﻿Ubulelesi bokwetjiwa kweemali be-419 nebe-lotto



                              Siyakutlhogomela    Singebalapha    
Siyakusebenzela


                              Ilwazi lombuso | www.gov.za  

                                 Imisebenzi eyenzelwa abantuImisebenzi 
                                yeenhlanganoImisebenzi eyenzelwa amaphandle
                                 




                                 Khetha ilimi   AfrikaansEnglish 
                                NdebeleSepediSiswatiSesothoSetswanaTsongaVendaXhosaZulu

                                ISentha ye10111 namaPholisa weMmoyeni
                                Ukubika ubulelesi ngokungazivezi
                                Ukubika umuntu olahlekileko
                                Ukubika ubulelesi ngokungazivezi
                                Ukubika ukutlhoriswa kwabantu abadala
                                Iinghonghoyilo ngokuhlongakala ekuvalelweni 
                                maphol
                                Ubulelesi bokwetjiwa kweemali be419 nebelotto
                                Ihlelo lokuKhandelwa kobuLelesi iCrime Stop 
08600


                                Ongakhetha kikho
                                 Gadangisa ikhaseli
                                 Thumela ikhaseli nge-e-mail
                                 Faka kokuthandako
                                 Yenza njengekhasi lekhaya




                                Ngewebhsayithi |Thintana nathi |Umebhe wesayithi

                                 >  Ekhaya   >  Imisebenzi eyenzelwa abantu   >  
                                Ukusebenza ngomthetho   >  Ukubika ubulelesi 
                                kwaSouth African Police Service    



                                    

                                Ubulelesi bokwetjiwa kweemali be-419 nebe-lotto  
                                  

                                Ihlathululo | Amagadango okufanele alandelwe | 
                                Imithetho esetjenziswako | Amazinga wokusebenza 
                                nesikhathi | Iindleko | Amaforomo azaliswako | 
                                Imininingwana yokuthintana


                                Ihlathululo
                                Lokho okubizwa ngoBulelesi be-Nigeria beeNcwadi 
                                bulelesi bokubhadelelwa kweemali phambili. 
                                Ubulelesi lobu godu baziwa ngo “Bulelesi be-419” 
                                begodu benziwa silelesi, esivamise ukuba lilunga 
                                lesiqhema sezelelesi. (Kufanele utjheje, kodwana 
                                bona nanyana ubulelesi lobu busuka e-Nigeria, 
                                iinqhema zeenlelesi zakwezinye iinarha nazo sele 
                                zibungenele).
                                Ubulelesi buthonywa silelesi esithinta ikampani 
                                eqaliweko, ngokusebenzisa ifeksi, iposo namkha 
                                i-e-mail. Kwenziwa isihlongozo sebhizinisi, 
                                okuvamise ukobana senziwe siqhema seenlelesi 
                                esizenza iimphathiswa eziphezulu zombuso. 
                                Iinlelesi zithi ziphethe imali enengi ebhajedwe 
                                yeqa, okuvamise ukuba madola we-Amerika. 
                                Isihlongozo sifaka ukudluliswa kwemali 
                                ebhajedelwe yeqa ifakwe e-akhawuntini yebhanka 
                                engaphandle kwenarha lapho ubulelesi busuka 
                                khona. Umuntu ofumana ukuthintana uthenjiswa 
                                amaphesente aphakathi kwama-20 ukufika kwama-35 
                                wemali ezakudluliswa njengenzuzo yokusetjenziswa 
                                kwe-akhawunti yebhanka yakhe.
                                Imali ithathwa kungazimbi ngeendlela ezimbalwa:
                                Ungazimbi ubawiwa bona afake imali e-akhawuntini 
                                yebhanka ethileko ukurhelebha iindleko 
                                zokuphetha umsebenzi.
                                Nasele imali ebekiweko ibhadelwe, “kuba 
                                nerarano” elenza kufuneke bona kubhadelwe enye 
                                imali.
                                Umhlangano uyahlelwa kwezinye iinarha kuthi 
                                nasele ungazimbi afikile enarheni leyo, 
                                athathelwe iphaspoti abe avalelwe abe abhadele 
                                imali eyaneleko.
                                Imininingwana yebhanka esephepheni elinetshwayo 
                                langokomthetho ingasetjenziswa ukudlulisa imali 
                                ukusuka e-akhawuntini kangazimbi ibe ifakwe 
                                e-akhawuntini elawulwa zizelelesi.
                                Ubulelesi be-lotto buthonywa babantu 
                                ngokusebenzisa i-e-mail. Isilelesi sizenza 
                                isiphathiswa esibuya eKampanini ye-Lotto 
                                besitjele umuntu bonyana uthumbe i-lotto nanyana 
                                angakhenge athenge ithikithi. Sitjho iinomboro 
                                ezithumbileko ezisetjenziswe ekuthintaneni 
                                nanyana iKampani ye-Lotto isilelesi esithi 
                                sisebenza kiyo ingabakhona begodu neenomboro 
                                kungezithumbileko (njengombana zikhutjhwe 
                                yikampani), lokhu bulelesi. Iindlela ezifanako 
                                ziyasetjenziswa nebulelesini be-419 ukuthatha 
                                iimali kungazimbi.
                                Ilwazi lokungezelela elikhambelana nalobu 
                                bulelesi litholakala ewebhsayithini yemiSebenzi 
                                yesiPholisa yeSewula Afrika lapho imininingwana 
                                ephathelene nokusebenza kobulelesi, iintjengisi 
                                zobulelesi, isibalo seendlela imali efunyanwa 
                                ngazo kungazimbi kanye namagadango wokuyelelisa 
                                abekiwe.
                                Nawufuna ilwazi elinabileko, yiya ku-website 
                                yemiSebenzi yesiPholisa seSewula Afrika
                                [Top]
                                Amagadango okufanele alandelwe
                                Izakhamuzi zeSewula Afrika nabahlali:
                                o Nayikuthi ufumana incwadi yobulelesi, 
                                dlulisela imitlolo yoke, ilwazi nokuthintana 
                                ku-Interpol.
                                o Beka bona "Awukalahlekelwa yimali" namkha 
                                "Ulahlekelwe yimali" emitlolweni.
                                o Nikela ngemininingwana yokuthintana nenomboro 
                                yomtato, namkha yabantu abathintekako.
                                o Kizo zoke iindaba mayelana nobulelesi lobu, 
                                i-Interpol izakukhulumisana ne-Commercial Crime 
                                Unit (iPhiko loBulelesi beeMali) lemiSebenzi 
                                yesiPholisa seSewula Afrika.
                                Izakhamuzi zangaphandle nabahlali:
                                o Feksela ikhophi yokuthintana ye-"419" 
                                efunyenweko ku-Supharintende we-Commercial Crime 
                                Unit yemiSebenzi yesiPholisa seSewula Afrika 
                                namkha iKhomitjhini/uBuzenda/Consulate-General 
                                weSewula Afrika ezakudluliselwa esipholiseni 
                                seSewula Afrika.
                                o Nikela ngemininingwana yebhanka 
(nayifunekako).
                                o Beka bona "Awukalahlekelwa yimali" namkha 
                                "Ulahlekelwe yimali".
                                o Nayikuthi kunesakhamuzi seSewula Afrika 
                                ekusebenzeni kwe-"419", beka ngokucacileko 
                                imininingwana efaneleko.
                                o Nikela ngemininingwana yokuthintana kanye 
                                neenomboro zomtato namkha zabantu abathintekako.
                                [Top]
                                Imithetho esetjenziswako
                                IGazede yomBuso yeNomboro 22459 yaka 13 Julayi 
                                2001 kanye nesAziso Mazombe seNomboro 1643 
                                selanga elifanako.


