﻿Ukubhadelwa kwesikolodo



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                Ukubhadelwa kwesikolodo


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukusebenza ngomthetho   >  Ukuthathela 
                                amagadango womthetho     



                                    

                                Ukubhadelwa kwesikolodo    

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Nayikuthi umuntu ukukoloda imali, ungamdosela 
                                ekhotho (umthathele amagadango wombango) 
                                ukufumana imali akukoloda yona. Lokhu kutjho 
                                bona ungenza bona okukolodako avele ekhotho 
                                ukulinga ukumenza bona abuyise imali yakho. 
                                Ikhotho yenza ikambiso yokubuyiswa kwemali ibe 
                                burhaba namsinyana.
                                Nawufuna ilwazi elinabileko, yiya ku-website 
                                yomNyango wezoBulungiswa nokuThuthukiswa 
                                komThethosisekelo.
                                [Top]
                                Amagadango okufanele alandelwe
                                Nayikuthi umuntu ukukoloda imali efika ku-R7 000

                                Nayikuthi umuntu ukukoloda imali wena siquntu 
                                sakho (ngamanye amagama awukajameli ikampani 
                                namkha i-close corporation), ungaya ekhotho 
                                yemibango emincani (i-small claims court) 
                                uthathele okukolodako amagadango womthetho.
                                Awutlhogi igqwetha – umabhalana wekhotho 
                                uzakurhelebha ukuzalisa amaforomo weembawo.
                                Umbhalana wekhotho yemibango emincani namkha 
                                utjherifu uzakuthumelela umuntu omthathela 
                                amagadango womthetho incwadi.
                                Nayikuthi indaba ayirarululwa, ikhotho yemibango 
                                emincani izakubeka ilanga lokulalela, elivamise 
                                ukuba ngemva kwesikhathi somsebenzi, lapho wena 
                                noziphendulelako nizakuvela phambi 
                                kwakaKomitjhinara wemiBango emiNcani 
                                (Commissioner for Small Claims).
                                Ekulaleleni kufanele wena noziphendulelako 
                                ninikelwe ithuba lokubeka indaba kuKomitjhinara. 
                                Anganihloma ngemibuzo begodu anikele ngomlayo 
                                ngemva kokulalelwa.
                                Angeze wadlulisela phambili isiqunto, ngaphandle 
                                kwalokha kuba nokungakhambi kuhle – isibonelo, 
                                nayikuthi uKomitjhinara bekazi omunye 
                                othintekako kodwana akhenge abawe ukulisa 
                                ukulalela umlandu, okungabeka oziphendulelako 
                                ebujameni obuhle kunomunye.
                                Ukudlulisela phambili, thintana negqwetha bona 
                                indaba ibuyekezwe yikhotho ephakamileko.
                                Nayikuthi umuntu ukukoloda imali ephakathi 
                                kwe-R7 000 ne-R100 000

                                Thathela okukolodako amagadango womthetho 
                                eKhotho kaMarhastrada.
                                Thintana negqwetha ukufumana irhelebho 
                                lezomthetho. Nayikuthi awukghoni ukubhadela 
                                igqwetha, thintana neBhodo yeRhelebho 
                                lezomThetho, iSentha yezoBulungiswa eseduze 
                                namkha kwenye nenye iKliniki yeRhelebho 
                                lezomThetho.
                                Nayikuthi umuntu ukukoloda imali engaphezulu 
                                kwe-R100 000
                                Thathela okukolodako amagadango womthetho 
                                eKhotho ePhakamileko.
                                Thintana negqwetha nawufuna irhelebho 
                                lezomthetho.
                                Nayikuthi uthathelwa amagadango womthetho 
ekhotho
                                Thintana negqwetha, ikhotho kamarhastrada 
                                eseduze namkha iKliniki yeRhelebho lezomThetho 
                                kungakapheli amalanga ama-5 ngemva kokufumana 
                                amasamoni (isaziso somthetho, esivamise 
                                ukulethwa ngutjherifu wekhotho, esikulaya bona 
                                ubhadele isikolodo), khona uzazivikela 
                                (nayikuthi ucabanga bona imali efunwa kuwe 
                                ayikalungi) namkha uhlele ukubhadela isikolodo.
                                Nakungasi njalo, thintana nomuntu okuthathele 
                                amagadango womthetho ukulinga ukurarulula umraro 
                                ngaphandle kokuya ekhotho. Kodwana ungafumana 
                                igqwetha ukukurhelebha kunokobana uzijamele. 
                                Ungaya komunye umuntu ozisebenzela ngeqadi 
                                (ozambhadela) namkha fumana irhelebho eKliniki 
                                yeRhelebho lezomThetho eseduze.
                                Kufanele uthathe igadango ngamasamoni ngombana 
                                nawungenzi njalo, incwadi yokuphethwa kwawo 
                                izakukhutjhwa mayelana nepahla yakho, okutjho 
                                bona ikhotho ingathatha ipahla yakho, 
                                iyithengise beyinikele imali umuntu omkolodako.
                                Nayikuthi utjherifu ukunikela amasamoni namkha 
                                incwadi yokuphethwa kwawo

