                                (Ukwamukelwa kwe-trust njengezakuPhetha iimFuno 
                                zeWili)
                                Undertaking and Bond of Security – J262 
                                (Isibopho ne-Bond of Security)

                                Securityship (by natural person) (Isiqinisekiso 
                                (somuntu wamambala))
                                Securityship (by insurance 
                                company/bank/financial institution) 
                                (Isiqinisekiso (sekampani yetjhorensi/ibhanka, 
                                isikhungo sezeemali))
                                Notice to creditors in Deceased Estates – J193 
                                (Isaziso kubanikeli sikolodo emaFeni 
                                wabaHlongakeleko)
                                Liquidation and distribution accounts in 
                                deceased estates lying for inspection – J187 
                                (Ukuphadlhalajwa nokusatjalaliswa 
                                kwama-akhawunti emafeni wabahlongakeleko bona 
                                ahlolwe)
                                Application for Endorsement in terms of section 
                                42 (2) of the Administration of Estates Act 
                                (Isibawo sokuqinisekiswa ngokuya kwesigaba 42 
                                (2) somThetho wokuPhathwa kwamaFa)
                                Application for Endorsement in terms of section 
                                80 of the Administration of Estates Act (Isibawo 
                                sokuqinisekiswa ngokuya kwesigaba 80 somThetho 
                                wokuPhathwa kwamaFa)
                                 
                                [Top]
                                Imininingwana yokuthintana


                                Master's office

                                iPhrovinsi:Gauteng
                                IdorobhaPretoria
                                Umtato:012 339 7700/7807
                                Ifeksi:012 ...
                                I-adresi yendawo:3rd Floor, South Tower, 
                                Momentum Centre, 329 Pretorius Street (c/o 
                                Pretorius and Prinsloo Streets), Pretoria, 0001
                                I-adresi yeposo:Private Bag X81, Pretoria, 0001

                                Web:www.doj.gov.za/master/m_main.htm


                                General Manager: Inland

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 ...
                                I-adresi yendawo:3rd Floor, South Tower, 
                                Momentum Centre, 329 Pretorius Street (c/o 
                                Pretorius and Prinsloo Streets), Pretoria, 0001
                                I-adresi yeposo:Private Bag x 81, Pretoria, 0001

                                Web:www.doj.gov.za/master/contacts_list.htm


                                General Manager: Coastal

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 ...
                                I-adresi yendawo:3rd Floor, South Tower, 
                                Momentum Centre, 329 Pretorius Street (c/o 
                                Pretorius and Prinsloo Streets), Pretoria, 0001
                                I-adresi yeposo:Private Bag x 81, Pretoria, 0001

                                Web:www.doj.gov.za/master/contacts_list.htm


                                General Manager: Strategy, Research and Policy

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 ...
                                I-adresi yendawo:3rd Floor, South Tower, 
                                Momentum Centre, 329 Pretorius Street (c/o 
                                Pretorius and Prinsloo Streets), Pretoria, 0001
                                I-adresi yeposo:Private Bag x 81, Pretoria, 0001

                                Web:www.doj.gov.za/master/contacts_list.htm


                                Senior Manager: Finance and Guardian’s Fund

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 ...
                                I-adresi yendawo:3rd Floor, South Tower, 
                                Momentum Centre, 329 Pretorius Street (c/o 
                                Pretorius and Prinsloo Streets), Pretoria, 0001
                                I-adresi yeposo:Private Bag x 81, Pretoria, 0001

                                Web:www.doj.gov.za/master/contacts_list.htm









                                Yabuyekezwa kokugcina :24 June 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