                                [Top]
                                Amazinga wokusebenza nesikhathi
                                ImiSebenzi yesiPholisa seSewula Afrika iqunta 
                                ngesikhathi sokukhutjhwa kwemibiko yeragelo 
                                phambili. Imibiko ivamise ukukhutjhwa njalo 
                                eemvekeni ezimbili kuye ngobujamo bomlandu.
                                Imibiko yeragelo phambili ayizukunikelwa abantu 
                                lapho bangalahlekelwa yimali khona. Kodwana 
                                kuqakathekile bonyana isipholisa seSewula Afrika 
                                sinikelwe amakhophi weencwadi zobulelesi 
                                be-"419" bona zifakwe kudathabhesi yawo.
                                IimPhathiswa zokuJanyelwa kweNarha ngaPhetjheya 
                                zeSewula Afrika (ama-South African Consular 
                                Officers) ngaphetjheya zizakudlulisela imitlolo 
                                lapho kube nelahleko yemali ku-SAPS kungakapheli 
                                ama-awara ama-48 ngemva kokufumana imitlolo.
                                [Top]
                                Iindleko
                                Awubhadeli litho ngalomsebenzi.


                                [Top]
                                Amaforomo azaliswako
                                Akunamaforomo weembawo azaliswako kodwana 
                                kuqakathekile ukutjengisa emtlolweni nayikuthi 
                                kube nelahleko.


                                [Top]
                                Imininingwana yokuthintana


                                National office

                                iPhrovinsi:Gauteng
                                IdorobhaPretoria
                                Umtato:012 ...
                                Ifeksi:012 309 3003/4
                                I-adresi yendawo:Interpol, Forum Building, Cnr 
                                Bosman and Struben Streets, Pretoria, 0001
                                I-adresi yeposo:Private Bag X301, Pretoria, 0001











                                Yabuyekezwa kokugcina :19 January 2007





                                    

                                 








                              Ngewebhsayithi |Thintana nathi |Umebhe wesayithi 
                              |Imibandela nobujamo