                                Bawa ikarada lokubonana elitlikitlwe yiBhodo 
                                yeSewula Afrika yaboTjherifu.
                                Lokha utjherifu namkha isekela lakhe 
                                nalikunikela umtlolo, kufanele ahlathulule bona 
                                umtlolo uyini nokuthi kufanele wenzeni.
                                Unganghonghoyila ngotjherifu eBhodini yeSewula 
                                Afrika yaboTjherifu namkha emNyangweni 
                                wezoBulungiswa nokuThuthukiswa 
komThethosisekelo.
                                Nayikuthi umbutheleli weenkolodo uthintana nawe
                                Bawa ukubona ubufakazi bokutloliswa kwakhe 
                                njengombutheleli weenkolodo.
                                Lokha umbutheleli weenkolodo akunikela umtlolo, 
                                kufanele ahlathulule bona uyini nokobana 
                                kufanele wenzeni. Kufanele ngaso soke isikhathi 
                                akuphathe ngesithunzi nehlonipho. Nakungasi 
                                njalo unganghonghoyila emKhandlwini 
                                wabaButheleli beenKolodo nemNyangweni 
                                wezoBulungiswa nokuThuthukiswa 
komThethosisekelo.
                                [Top]
                                Imithetho esetjenziswako
                                Small Claims Courts Act, 1984 (Act 61 of1984) 
                                (UmThetho wamaKhotho wemiBango emiNcani)
                                Magistrates’ Courts Act, 1944 (Act 32 of 1944) 
                                (UmThetho wamaKhotho waboMarhastrada)
                                Supreme Court Act, 1959 (Act 59 of 1959) 
                                (UmThetho we-Supreme Court)
                                Sheriffs Act, 1986 (Act 90 of 1986) (UmThetho 
                                waboTjherifu)
                                Debt Collectors Act, 1998 (Act 114 of1998) 
                                (UmThetho wabaButheleli beenKolodo)
                                Promotion of Equality and Prevention of 
                                Discrimination Act, 2000 (Act 4 of 2000) 
                                (UmThetho wokuPhuhliswa kokuLingana 
                                nokuKhandelwa kweBandlululo)
                                Constitution of the Republic of South Africa, 
                                1996 (UmThethosisekelo weRiphabhligi yeSewula 
                                Afrika ka-1996)
                                Regulations related to the various Acts 
                                (ImiThetjhwana ekhambelana nemiThetho 
ehlukeneko)
                                [Top]
                                Amazinga wokusebenza nesikhathi
                                Kufanele uphathwe ngehlonipho, ngokulingana 
                                nabanye nangesithunzi.
                                Nayikuthi uphathwa ngokungatjengisi ihlonipho 
                                namkha ngendlela enebandlululo, nghonghoyila 
                                ekhotho yezokulingana eseduze. Woke amakhotho 
                                aphakamileko namaKhotho waboMarhastrada asebenza 
                                njengamakhotho wezokulingana.
                                 
                                [Top]
                                Iindleko
                                Nayikuthi ukhomba igqwetha ukuthathela umuntu 
                                amadagango womthetho namkha ukuzivikela ngombana 
                                omunye umuntu athathele wena amagadango 
                                womthetho kuzakufanela bona ubhadele igqwetha 
                                ngomsebenzi walo.
                                [Top]
                                Amaforomo azaliswako
                                Amaforomo atholakala ekhotho yemibango emincani 
                                eseduze, eKhotho kaMarhastrada, eKhotho 
                                ePhakamileko, e-ofisini leBhodo yeRhelebho 
                                lezomThetho namkha edeksini lokwazisa kwenye 
                                nenye ikhotho etjhiwoko.
                                Iforomo lesinghonghoyilo (Complaint Form)
                                 
                                [Top]
                                Imininingwana yokuthintana


                                Business Unit: Court Services

                                iPhrovinsi:Gauteng
                                IdorobhaPretoria
                                Umtato:Tel: 012 315 1649/1418/1016/1111
                                Ifeksi:012 315 1851/1888
                                I-adresi yendawo:Momentum Building, Pretorius 
                                Street
                                I-adresi yeposo:Private Bag X81, 0001

                                Web:www.doj.gov.za









                                Yabuyekezwa kokugcina :11 February 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




